Date Archives August 2012

Nishani viziton Manastirin e Decanit dhe familjen Haradinaj

Manastiri i Decanit
Kulla e Haradinajve

31 gusht 2012, Radio Kosova, Presidenti i Shqiperise Bujar e Nishani, ne kuader te vizites ne Kosove, sot vizitoi  edhe Manasitirn e Decanit, prej nga u percollen mesazhe paqeje. Presidenti Nishani vizitoi edhe familjen Haradinaj, prej nga percolli bindjen per pafajsine e ish kryeministrit te Kosoves Ramush Haradinajt si dhe urimin per 100 vjetorin e pavaresise se Shqiperise.

Igumeni Janjiq dhe presidenti Nishani

Bashkëjetesa dhe bashkëpunimi për për ndërtimin e një shoqërie të re në paqe e harmoni për secilin është mesazhi më i mirë që mund të përcillet nga një institucion fetar, ka thënë presidenti i Shqiperise Bujar Nishani gjatë vizitës në Manastirin e Decanit , prej nga u përcollen mesazhe paqeje dhe vullnet i mire për ndërtimin e një shoqërie të re në paqe dhe mirëbesim me njëri-tjetrin.

 „Sepse,besimi tek Zoti do t´na shtoje akoma me shume dashurinë ndaj njeri-tjetrit,besimin tek paqja dhe tek njëri-tjetri dhe kontributin për të ardhmen. Qënjet njerëzore janë në tokë për të menduar gjithmonë për të mirën e njeri-tjetri dhe për të ardhmen“ ,tha Nishani.
 
Besimi në Zotin shton dashurinë mes njerëzve
 
Igumeni Janjiq, presidenti Nishani
dhe kryetari Selmanaj

Igumeni i Manastirit te Decanit, Sava Janjiq, viziten e presidentit të Shipërisë e vlerësoi si nder të vecantë për këtë institucion, ndërsa tolerancën fetare si shembull për gjithë Ballkanin.  „Ndërsa, ky është një rast i mirë në të cilin do të dëshmojmë bashkarisht rëndësinë e bashkëpunimit ndërmjet vete, vecanërisht të njerëzve të kulturave dhe beismeve të ndryshme në ndërtimin e një shoqërie bashkëkohore në të cilën secili do mund  të jetojë në paqe dhe bashkëpunim. Shpresoj se Manastiri i Decanit do të jap  një kontribut të vogël në ndërtimin e paqes së përgjithshme dhe bahkëpunimin e të gjithë njerëzve vulnetmirë në Kosovë“.

 
Vizita e Nishanit në këtë institucion fetar e cila vie në kuadër të vizitës së tij në Kosovë, është e para  e një presidenti nga Shqipëria si dhe pritja e parë e përbashkët e ndonjë figure politike nga  përfaqësues të Manastirit të Decanit dhe të komunës së Decanit, që nga lufta e fundit në Kosovë.
 
Presidenti Nishani:“Besoj ne pafajsine e Haradinajt“  
 
Kompleksi Memorial “Deshmoret e Kombit”,Gllogjan

Presidenti Nishani me delegacionin e tij ne kuader te te cilit ishte edhe princ Leka, vazhdoi per ne Gllogjan ku u prit nga qytetare te shumte. Pas homazheve ne kompleksin memorial „Deshmoret e Kombit“,ndaloi ne familjen Haradinaj ku u mireprit nga kryefamiljari Ilmi Haradinaj. Presidenti me kete rast shprehu admirimin per sakrificen e keaj familjeje si dhe bindjen e tij per pafajesine e Ramush Haradinajt, i cili aktualisht po gjykohet ne Hage se bashku me dy bashkeluftetare te tij.

„Ramush Haradinaj ka treguar se dinte te ofronte rolin e liderit, rolin e politikanit, rolin e diplomatit, rolin e luftetarit, sipas nevojes qe ia kishte Kosova  dhe ai nuk e kurseu veten asnjehere.  Une jam i bindur plotosisht ne pafajsine e Ramushit dhe uroj qe sa me shpejt t´jete mes nesh, ne radhe te pare pere te miren e familjes e tij, per te miren e Kosoves, per te miren e gjithe kombit shqiptar“.
 
100 vjetori i pavaresise se Shqiperise-feste e te gjithe shqiptareve
 
Presidenti Nishani ngrehu dolline per te ardhmen e kombit shqiptar e cila sic u shpreh presidenti, eshte gjithnje me e begate, gjithnje me e bukur dhe gjithnje me e lartesuar,duke pergezuar shqiptaret kudo qe jane me rastin  100 vjetorin e pavaresise se Shqiperise.  
 
„Kjo eshte nje feste e cila lidhet me nje moment te vecante ne Vloren historike te Shqiperise, por eshte nje moment i cili erdhi fale kontributit te te gjitha shqiptareve. Prandaj, kjo eshte festa e te gjithe shqiptareve, eshte gezimi i te gjithe shqiptareve kudo qe ndodhen sepse eshte nje moment i cili erdhi per shkak te kontributit te te gjithe shqiptareve. Gezuar festen e pavaresise  dhe Zoti e bekofte kombin shqiptar!“
Vizita te Haradinajt(nga e majta-Ilmi Haradinaj,presidenti Nishani me bashkeshorten,ambasadori Lauka, kryetari Selmanaj)

Presidenti i Shqiperise Bujar Nishanit nga kryetari Selmanaj me kete rast iu dha dekorata „Shkelzen Haradinaj“,e cila iu ipet figurave qe kane dhene shume per kombin shqiptar.

