Date Archives January 2014

Banoret e Rastovices pas 15 vitesh me ujesjelles

Perurimi I ujesjellesit ne Rastovice(foto R.Selmanaj)

Radio Kosova, 8 janar 2014, Pas 15 vitesh, banoret e fshatit Rastovice te Decanit do te behen me ujesjelles. Ky eshte fillimi i zgjidhjes se nyjes se ujesjellesit per dhjete  fshatra te komunes se Decanit, i cili po zvarritet tash 10 vjet.

Te mbi 1,300 banoret e fshatit Rastovice nuk do te kene me veshtiresi me furnzimin me uje te pijes, se tashme te 150 shtepite e tyre tashme jane paisur me ujesjelles te ri.Dhe, vite te tera pa te ishin tejet te gjata,thone banoret.

Veshtiresite kane qene gjithmone prezente meqe ne jemi furnizuar gjithmone nga puset ndersa, veshtiresite me te medha jane paraqit kur kane vershuar ujerat e zeza mbi toke dhe keshtu eshte bere ndotja e ujerave“-thote Muje Kadrijaj,banor i ketij fshati,sipas te cilit furnizimi nga puset gjithmone  permbante ne vete rrezikun e kontaminimit te ujerave.”Te t’ htem te drejten,une disa here i kam ba analizat e ujit dhe rezultatet kane qene deri diku brenda kufijve te lejueshem,por edhe ka pas bakterje gje e cila me siguri ka bart pasoja tek banoret sepse cilesia ka qene e dobet”.

Edhe Beqir Kadrijaj me familjen e tij per vite te tera eshte perballur me veshtiresite qe bart mungesa e ujit te pijes. Ndersa, furnizimin me pompa kohe pas kohe hendikeponte edhe mugnesa e rrymes, thote z.Kadrijaj:

“Furnizimin e kemi pas ne menyre klasike, nga puset apo aty ketu me pompa. Por, edhe ashtu problemet vazhdonin,meqe sa here ndalej rryma ne mbesnim edhe pa uje.Rregullimi i tij ka qene domosdoshmeri jetike. Ndersa, sot eshte nje fatbardhesi e madhe,sepse nga nje katastrofe e fshatit tashme po pi uje te paster qe m’kenaq shpirtin, sepse vjen nga bjeshket tona. Dhe mbi te gjitha,edhe kur po ndalet rryma uji po rrjedh”.

Banoret per vite te tera te rrezikuar nga uji i ndotur

Sido qe te jete, keto dite te veshtira banoret e Rastovices i kane pas vetes.Ndersa, kjo dite 

Banoret kremtojne perurimin e ujesjellesit(foto M.Kadrijaj)

do te mbetet e shenuar ne kujtesen e te gjitheve.

Vet prezenca e gjithe banoreve te fshatit tregon nje gezim shume te madh per realizimin e kesaj nevoje te madhe dhe plotesimin e ketij kushti elementar per jete te shendetshme. Prandaj besoj se kj odite do te mbetet ne kujtese per kohe te gjate”,thote Muje Kadrijaj.

“Po per Zotin,eshte kenaqesi e madhe se uji eshte jete. Se, kur po hi n’ shpi edhe ku po ndalet rryma s’ po them:”Khu,paskam me shku me marr uje!”,por po e shoh se ka dhe po rri shlire. ndaj, kushdo qe ka investu, qofte komuna, qofte bashkimi Evropian, qofte ministrite apo ndonje donator tjeter, ne u jemi mirenjohes te gjitheve dhe ne kemi pushuar nga ato veshtiresi te perballjes me mungese te ujit te pijes qe nga pefundim i luftes”,i bashkangjitet kusheriri Beqiri.

Rrumbullakesimi i ujesjellesit per 10 fshatra me 24 mars

Kryetari i komunes se Decanit Rasim Selmanaj thote se nyja shuemnvjecare e ujesjellesit per dhjete fshatrat e Komunes se Decanit tashme ka gjet zgjidhjen dhe perurimi i ketij ujesjellesi eshte fillimi i rezlutateve te angazhimit shumevjecar.

