Date Archives July 2010

Besimi, formë afrimi ndërmjet komuniteteve

30 korrik 2010, Dojce Vele, Në Prishtinë vepron një grup joformal i grave të religjioneve të ndryshme, të cilat me aktivitete të ndryshme synojnë afrimin ndërmjet komuniteteve nëpërmjet dialogut ndërfetar. „Por, rezultatet do të ishin shumë më të dukshme, sikur udhëheqësit e instituconeve kosovare të ishin ndërmarrës në veprime aq sa janë të zëshëm në deklarata, lidhur me tolerancën ndërfetare e cila pikon nga vet populli”-thonë anëtaret e këtij grupi.

http://www.dw-world.de/dw/article/0,,5854471,00.html 

Bashkimi Evropian ndihmon ngritjen e kapaciteteve të reja në Kosovë

28 korrik 2010, Dojce Vele, 42 studentë nga Kosova janë përfitues të Skemës së Celulës së të Rinjve, me të cilat bursa ju mundësohen studimet postdiplomike në universitete të përzgjedhura të Bashkimit Evropian, në përputhje me nevojat e tanishme të qeverisë së Kosovës në sektorë specifik.





GJND: Pavarësia e Kosovës në përputhje me të drejtën ndërkombtare

22 korrik 2010, Dojce Vele, Mendimin e Gjykatës Ndërkmbtare të Drejtësisë në favor të shpalljes së pavarësisë së Kosovës, insitucionet e Kosovës e kanë vlerësuar si një akt historik. Përfaqësuesit shtetror të Kosovës i bënë thirrje Serbisë të respektojë mendimin e GJND-së dhe të ndryshojë qasjen ndaj Kosovës për hir të paqes dhe stabilitetit në rajon. 




http://www.dw-world.de/dw/article/0,,5827306,00.html

Sa po luftohet korrupcioni në Kosovë

21 korrik 2010, Dojce Vele, Megjithëse, motoja e qeverisë së Kosovës është “Zero-Tolerancë ndaj korrupcionit”, faktet në terren dëshmojnë prezencën e fenomenit deri në nivelin më të larte. Arrestimet e kohëpaskohshme të Policisë së Kosovës tregojnë përpjekjet për luftimin e tij, ndërsa aksionet më të fundit të EULEKS-it inkurajojnë për goditje të të korruptuarve pa dallim.
 


Rimëkëmbje e bujqësisë më fondet e Bashkimit Evropian

16 korrik 2010, Dojce Vele, Me qëllim të përmirësimit të standardeve ne industrinë e përpunimit të qumështit, mishit, pemëve dhe perimeve si dhe për të përforcuar aftësitë konkurruese dhe për të shtuar besimin e konsumatorëve në prodhimet vendore, Komisioni Evropian i ka dhuruar Kosoves 5,5 milionë euro grante per sektorin e bujqësisë. Edhe, Ministria e Bujqësisë, Pylltarisë dhe Zhvillimit Rural ka intensifikuar stimulimin e kësaj dege të fuqishme të ekonomisë kosovare.

http://www.dw-world.de/dw/article/0,,5810084,00.html 

A ka lëvizje të kufirit me Malin e Zi

15 korrik 2010, Dojce Vele, Demarkacioni i kufirit Kosove-Mal i Zi pritet të përfundojë brënda këtij viti. Përfaqësuesit qeveritarë te te dyja shteteve thonë se ne mes tyre nuk ka contest dhe se demarkacioni do të bëhet në bazë të dokumenteve qe prezanton Komisionit Ndershtetror per Demarkacionin e Kufirit. Nga ana tjeter, banorë te fshatrave te Dukagjinit me protesta te kohepaskohshme kerkojne qasjen e lirshme ne bjeshket e veta rreze kufirit dhe shprehin dyshimin per levizje te kufirit perbrenda Kosoves nga ana e Malit te Zi.
 
 
 
 

 

Tony Blair në Kosovë: “Lider-Mik-Hero”

9 korrik 2010, Doje Vele, Ndërhyrja në Kosovë ishte e drejtë. Kosova është e pavarur dhe do të vazhdojë të jetë e tillë. Sfida e radhës për Kosovën është beteja për paqe”-deklaroi në Prishtinë, ish kryeministri britanik Tony Blair. Gjatë vizitës së tij dyditore në Kosovë, Blair është shpallur Doktor Nderi i Universitetit të Prishtinës. Ndërsa, presidenti I Kosovës, dr.Fatmir Sejdiu ia ka ndarë “Medaljen e Artë të Lirisë”, e cila iu akordua Blerit nga Presidenti I ndjerë, dr.Ibrahim Rugova