Digjen qindra hektare pyje te komunes se Deçanit

Pyjet e Bjeshkes se Prilepit
Qindra hektare pyje te djegura
29 gusht 2012, Radio Kosova, Komuna e  Decanit  qe nga fundi i korrikut eshte perballur me dhjetera vatra zjarri,te cilat nga era  jane bartur tutje neper bjeshke . Nder shkaqet e zjarrit besohet te jene pakujdesia e qytetareve, temperaturat e larta, perderisa nuk perjashtohen as zjarret e qellimshme. pervec disa vatrave te vogla ne Bjeshken e Strellcit, zjarret jane lokalizuar fale  bashkepunimit institucional is dhe solidaritetit te qytetareve. 
Vatrat e zjarrit fillimisht shperthyen ne fund te korrikut ne Bjeshken e Carrabregut per t ´u shtrire ne Bjeshken e Jedoves, ne Bjeshken e Bellese, te burimi i ujit mineral dhe ne pese lokacioen te zonave rurale: ne Carrabreg, ne Strellc, Lumbardh dhe ne Dashinoc. Sipas drejtorit per Sherbime Publike, Mbrojtje dhe Shpetim Admir Hasanaj, Njesiti i Zjarrfikeve te Decanit  ne bashkepunim me rojat e pyllit dhe qytetarw tw shumtw, punuan intenzivisht per  lokalizimin e zjarrit megjithese shuaraj e tij ishte pothuaj e pamundur me nje kapacitet prej 13 zjarrfikesisht:
Pyjet e prera pastaj te djegura(foto Y.Thaci)
 “Demet jane te konsiderueshme. Ne Bjeshket e Jedoves eshte bere djegja nje pyll te ri, bredh rreth 6 metrash. Ne Bjeshket e Carrabregut pisha e bredha. Ndersa,te burimi i ujit mineral prane manatirit jane djeg pishat nen hijen e te cilave pushonin qytetaret gjate veres,qe perben nje shkaterrim te bukurive natyrore. Ne menagjimin e situates ka ndihmuar sidomos forca e sigurise se Kosoves me 34 pjesetare,por edhe te reshurat e djeshme te shiut”.  

Zjarri 7 ditor la pas vetes deme te konsiderueshme
Sipas Nasim Haradinajt, drejtori per Bujqesi dhe Pylltari ne komunen e Decanit, edhepse zjarret shtriheshin kryesisht ne pronat shoqerore, solidariteti i qytetareve dhe operatoreve ishte per t´u pershendetur. Perderisa, komisioni per vleresimin e demeve se shpejti te dal me rezultatet perfundimtare.

“Shumica e pyjeve kane qene prona shoqerore, ndersa verifikmet do t´i bej nje komision i cili se shpejti do te dal me rezultate. Por ne nuk presim te dalim me deme te medha, me perjashtim te Bjeshket e Carrabregut ku eshte djeg pishe e re. Une kam bere edhe nje kerkese ne polici per rishikimin e ndonje zjarrvenjeje te qellimshme. Dhe nese jane shkaktu nga faktori njeri, ka ndodh nga pakujdesia sepse eshte terreni aq i thate saqe mjafton hedhja e nje cigareje qe t´shperthejne zjarret.  Une falenderoj shume operatoret individual dhe qytetaret te cilet na kane ndihmu shume ne shuarjen e ketyre zjarreve. Tri ditet e fundit kemi pas angazhim te FSK-sw. Ndersa, shiu i djeshem eshte ai qe e shoi zjarrin ne teresi”.

Perpjekje te vazhdueshme per shuarjen e zjarrit(foto Y.Thaci)

Pas perpjekjeve 7 ditore te Njesitit te Zjarrfikesve te Decanit dhe Junikut, pjesetareve te FSK-se, te  Agjencionti Pyjor te Kosoves, qytetareve dhe te FSK, e cila me 34 anetarw dhe reshjeve te shiut gjate pasdites se djeshme, zjarri u  shua. Nderkohe, pritet te zbardhet nese ishin zjarre te qellimshme apo te paqellimshme per cfare Policia e Kosoves ka filluar hetimet per disa lokacione, thote Sejde Dobraj, komandant i Sacionit Policor ne decan, sipas te cilit bahkepunimi i rojave te pyllit me policine eshte nen cdo nivel,cfare hedh dyshime per keqperdorimet e shumta ne demtimin e pyjeve.


“Niveli i bashkepunimit me rojat e pyllit eshte zero. D.m.th, nuk kemi asnje rast qe pylltati eshte ballafaquar apo kercenuar nga keqberesit. Derisa pylltari  nuk ballafaqohet ai  s´mund te kerceneohet dhe ne nuk kemi rast dhe nevoje per nderhyrje ne arrestimin e keqberesve. Prandaj, ketu na ndihmojne shume pak. Se,duke qene se  kompetent per ruajtjen e pyllit jane pylltaret, nese ata shohin se ka persona te pandergjegjshem qe po sorollaten neper pyje te Decanit duhet te na informojne neve, sespe ata jane kryes te mundshem te prerjeve ilegale apo te zjarrvenjeve te qellimshme. Hetimet rreth ketyre zjarreve po vazhdojne, por meqense ende nuk kemi raport te ekspertit komunal mbi zjarret, ne nuk mund te vleresojme a kane qene zjarre aksidentale apo te qellimshme”.

Zjarrvenje te qellimshme ne Bjeshket e Decanit?
 
Ministri Gashi:”Zjarrvenje te qellimshme per fshehje krimi”
(foto Y.Thaci)
Sipas drejtorit per Bujqesi dhe Pylltari, Nasim Haradinaj,  thirrjen per kujdes duhet ta kete secili ne ndergjegjen e tij kur eshte ne pyetje pasuria kombtare dhe jeta e qytetareve, duke bere thirrje qytetareve per kujdes sidomos gjate pikniqeve .  

“Duhet me qene shume te kujdesshem se pyjet nuk jane pergjegjesi vetem e institucioneve por e te gjithe qytetareve. Dhe, sic mund te bej nje delikt penal nga pakujdesia dhe duhet pergjegjur per ate, njesoj eshte edhe me pyjet. Aq me teper, duke llogarit se kemi kapcitetin e zjarrfikesve nuk e kemi te mjaftueshem”.  
 
Nga keto zjarre njejavore u dogjen mbi  50 hektare pyje neper disa Bjeshke te Decanit, kryesisht ne vendet ku pyjet nga prerjet ilegale jane shnderruar ne djerrina. Pikerisht per kete u ngriten dyshime per zjarrvenje te qellimshme. Ministri i Mjedisit dhe Planifikimit Hapsinor Dardan Gashi pat shprehur bindjen se zjarret jane vene pikerisht nga ata qe i kane demtuar pyjet me qellim te fshehjes se krimeve te kryera ne kete pasuri kombtare, e cila per vite te tera eshte keqperdorur me te madhe.
 