“Projekti i ujesjellesit per 10 fshatrat e komunes se Decanit mund te themi se ka perfundu. Ne disa fshatra ka mbet me u implementu kyqja familjare.Prilepi tashme eshte kry, sot kemi perurimin ne fshatin Rastovice, do t’ vazhdojme me fshatin Prekolluke dhe per nje kohe shume te shkurter do t’ behen kyqjet familjare ne te gjitha fshatrat. Perderisa, projekti do te rrumbullakesohet me perurimin tek Kompleksi Memorial i Deshmoreve te Kombit ne Gllogjan. me 24 mars, ne pervjetorin e fillimit te luftes frontale ne Dukagjin”,thote Selmanaj.
Sipas kryetarit Selmanaj, realizimi i projektit per 10-te fshatra te komunes se Decanit eshte investim i perbahket i komunes se Decanit dhe Ministrise se Ambientit dhe Planifikimit Hapsinor ne vlere prej 1 milione eurosh,perjashtuar investimet paraprake nga qeveria,d onatoret dhe komuniteti te cilat si pasoje e destinimit e gabuar rezultuan me zvarritjen shumevjecare te ketij projekti.

Krishtlindjet ortodokse në Kosovë – Incidente dhe mesazhe paqeje

Manastiri i Deçanit

7 janar 2014, Dojce Vele,Vuçiq mori pjesë në liturgjinë e mbajtur në Graçanicë nga peshkopi i Rashkës dhe Prizrenit Teodosije. Liturgjia u mbajt vetëm një ditë pas protestave në Gjakovë dhe refuzimit të vizitës së Vulinit atje.

Liturgjia qendrore e Krishtlindjeve ortodokse u shërbye në Manastirin e Gracanicës nga drejtuesi i Kishës Ortodokse Serbe për Kosovën Teodosije, Peshkop i Rashkës dhe Prizrenit i cili dha mesazhe paqeje. Në liturgjinë qendrore të Krishtlindjeve në Gracanicë mori pjesë edhe zëvendëskryeministri i parë i Serbisë, Aleksandër Vuçiq, i cili në prag të vizitës tha, se udhëton në Kosovë me mesazhe paqeje. Në liturgji ishte i pranishëm edhe Aleksandër Vulin, ministër për Kosovën në qeverinë e Serbisë, të cilit nga autoritet kosovare iu refuzua kërkesa për vizitë në Manastirin e Gjakovës, por iu lejua vizita në manastiret e tjera.

Manastiri I Gracanices(foto DW)


Liturgjia e mbajtur në manastirin e Graçanicës u sigurua nga forca të konsiderueshme të Policisë së Kosovës. Ndërkohë që rruga prej kalimit kufitar në Merdare deri në Graçanicë ka qenë me shumë policë të Kosovës, të cilët kanë siguruar udhëtimin e delegacionit serb. Zëvendëskryeminisri Aleksandar Vuçiq, ministri serb për Kosovën Aleksandar Vulin dhe ministri i Mbrojtjes Nebojsha Rodiq kanë kaluar deri në Graçanicë pa asnjë problem. Aleksandar Vuçiq u prit para Manastirit të Graçanicës nga prefektë serbë të Kosovës dhe qytetarë të shumtë.