Atmosferë festive me flamuj që valojnë dhe një pano e madhe me fotrografinë e Tony Blairit ku shkruan „Lider-Mik-Hero“, është imazhi i parë që bie në sy para Teatrit Kombtar, në Prishtinë, në të cilin ishin dyndur mijëra qytetar për t´i uruar mirëseardhje ish-kryeminsitrit britanik, i cili pas 11 të vjetësh po pritej me brohorima e duartrokitje. Dhe, të nëntë fëmijët që rrethuan z. Blair në fjalimin e tij para qytetarëve, me nota të njejta krenarie po tregonin para masës emrin e tyre të përbashket: „My name is Toni Blair…!”
“My Name is Tony Blair”

Për t’i uruar mirëseardhje ish-kryeministrit Toni Bler, ishin mbledhur mijëra qytetarë të Kosova
“Jemi dal me e prit ish-kryeministrin Bler, se angazhimi i tij ishte determinant për qëshjen e Kosovës. Ai meriton dhe kjo është më e pakta  që mund të bëjmë për të“, thotë Tahir Selmoni nga Breznica.
„Kam dal të pres kryeministrin Bler, se ka punuar shumë për ne. Njeriu s´mund të jetë mik më i madh se që ishte ai për ne“, thotë Musli Zeneli, nga Prishtina.
„Z. Blair mbetet hero për Kosovën. Një njeri I cili na ka ndihmu shume n´kohë të luftës“, thotë Artan krasniqi.

Sfida e radhes per Kosoven beteja per paqe

Dhe, kur sheh 11-të vjet pas, ish-kryeministri i Britanisë së Madhe Tony Blair pohon me vendosmëri se ndërhyrja për Kosovën ishte një hap i drejtë për të cilin nuk pendohet.


Kur para 11-të vitesh u bashkuam në solidaritet, ne e bëmë atë që ishte e drejtë. Nuk jam penduar atëherë-nuk pendohem as tani. Sepse, është e mrekullueshme të shohësh popullin e Kosovës në shtetin e vet! Ju jeni përpjekur shumë për shtetin e Kosovës. Por, para jush është një betejë tjetër: Beteja e Paqes!“

Pavaresia e Kosoves ishte e drejte

Ish kryeminsitri britanik Tony Blair ju drejtua qytetarëve të Kosovës pas fjalimit në Kuvendin e Kosovës, me c´rast ka kërkuar nga drejtuesit e institucioneve të Kosovës të punojnë për të përmbushur qellimin për hyrje në Bashkimin Evropian. Sepse,„Pavarësia e Kosovës ishte e drejtë, është fakt dhe ajo do të vazhdojë…“.
Në kuadër të vizitës së tij dyditore në Kosovë, ish-kryeministri Blair, të ejten në takime të ndara është pritur nga presidenti i Kosovës Fatmir Sejdiu dhe kryeministri Hashim Thaçi, me të cilët ka biseduar për zhvillimet dhe të arriturat në Kosovë, si dhe për procesin e njohjeve. Z.Blair sot është shpallur Doktor Nderi i Universitetit të Prishtinës. Ndërsa, presidenti I Kosovës, dr.Fatmir Sejdiu ia ka ndarë “Medaljen e Artë të Lirisë”-medalja e cila ju ndahet atyre që dhanë kontribut në mbrojtjen e lirisë së Kosovës dhe e cila iu akordua Blerit nga Presidenti I ndjerë, dr.Ibrahim Rugova.

Qindra të arrestuar për krim të organizuar në Kosovë

8 korrik 2010, Dojce Vele, Departamenti Kundër Krimit të Organizuar në kuadër të Policisë së  Kosovës raporton për qindra të arrestuar për krim të organizuar vetëm brënda këtij gjashtëmujori. Nga ana tjetër, raporte të ndryshme tregojnë se Kosova edhe më tej po përballet me forma te ndryshme të krimit të organizuar, shkaktar kryesor i të cilit cilësohet mosshtrirja e autoritetit të qeverisë së Kosovës në gjithë territorin e saj.
 

 

 

Refugjatë nga Maqedonia në Kosovë

2 korrik 2010, Dojce Vele, Sipas Komisariatit të Lartë për Refugjatë të Kombeve të Bashkuara, në Kosovë janë 179 refugjatë nga Kroacia dhe Bosnjë Hercegovina të cilët gjatë luftërave të viteve 90-të u arratisën në Kosovë. Poashtu, në Kosovë jetojnë mbi 200 shqiptarë të shpërngrulur nga Maqedonia të cilët nuk gëzojnë statusin e refugjatit.