Zjarri ne Bjeshken e Bellese nuk u lokalizua asnjehere
 
Bjeshka e Strellcit-Zjarret deri afer tebanave
Nderkohe qe zjarri ne Bjeshken e Bellese, per shkak te terrenit shkembor nuk u lokalizua asnjehere meqe meqe mundesia e vetme per shuarjen e tij ishte intervenimi nga ajri. Dhe ne nje kohe kur ende nuk u llogariten zjarri u bart ne Bjeshken e Strellcit perderisa vatra te reja zjarri shperthyen ne malet e Lebushes dhe me vone edhe ne  rajonin e Vokshit, ne vendin e quajtur “Zhare”.  Ketu ne te dyja vendet kishte nderhyrje nga njesite e zjarrfikesve te Decanit dhe Junikut, pylltare te kompanise “Mali”si dhe qytetare te shumte.Nderkohe qe per kater dite, zjarre me intenzitet te larte qw shperthyen me 24 guht gllaberuan hektare te tere te pyjeve ne Bjeshken e Strellcit, ne te cilen sipas Drejtorit per Sherbime Publike, Mbrojtje dhe Shpetim, nga zjarret dhe tymi jane rrezikuar edhe banoret te cilet po verojne ne bjeshke meqense temperaturat e larta shkonin ne favor te tij  perderisa era i bartte tutje duke ndez vatra te reja. Sherbimi i Zjarrfikesve te Decanit dhe zjarrfikes te komunes se Junikut te cileve per shkak te kapaciteteve te limituara iu bashkangjiten edhe qytetaret vullnetmire, bene  perpjekje te vazhdueshme per lokalizimin e zjarreve per shpetimin e kesaj pasurie kombtare e cila po iu nenshtrohet djegjeve masive. Nysret Shabani nga Strellci eshte vetem njeri nder strellcjanet te cilin e gjejme teksa i ngjitet bjeshkes se tij per t´iu pergjigjur thirrjes per ndihme.

“Zjarri ka ardhe prej Bellesw, kah Kerrshi i Qelise e o dal n´Zymerdan, ku asht kap deri afer kalase se Adem Rrustemajt qe eshte ne ndertim e siper. Aty jane stacionu zjarrfikesat prej te premtes ne mbremje (25 gusht)tuj u mundu ne vazhdimesi per fikjen e zjarreve. Tash po ngjitem n´bjeshke se m´thirren zjarrfikesat qe e kane ba bazenin te kroi ne Behovc qe t’i mbushin cisternat por nuk iu kane mberri gypat. Tash i bleva e po ua dergoj ta vazhdojne punen”.

Pyjet te demtuara ne mase te madhe nga prerjet ilegale
Rete e tymit zbresin deri afer vendbanimeve
Edhe drejtorit Hasanaj pohon se zjarret i ka bartur era nga Bjeshka e Bellese, ne te cilen per shkak te terrenit shkembor nuk eshte arritur te lokalizohen asnjehere ne teresi. Ndersa, nje mobilizim i pergjithshem i zjarrfikesve te Decanit dhe te Junikut si dhe i qytetareve, vazhdoi ne Bjeshken e Strellcit qe nga pasdita e se premtes(25 gusht).

“Te premten ne mesdite, i derguam nje ekip zjarrfikesish nga Decani dhe nje tjeter nga Juniku banoret e Strellcit te cilet po banojne perkohsisht per verime ne bjeshke. Terreni i papershtatshem dhe temperaturat e larta po e bjen te veten, druri eshte kryesisht pishe qe shkon ne favor te zjarrit, jemi duke punu maksimalisht me e lokalizu. Nuk muj me fol me shifra te sakta po kalon 20-30 hektare dhe eshte shtrire ne pjesen e njohur si Zymerdan prej kerrshave te qelise kah belleja e deri te zymerdani, ekipet e zjarrfikeve jane tuj punu”.
Gjate zjarreve te medha, re te dendura tymi te cilat mjegulluan bjeshken zbriten deri ne vendbanime prej nga binte arome tymi. Pas zjarreve te medha kane mbet re te dendura tymi te cilat kane mjegulluar bejshket dhe kane zbritur deri ne vendbanime, prej nga bie edhe arome tymi. Keto zjarre te reja vine ne nje kohe, kur ende nuk jane llogaritur demet e zjarreve ne gjysme te korrikut, ku krahas zjarrfikeve te Decanit te Pejes dhe te Junikut, ne fikjen e vatrave te zjarrit u mobilizuan edhe pjesetare te FSK-se. Nderkohe, nuk ka ndonje intervenim nga institucionet qendrore. Ndersa sipas Nysretit Shabanit ne lokalizimin e zjarrit ndihmojne demtimet masive te pyjeve nga prerjet ilegale.

“Po digjet sa t´shohin syte. Por, zjarri lokalizohet se nuk ka lisa te medhenj vec degw, se mali asht i prerw”.

Shuarjen e vatrave ndihmon renja e temperaturave dhe solidariteti i qytetareve 
Qytetaret ndihmojne zjarrfikesit (foto Y.Thaci)
Fale zbritjes se temperaturave dhe eres, zjarri ne Bjeshken e Strellcit sot eshte lokalizuar,  njofton Drejtoria per sherbime Publike, Mbrojtje dhe Shpetim ne komunen e Decanit dhe vatra te vogla zjarri aktulaisht kane mbetur vetem tek vendi i njohur si “Bria”, te cilat jane nen kontroll.
Nga zjarret e kohepaskohshme ne bjeshket e Komunes se Decanit, rreth 40 dite vleresohet te jene djegur rreth 200 hektare pyje. Ministri per Mjedis dhe Planifikim Hapsinor Dardan Gashi, ka premtuar ndermarrjen e masave shtese per mbrojtjen e pyjeve si, vendosje kamerash vezhgimi si dhe vendosje te pikave te reja kontrolli 24 oresh. Perderisa, sipas tij gjendja do te ndryshoje vetem pas miratimit te Ligjit per Parkun Nacional te Bjeshkeve të Nemuna, i cili ka kaluar ne leximin e pare. Mirepo, perkunder kapaciteteve te kufizuara per shuarjen e zjarrit komuna e Decanit nuk  shpalli gjendje te jashtezankonshme, perderisa zeri i qeverise eshte degjuar pak ne muajin korrik e hic ne pjesen e fundit per te ndihmuar shpetimin e kesaj pasurie kombtare.

Projekt kundër hakmarrjes nga Lidhja Shqiptare në Botë

29 gusht 2012, Dojce Vele, Projekti synon të përfshijë perosnalitete nga komunat e Shqipërisë dhe të Kosovës të cilat gëzojnw autoritet në popull me qëllim tw sensibilizimit të familjeve të involvuara në këtë fenomen.

Vrasjet për gjakmarrje janë dukuri të cilat po e percjellin kombin shqiptar ndër shekuj. Ndërsa vetëm një mobilizim i përgjithshëm do të ndikonte në prerjen në rrënjë të kësaj të keqeje, beson Simon Kuzhnini, kryetar i Lidhjes Shqiptare në Botë, bartëse e projektit “Stop vëllavrasjes-Jo hakmarrje”.
 