Incidente nga serbet-Protesta nga shqiptarët


Por ndonëse Krishtlindjet cilësohen si festë e paqes, dashurisë dhe përqafimit të vlerave njerëzore, ato u shoqëruan me incidente nga serbët në veri të Kosovës dhe protesta nga shqiptarët në Gjakovë, qytet në perëndim të Kosovës. Zëdhënësi i Drejtorisë Rajonale të

Policisë së Kosovës në Mitrovicë, Avni Zahiti, konfirmoi faktin se ka pasur të shtëna me armë, sulm me granatë dore ndaj një prone private në Zhitkovac të komunës së Zvecanit me dëme materjale si dhe përleshje masive ndërmjet dy grupeve serbe. “Me këtë rast 6 persona kanë kërkuar ndihmë mjekësore në qendrën spitalore në veri, dy prej të cilëve janë mbajtur në trajtim të mëtutjeshëm. Policia e Kosovës po e trajton rastin, por nuk ka ende të arrestuar”, tha për DW-në zëdhënësi Zahiti. Nga ana tjetër në Gjakovë, masa protestuese e qytetarëve shqiptarë prej rreth 4.000 vetësh zbrapsi dy autobusë me pelegrinë serbë të ardhur kryesisht nga Serbia, me qëllim që të kremtonin Krishtlindjet në Manastirin e Gjakovës. Protestuesit shqiptarë ishin kryesisht familjarë të të pagjeturve, të cilët me fotografi në dorë shpërthyen kordonin e policisë dhe penguan hyrjen e pelegrinëve në manastir. Kryetarja e komunës së Gjakovës, Mimoza Kusari Lila në prononcim për media e përkrahu protestën, ndërsa parajamërimin për vizitën e Vulinit e vlerësoi si hapje plagësh për familjet e të pagjeturve të vrarëve. Ndërsa Vulin tha se “në fytyrën e Evropës ka mbetur një njollë e pashlyeshme, një njollë e tmerrshme, pasi qindra Serbë nuk janë lejuar të marrin pjesë në lutjen e parashikuar në Gjakovë”. Sipas tij, “zgjidhjet afatgjate dhe të qëndrueshme për Kosovën mund të arrihen vetëm me dialog”.

Ne Manastirin e Decanit-Krishtlindje te qeta dhe pa figura politike


Sivjet,Krishtlindjet ne Manastirin e Decanit te pazakonshme…

Të rreth  70 pelegrinët serb pas qëndrimit disaorësh në Manastirin e Decanit u kthyen prapa.  Igumeni i Manastirit të Decanit Sava Janjiq tha për DW-në se vizita nuk ishte organizuar nga Kisha Ortodokse Serbe duke shprehur keqardhje për incidentet dhe domosdoshmëri që vizita të tilla të organizohen më mirë.“Krishtlindjet jamë festë e paqes dhe e faljes,ndaj ti kremtojmë  ato së bashku, në mënyrë të  të ndërtojmë paqe, mirëkuptin dhe respekt ndërmjet nesh-tha Janjiqi për të shtuar: Ndaj prej këtu përcjell urimet tek të gjthë njerëzit vullnetmirë  e vecanërisht fqinjve tanë shqiptar duke përkujtuar se tempujt tanë pavaëesisht se cilit besim përkasin, duhet të jenë vende të cilat na bashkojnë dhe jo t´na përqajnë“.

Për dallim nga manastiret e tjera por edhe nga vitet e mëparshme, Krishtlindjet në Manastirin e Decanit  sivjet u kremtuan në një atmosferë të qetë, rreth të ngushtë fetar dhe pa figura politike. Ndërsa në liturgjinë qëndrore të Krishtlindjeve në Gracanicë mori pjesë edhe zëvendëskryeministri i parë i Serbisë, Aleksandër Vuçiq, i cili në prag të vizitës ka thënë se  udhëton në Kosovë me mesazhe paqeje. Në liturgji ishte i pranishëm edhe Aleksandër Vulin, ministër për Kosovën në qeverinë e Serbisë, të cilit nga autoritet kosovare iu refuzua kërkesa për vizitë në Manastirin e Gjakovës por iu lejua vizita në manastiret e tjera. Ndërsa autoritetet kosovare kanë uruar besimtarët ortodoksë, duke i cilësuar krishtlindjet si festë të paqes, dashurisë dhe përqafimit të vlerave njerëzore.
                                                                                                           Ajetë Beqiraj/Bahri Cani