“Unë besoj se programi i Lidhjes Shqiptare në Botë do të has në mirëkuptim dhe në një rrugë të drejtë. Ndërsa unë nëpërmjet valës suaj bëj thirrje që, me një mëndje e me një zemër të ndihmojmë për të afru njëri-tjetrin, për të ndal këtë dukuri negative dhe për të filluar rrugën e qytetërimit, rrugën e dashurisë dhe të respektit ndaj njëri tjetrit. Që një herë e përgjithmonë të largojmë të keqen dhe afruar të mirën e cila është: “Stop vëllavrasjes –Jo hakmarrje”.
 
Aktivitetet e para filluan në Shqipërinë Veriore
 
Simon Kuzhnini,kryetar i Lidhjes Shqiptare ne Bote
Vëllezërit Kuzhnini, aktivitetetet e para të këtij projekti filluan në Shqipërinë Veriore, si në: Mirditë, Shkodër, Shën Gjin, Lezhë,etj., ku mosmarrëveshjet që shpien deri te fenomeni janë më të theksuara dhe të pasqaruara, ndërsa vazhduan në Kosovë, gjegjsisht në Mitrovicë dhe në Gjakovë. Projekti synon të përfshijë personalitete nga komunat e të dyja shteteve shqiptare të cilat gëzojnë autoritet në popull për t´u përfshirë në Këshillin Kombtar i cili do të pasohet me mbledhjen e miliona nënshkrimeve nga shqiptarët  anekënd globit,shpjegon z.Kuzhnini.

“Nuk mund të themi sa raste janë brenda vitit, por nuk ka së paku javë që mediat nuk lajmrojnë për një vrasje. Prandaj, do duhej të jetë një ligj adekuat dhe i përbashkët Kosovë-Shqipëri dhe cdo shqiptar në botë i përfshirë në vrasje të njëri-tjetrit të vinë dhe ta vuajnë dënimin me burg në Kosovë apo në Shqipëri. Vetëm kështu  mundemi që këtë dukuri ta largojmë një herë e përgjithmonë. Unë kam kontakt edhe me disa europarlamentar, kongresmenë dhe jam përkrahur shumë dhe më kanë dhënë shtytje të bëj një hap të tillë”.
 
22 vjet nga tubimi i parë për pajtim në Kosovë
Dr.Don Lush Gjergji
Karvani për pajtimin e gjaqeve i prirë nga profesor Anton Qeta filloi rrugëtimin me 2 maj 1990, për të shtruar “Sofrën e Pajtimit” në cdo familje e cila vuante nga plaga  e vrasjes dhe mendimi per gjakmarrje. Karvani i pajtimit te  gjaqeve trokiti derë më derë  tek familjet e hasmuara në Kosovë, për të kërkuar pajtimin e gjaqeve i cili kulmoi me tubimin e madh te Verrat e Llukës,  në të cilin në prezencën e 500 mijë shqiptarëve nga Kosova dhe rajoni brënda ditës u falën  1,275 gjaqe e ngatërresa. Sepse falja është parakusht jete, paqeje dhe qytetërimi dhe përvoja më rëndësishme dhe vendimtare në jetë e cila  mundëson daljen e nga vetvetja dhe përqëndrimin në të tjerët, thotë  dr.Don Lush Gjergji, njëri ndër protagonistet kryesorë të kësaj ngjarjeje.

Jam i lumtur që kam qënë një ndër pjesëmarresit e kësaj ngjarjeje. Por, më vjen shumë keq që kjo ngjarje nuk është mishëruar sa duhet në mendnjen dhe zemrën e popullit tonë, sepse kjo ishte dashtë të jetë në cdo pore të jetës sonë që të themi:”Ne e përballuam këhtu dhe kjo është metodolgjia dhe strategjia jonë. Kurrë nuk do t´heqim dorë prej vetvetes dhe kurrë nuk do t´heqim dorë prej asaj, cka është historia e faljes dhe e pajtimit”.
 
Shteti nuk hyn dot aty ku hynë pajtuesit
Karvani për pajtimin e gjaqeve filloi në Lumbardh të Decanit për t´u shtrirë në mbarë Kosovën. Ndërsa, familaj e cila gjeti forcë të shtrinte dorën e pajtimit ishtë familja Ukaj nga po ky fshat. Regjep Ukaj, sot 77 vjecar, kthehet 22 vite pas:
Ne emer te popullit dhe te Zotit u falen mijera gjaqe
“Kur erdh Këshilli për Pajtimin e Gjaqeve, për hir të Zotit, të popullit dhe të situatës që ishte krijuar në Kosovë, me vrasje, arrestime e persekutime, ne vendosëm të bajmë pajtim ndërvëllazëror. Ai ka qënë moment i vështirë, se agja im pas vetes ka lënë vec një grua pa djalë, e cila asht pajtu me e fal gjakun. Atëherë ua kam shtri dorën e pajtimit Anton Qetes, Mark Krasniqit, Ramiz Kelemendit, Bajram Kelmendit:”N´Emer t´Zotit e t´kombit ju koftë falë gjaku i agjës sonë,Dervish Ukajt”.Thanë njëzëri:”Qofshi faqebardhë!”
Por, dukuria e gjakmarrje vazhdoi serish pas luftës në Kosovë, përderisa në Shqipëri nuk u ndërpre asnjëherë e me këtë familje të tëra të ngujuara.Por, jo në masën që prezentohet në opinion, thotë për DW-në ambasadori i Shqipërisë në Kosove, dr.Islam Lauka.
 
“Per fat te keq kemi pas edhe spekulime duke tentuar të mrrin viza, pasaporta etj., dhe rrugë tjetër nuk ka vec asaj të forcimit e shtetit ligjor dhe natyrisht të pajtuesve të gjakut. Roli I tyre mbetet I pazëvendësueshëm se ka raste ku shteti nuk hyn dot aty ku hyne ata”.
 
Me  2013 tubim i madh për pajtimin e gjaqeve
 
Falë angazhimit të vëllezërve Kuzhnini, në frymën e atij tubimi  në vitin e ardhshëm do t´organizohet një tubim tjetër për pajtim, paralajmëron Kryetari i Lidhjes së shqitparëve në Botë, Simon Kuzhnini.
 
Prof.Anton Qetta
„Unë do t´i falenderohesha burrit të madh Anton Qetës, I cili mori rrugën e pajtimit. Por,duke parë  se dukuria vazhdon, ne do ta crrënjosim këtë dukuri  me shtrirjen e dorës së pajtimit, të afrimit dhe të respektit. Kur të dalim me 3-4 milionë nënshkrime të cilat Lidhja shqiptare në Botë e ka për detyrë t´i tubojë, unë besoj se me 2013-të do të kemi një moment historik për kombin tonë i cili do të shërbej si shembull edhe për kombet e tjera në botë. Atëherë i themi Lamtumirë së keqes dhe  e afrojmë të mirën. Kjo do t´jetë një rrugë e mirëisë, një rrugë drejt civilizimit, një rrugë e dashurisë ndaj njëri-tjetri, se askush nuk ka të drejt t´i marr jetën tjetrit përvec Zotit që ia ka fal. Dhe pas gjithë atyre përjetimeve që kishim në vitet e fundit, kjo është një dukuri tejet negative e cila duhet crrënjosur!”
 
Vëllezërit  Mikel dhe Simon Kuzhnini, me banim në Kroaci për veprimtarinë e tyre kombtare jo fort larg nga ish-presidenti i Shqipërise Bamir Topi u ndëruar me çmimin “Nderi i Kombit”.

Shpërngulje masive nga zonat kufitare me Serbinë

25 gusht 2012, Dojce Velle, Per shkak te zhvillimeve ne dy dekadat e fundit ne Kosove, shperthimit te luftes dhe tensioneve te vazhdueshme ne veri, fshatra te tera te banuara me shqiptare pergjate brezit kufitar me Serbine jane depopulluar.

Në 11-të fshatra shqiptare të Podujevës dhe të Prishtinës rrëzë brezit kufitar Kosovë-Serbi, jeta në paqe filloi të zbehej që në fillim të viteve 90-të. Ndërsa në katër pre prej tyre:në Kalatic, Metrgofc, Bervenik dhe Brain, të ngjeshura pas njëra-tjetrës si kurorë, depopullimi mori përmasa të mëdha me shpërthimin e luftës dhe një dekade pasiguri pas saj.  Shtëpia e Agim Avdullahut dhe prona 9 hektarëshe në Bervenik është vetëm një pjesë e këtij realiteti.

Ne shtepine e Agim Avdullahut n´Bervenik dikur vlonte jeta
„Lufta ka qënë në krejt Kosovën. Mirëpo te ne, politika e Serbise ka punuar në atë „principin e patkoit“, ku banorët e të gjitha fshatrave të zonave kufitare të Podujevës në formë patkoi, ushtria dhe policia serbe i ka shty tutje në drejtim të Prishtinës. Dhe kshtu, popullata nuk ka guxu më ta provojë kthimin në këto zona kufitare, kur ka shtëpi që i kalon kufiri përmes dhomës ndërsa pjesë të tokave tona shtrihen brënda territorit të Serbisë. Arsyeja tjetër ëhtë se Berveniku ka pas shumë fëmijë të cilët kanë kaluar nëpër gjithe ato katrahura. Prandaj, ata nuk mund t´i bindësh të rikthehen të jetojnë në të njëjtën shtëpi;hapt të cilin ne si prind nuk kemi guxu tamarrim“, thote z. Avduallhu, i cili që nga viti 1999 jeton  larg vendlindjes së tij.

Mungesë investimesh dhe pasiguri

Në fshatin fqinj Kalatic, para luftës kanë jetuar 67 familje brenda bashkësive familjare me gjithsejt 350 anëtarë, ndërsa tani jetojnë vetëm 11-të familje me 56 banorë. Për dallim, në këtë fshat ikja masive e popullates filloi tri-kater vjet pas luftës, për shkak të mungesës se infrastrukrurës,  investimeve dhe pasigurise, shjegon për DË-në Imer Zeqiri, ish punëtor i arsimit, i cili pas shpernguljes me 2010-të, la pas vetes shtepinë dhe pronën 6 hektarëshe.

I. Zeqiri provoi te rifilloj jete ne Kalatic 

„Unë kam provu të qëndroj në fshatin tim deri ne vitin 2010, jo pse na është ofruar ndonjë iguri por sepse në fshatin tim ka kushte për jetë normale po të investohej në infratrukturë, në ndonjë fabrikë, minifermë apo ckadoqoftë, sigurisht që popullata s´do t´shpërngulej apo do t´iu mundësoje qasja në shfrytëzimin e tokave të cilat kanë mbet djerrë. Pikërisht për këtë unë nuk e kam gjet veten dhe në një të ardhme shumë të afërt, prej të 11-të familjeve që jetojne në fshatin Kalatic, s´do t´mbesin as dy prej tyre meqënse që të gjithë kanë ble prona në Prishtinë dhe presin cdo moment me u sherngul“.


Nxënësit udhëtojnë me barka verës e mbi akull dimrit

Braina është njëri prej fshatrave më të mëdhenj të komunës së Podujevës, i cili nga të 127 shtëpi me rreth 1,600 banorë tashme është reduktuar në vetëm 47 shtëpi. Prona 64 hektarëshe e familjes së Hamit Beqiri nga ky fshat, e cila shtrihet rreth 500 metra vije ajrore nga brezi kufitar Kosovë-Serbi tashme ka ngel djerrë. Z.Beqiri është drejtor në shkollen e Bervenikut, në të cilën numri i nxënësve ka rënë dukshëm, ndërsa për nxënësit e mbetur shkollimi tejet i vështirë:
H.Beqiri :”Vetem 53 nxenes ne shkolle”


„Në Bervenik aktualisht I kam 53 nxënës,prej rreth 230-ve sa i kisha para luftës.  Ndërsa, sfidat ë rrugëtimit të nxnënësve të shkollës në Orrllan janë të mëdha, mqënse rruga rreth e rrotull liqenit është rreth 10 kilometra, përderisa po t´i bien përmes liqenit shkurtohet në 800. Prandaj, edhepse është rrezik tejet i madh, familjet kanë zgjedh rrugëtimin me barka për fëmijët e tyre të cilët ato i drejtojnë vet deri në Orllan, përderisa dimrit ecin këmbë mbi akull, meqënsë trashësia e tij ariin deri në 30 centimetra,“,thotë z.Beqiri, sipas të cilit përkundër interesimit të ministrisë përkatëse për mbajtjen e arsimit gjallë në këto zona, buxheti i limituar dhe transporti i parregullt janë hendikep i vazhdueshëm për një rrjedhë normale. Ndërsa, e vetmja e mirë është se tani nuk bëhen më dallime në shkollim, djem apo vajza“.

Për 11-të fshatra kufitare shërbime mjeksore vetëm paradite

Bukurite e fshatit Kalatic se shpejti mund te ngelin shkret…  

Përderisa  ndër problemet jetike të popullatës së kësaj ane mbetet qasja në shërbimet shëndetsore,sepse sipas z.Beqiri:  


„Për të gjitha këto 11-të fshatra që gravitojnë në këtë zonë kufitare, momentalisht punon vec një mjek, një teknik dhe një infermiere. Dhe atë, n´Orllan vetëm paradite, ku secilit banor të vijës kufitare i bien së paku pesë kilometra largësi vetëm për një injekcion, me përjashtim të vakcionimit të fëmijëve me ekipin mobil“.

Lëvizje të lirë vetëm bletët në kufirin Koosvë-Serbi

Brengat dhe peripetitë që sjellin këta tre ish punëtorë të arsimit për popullatën e kësaj ane janë të shumta, por se cfarë do t´I kthente ata serish në vatrat e veta, përgjegja është e njëjtë.

„Nëse  rregullojet infrastruktura dhe investohet, popullata mund t´I kthehet kësaj ane të paktën edhe vec a për të mos lënë tokat djerrë dhe të zbusim krizën. Por, problem kryesor ëhtë mungea e sigurisë. Se p.sh., nëse mban lopë në fshatin tonë, ku kufiri kalon midis dhomës së shpisë, lopa nuk e di cka ëhtë kufiri, ku është Tullari apo Berveniku dhe serbët t´I marrin ato edhe bariun që iu shkon pas. Kur organizata të huaja na patën pyet pas luftës se për cka jemi të interesuar, unë iu pergjigja:”Për bletë!”,sepse bleta mund t´hkojë deri në Leskovc me e marr nektarin e s´mund ta ndalojë as zërë askush”.

Për opinionin janë të njohura disa raste të arresimit të qytetarëve të Kosovës nga forcat kufitare të Serbisë. Ndërsa rasti me i freskët është arrestimi i dy policëve 130 metra brenda terrirotirt të Republikës së Kosoves, e cila megjithësë nga autoritetet serbe u arsyetua „me shkelje të marreveshjes së Kumanovës“binte ndesh me marrëveshjen për integrimin e kufijve të arritur ne dialogun Prishtinë-Beograd.

Shtepia e Agim Avdullahut pas lufte ka ngel germadhe

Cdo gjë për kthimin-Asgjë për parandalimin e shpërnguljeve


„Kthimi dhe riintegrimi në Kosove“,është programi më i fundit i Ministrisë për Komunitete dhe Kthim dhe Komisionit Evropian ne vlere prej 5.1 milione eurosh, 4 prej të cilave vetëm nga BE. Dhe, projekte të cilat mundëojnë rindërtimin e shtëpive, kthimin e qëndrueshem dhe riintegrimin e të kthyerve-pakica të zhvnedosur nga lufta implementohen vazhdimisht, në një kohë kur bëhet pak apo asgjë për parandalimimn e shpërnguljes masive të popullatës shumicë. Si rrjedhojë, fhatra të tëra përgjatë brezit kufitar janë boshatisur si pasojë e infrastrukturës së rrënuar, mosndërtimit të shtëpive e mbi të gjitha,  mungesës së sigurisë sidomos përgjatë brezit kufitar me Republikën e Serbisë. 

Lehtësime për punësimin e ekspertëve në Gjermani

23 gusht 2012, Dojce Vele, Republika Federale e  Gjermanisë ka vendosur lehtësime ligjore për punësim të ekspertëve e në Gjermani. Për këtë leje qendrimi e cila zyrtarisht njihet si „Karta e kaltër BE“ (Blaue Karte EU)I kanë dyert hapura edhe ekspertët nga 
Kosova.

Kushtet e vështira ekonomiko-sociale, standardi I ulët, ofertat e varfëra dhe joserioze ku premtimet bien ndesh me realitetin që ofrohet, një pjesë të kuadrove të kualifikuara të Kosovës kanë shtyrë të kërkojnë perspektivë të re në vendet e zhvilluara. Disa kanë ngel në mes të rrugës, përderisa të tjerë falë zgjuarsisë, ambicjes si  dhe vullnetit për të carë  në jetë, e kanë gjet veten për mrekulli. Një shembull I mirë qifti Miribane dhe Mentor Sopjani, të cilët ende pa I mbushur 35 vjet kanë tituj shkencor dhe për DË-në flasin duke plotsuar njëri-tjetrin.
“Puna dhe sukseset tona të deritanishme e kanë dëshmuar se  në një  mjedis të përshtatshem, suksese edhe më të mëdha do të ishin të garantuara. Rezultatet e deritanishme në shkencë janë të një niveli të lartë dhe vështirë të arritshëm edhe nga kolegët e huaj”, thotë Miribanja.
Mentor dhe Miribane Sopjani
Mentori, titullin Doctor I Shkencave Natyrore e mori në Universitetin e Tybingenit, në Gjermani.  Mirëpo, krahas mundësisë së punësimit dhe qëndrimit në Gjermani.  ai me bashkeshorten e tij iu rikthyen Kosovës për të dhënë kontrobutin në vendin e tyre: 
“Para se të kthehemi në Kosovë, kemi pasur si opsion vazhdimin e qëndrimit në Gjermani ose në ndonjërin nga vendet skandinave për hulumtime akademike. Ndërsa, ajo që kemi pritur në vendin tonë është zgjatja e dorës dhe mundësia për vazhdimin e sukseseve të njëjta edhe në Kosovë. Fatkeqesisht, kjo në kushtet tona është tejet e vështirë me mungesa esenciale të kushteve për punë hulumtuese akademike dhe në një mjedis ku nuk ka gradime të bazuara në merita. Si rrjedhojë, mungon edhe motivi për të bërë hulumtime te stafi akademik”.
Ekspertë nga Kosova të mirseardhur në Gjermani
Dhe pikërisht të diplomuarit në Gjermani, ata që kanë doktorature gjermane ose kanë suksese në hulumtime të dëshmuara si ne rastin e qiftit Sopjani, janë të mirëseardhur kudo në botë e më se të kërkuar në Gjermani . Prandaj, qeveria e Republikës Federale të Gjermanisë, me 1 gusht ka lancuar programin “Karta e Kaltër e BE-së”(Blaue Karte EU)me anë të të cilit janë lehtësuar parakushtet ligjore për punësim të ekspertëve me kualifikim të lartë në Gjermani. Në komunikatën e lëshuar nga Zyra për Informim e Ministrisë Federale për Pune të Brendshme në Berlin,  ndër të tjera sqarohet se:
Mentori me dy profesore gjerman pas mbrojtjes se doktorat.
“Studentët e huaj  krahas studimeve janë të lejuar të punojnë pa leje të vecantë për 120 ose 240 ditë. Për të diplomuarit në  universitetet gjermane, afati i fundit për të gjetur një punë të mirë është 12 dri ne 18 muaj, me mundësi ushtrimi të ndonjë profesioni fitimprurës.Të diplomuarit qe kanë gjetur një punë të mire pas dy vitesh do të fitojnë një leje qendrimi. Përderisa lehtësime do të ketë edhe për themeluesit e kompanive, për të cilët do të hiqet kërkesa e përgjithshme për shumën e investimeve prej 250 mije eurosh dhe hapjen e pesë vendpunimeve”.
Sipas Ambasadës Gjermane në Prishtinë, „Kartën e kaltër të BE-së“ mund ta marrë një person i cili ka përfunduar studimet në një insitucion të arsimit të lartë në Gjermani. Nëse studimet nuk janë përfunduar në Gjermani, atëherë varet nga ajo, nëse kryerja e studimeve është njohur apo  personi i është nënshtruar një provimi të krahasueshmërisë në Gjermani. Përveç kësaj, parashtruesi i kërkesës duhet të dëshmojë se në Gjermani do të marrë një pagë vjetore-bruto në vlerë prej së paku 44.800 Euro, e cila mund të bëhet  nëpërmjet paraqitjes së një kontrate të punës apo një oferte të obligueshme për një vend të punës. Për persona me kualifikim të lartë në profesione në profilet në të cilat ka mungesë të fuqisë punëtore vlenë një kufizim në i ulët i pagës prej 34.944 Euro. Në këto profesione vend te vecante zene: inxhinierët,  shkencëtarët e shkencave  natyrore ,matematicientët, ekspertët në fushën e teknologjisë informative (IT), si dhe  mjekët e mjekësisë familjare.
Kosova gjithmonë e hapur për bashkëpunim me Gjermaninë
Behxhet Gaxhiqi, keshilltar ne MPMS
Në bazë të të dhënave të Minsitrisë për Punë dhe Mirëqënje Sociale të Kosovës, në zyrat komunale për punësim janë të lajmëruar 200 mije punkërkues  të profileve të ndryshme, jashtë së cilës mbesin edhe mijëra të tjerë të palajmëruar ndonjëherë apo të përjashtuar nga sistemi për shkak të mosaktualizimit të kërkesave. Ndërkohë që ministria mbetet e hapur për cdo lloj bashkëpunimi me autoritetet gjermane  ne këtë drejtim, thotë Behxhet Gaxhiqi, këshilltar I në këtë ministri:
“Në momentin që do t’kemi kërkesë nga autoritetet gjermane për të evidentuar kuadrot për të cilat ata kanë nevoje, si psh: mjek, inxhinjere të teknologjisë informative apo të profileve të tjera, ne do t’iu përgjigjemi, gjithsesi. Dhe, megjithëse për profiling  IT-ve ka kërkesa të shumta edhe në Kosove,  sa iu përket mjekve, në Zyrat Komunale për Punësim kemi të lajmruar një numër të mjaftueshëm. Në  kuadër të kësaj, para disa ditësh përfaqësues nga Gjermnaia ku kanë shprehur interesim për teknik medicional të cilët do t’ punonin në shtëpitë e të moshuarve. Prandaj, në kuadër të kësaj jemi duke I nxjerr të dhënat konkrete dhe në momenitn që do ta kemi një shkresë zyrtare drejtuar MPMS/së, ne do t’iu përgjigjemi”.
Pas 2-3 vitesh, mundësi qëndrimi të përhershëm
Në fillm „Karta e Kaltër BE-së“ lëshohet për aq kohë sa zgjat edhe kontrata e paraqitur e punës, me 3 muaj shtesë dhe me një vlefshmëri të kufizuar për më së shumti katër vite.  Përfituesit e saj, pas 33 muajsh qëndrimi mund të marrin një leje me të drejtë të qëndrimit të përhershëm  e në rast se dëshmojnë njohuri të gjuhës gjermane të nivelit B1, leja e përhershme e qëndrimit mund të jepet edhe pas dy viteve.  Me këto dhe fakte të tjera,  opinioni I gjërë në Kosovë është informuar nëpërmjet Ambasadës Gjermane në Prishtinë, prandaj kuadro të profileve te ndryshme janë vënë në lëvizje për të përfituar nga kjo mundësi. Dhe, Kosova ka kuadro të vlefshme për tregun gjerman të punës,  mendon ambasadori I Gjermanisë në Kosovë dr. Ernst Reichel, sipas të cilit:
Universiteti i Bonnit

„Në Gjermani ka mungesë të fuqisë punëtore në një sërë profesionesh të kualifikimit të lartë. Parakushtet, pas përmbushjes së të cilave absolventët e shkollave të larta dhe universiteteve  mund të punësohen në Gjermani, që nga 1 gushti, janë reduktuar ndjeshëm.Unë jam i bindur se pikërisht në Kosovë ka njerëz, të cilët i përmbushin këto kushte dhe të cilët për shkak të lidhjeve familjare, historisë së tyre jetësore, apo  të njohurive gjuhësore kanë edhe lidhje të ngushta me Gjermaninë“.

Nënshtetasit e Republikës së Kosovës  nëse kanë një diplomë të studimeve në një shkollë të lartë apo universitet të akredituar gjerman apo një diplomë të krahasueshme me një shkollim të tillë e cila të njihet nga institucionet gjegjëse arsimore gjermane,  mund të marrin vizë me një vlefshmëri të kufizuar deri në gjashtë muaj me qëllim të kërkimit të punës, të cilën kohë mund ta shfrytëzojnë për kërkim vendpunimi në Gjermani. Me rastin e paraqitjes së kërkesës, duhet dëshmuar se shpenzimet e jetesës për kohëzgjatjen e qëndrimit në Republikën Federale të Gjermanisë mund të sigurohen në mënyrë të pavarur. Viza megjithatë nuk nënkupton edhe të drejtën e punës.

Decani per Fiter Bajram me gjami te re

20 gusht 2012, Radio Kosova, Fiter Bajramin i njohur si Festa e Meshires, besimtaret decanas e falen ne gjamine e re,te dnertuar nga beimtaret vullnetmire. Ndertimi I ketij objekti shenon investimet ne nje gjami te re pas 100 vitesh.

Mesazhet e cmueshme qe therrasin per adhurim dhe nenshtrim ndaj Zotit te Plotfuqishem, largim nga shpifjet, pergojimet,imoraliteti, pijet alkoolike, keputja e lidhjeve farfeisnore,  kamata dhe cdo lloj shprehie e ulet e cila mund te demtoje njeriun si qenia me e perosur ne univers, u degjuan me vemendje nga besimtaret e shumte te mbeldhur ne gjamine e re ne qender te Decanit. Sepse, tha nder te tjera imam Shaban Tolaj ne ligjeraten e tij:
„Islami, kjo fe e besimit te Zotit Nje ka ekzistuar para shume shekujsh, edhe para ardhjes se Muhamedit a.s.Prandaj duhet t´jemi te bindur se kjo eshte feja e vertet te cilen duhet ta jetesojme„.

Muhamet Zukaj nga fshati Beleg eshte zgjuar qe me nate per te arritur me kohe ne gjaminee  re, ne hapesirat e se ciles jane mbledhur besimtaret te hsumte per te bere faljen e Fiter Bajramit. Ndera, pjesemarrja maive e te rinvje gezon pa mase, mendon besimtari Zukaj :

 „Kam dal ta fal Bajramin. Ligjerata solli mesazhet e cmueshme te besimit islam te cilat po mundohemi t´i jetesojme aq sa mundemi. Por, sa jam i kenaqur me ligjeratat e hoxhwve poaq jam i kenaqur me prezencen e madhe te te rinjve“.

Bashkepunim i mire i komunes me te gjitha komunitetet fetare

Falja e Fiter Bajramit n´gjami te re(foto N.Haxhosaj)

Ne radhen e besimtareve te keaj gjamie sot ihte edhe kryetari i komunes Rasim Selmanaj, i cili thote se prania e tij ne gjami per kete feste te rendesishme fetare eshte e vetkuptueshme.  


„Edhe une isha ne ceremoniene  faljes se Kurban Bajramit, ne mesin e besimtareve tjere te cileve perpiqem t´iu qendroj prane brenda mundesive. Pergjithsisht komuna e Decanit ka bashkepunim t emire me te gjitha komunitetet fetare te komunes sone. Une cdo vit shtroj iftar per imamet e komunes, degoj nga afer kerekesat e tyre dhe mendoj se kam nje bashkepunim te mire, duke pasur paraysh edhe faktin se  gjamite dhe imamet kane qene ne sherbim te popullit dhe kane dhene nje kontribut te jashtezakonshem ne qeshtjen kombtare„,thote kryetari Selmanaj.

Agjerimi njeri nder kushtet baze te islamit

Muaji i Ramazanit-njeri nder te pese shtyllat e islamit, pervec agjerimit si shenje e nenshtrimit ndaj Zotit dhe respektit per shpalljen e Kuranit Famwlarte tek Profeti Muhamed ne Naten e Kadrit,  ka brenda vetes edhe solidaritetin me te varferin me c´rast besimtaret japin nje perqindje si shenje pastrimi te pasurise e tyre. Imami Shaban tolaj ploteson:

„Sadakatul Fitri eshte nje pjese e pasurise qe nxiret per te varferit per dy arsye:  per ato leshime qe i kemi bere gjate Ramazanit, qofte ne gjuhe, ne agjerim apo ne veprime dhe e dyta ,lehtesim per te varferit qe edhe ata ndjejne gezimin e festes se Bajramit“.

Predikime kontradiktore te imameve te fese se njejte

Besimtaret urojne njeri tjetrin per festen e Bajramit

Paqe ndermjet te te armiqsuarve, shtrirje dore ne mes te kundershtareve, vizita ne fqinjesi, shoqeri e miqsi me urime te ndersjella:Me fat bajrami!”, jane ritet qe plotesojne kete feste te meshires. Por, kesaj radhe, ne asnje menyre pergezime me shtrengim duarsh me femra ne gjami as jashte saj, qofte edhe nese ato jane besimtare te devotshme te cilat percollen ligjeraten e Bajramit me abdest e falje namazi ne hapesirat e gjamise te dedikuara per to. Keshtu te pakten sugjeron imami Shaban Tolaj, i cili shtrirjes se dores per urime feste i pergjigjet me krahet mbledhur ne kraheror. Ndersa, pyetjes se  sa forma islami praktikohen ne Kosove dhe cila duhet ndjekur, kur imam te fese se njejte percjellin mesazhe kontradiktore meqe mosdhenja e dores nje femre nuk praktikohet nga imamet tradicional ne Kosove, imami Tolaj i pergjigjet:


„Bismilahi-Rrahmanirrahim!Fillimisht, islami eshte fe e cila respekton njerezit e ne vecanti Allahui ka dhene  grade te madhe gruas. Per kete arsye edhe e ndaluar te kemi kontakte te drejtperdretja qofte edhe pershendetje me dore me femrat me te cilat nuk jem ite martuar apo te aferm te familjes. Kjo eshte per te ruajtur nderin e saj dhe jo qe ka per qellim diskriminimin e femres. Larg asaj! Nuk ka dallim ne fene tone ne mes te imamit dhe gjematit. Prandaj,  ata te cilet e lejojne nje gje te tille, ata vetem se e thejne  je urdher te Pejgamberit a.s. i cili ka thenje te qarta se ndalohet pershendetja e mahkullit dhe femres me dore ngaqe kjo bie ndesh me ate qe parasheh islami“.

Donacionet kryesore nga nje arab dhe nje decanas

„Ibrahim Muhsin Esibjani“ eshte emeruar gjamia me e re rreth 200 metra ne perendim te qendres se qytetit, donatori kryesor i se ciles ishte i biri i ketij tregtari nga Arabia Suadite. Sipas imam Tolajt,ai ehte nje tregtar i cili nuk ka te beje me ansje shoqate me burime te dyshimta.  

Ligjerata e imamit mund te percilletedhe nga kati i femrave

„Donatori arab i cili ka pas deshire qe gjamia te emerohet ne emer te babait te tij Ibrahim Muhsin Esibjani, nuk eshte ndonje besimtar qe ka pa raport me shoqata por fatbardhsisht ka qene nje tregtar i cili ka pa deshire te ndihmoje. Pjesen tjeter e ka dhene Veton Binakaj, nje beismtar nga komuna e Decanit me banim ne ShBA, i cili ka dhene nje vlere te madhe te pasurise se tij. Ndersa te tjerat jane nga Bashkesia Islame e Kooves dhe besimtaret e tjere“.


Sido qe te jete, Decani ka pas nevoje per nje gjami te re mendon kryetari Selmanaj. Perderisa, nje objekt modern me standardet me te larta per besimtaret decanas don te thote shume:

„Ndertimi i kesaj gjamie na ka gezuar te gjithe neve si besimtare dhe une jam hume i kenaqur besimin gjithnje e me ne rritje. Dhashte Zoti qe edhe besimtaret e tjere ta presin feten e Bajramit ne menyre edhe me madheshtore. Ndersa, mesazhi im per Bajram eshte: lumturi, paqe dhe harmoni mes njerezve“.

Perderisa,  imamit Shaban Tolaj per festen e  Fiter Bajramit  porosit besimtaret qe ta ndjejne veten te lumtur qe jane muslimane.