Date Archives August 2009

Decan: Sektori i bujqësisë dhe mungesa e buxhetit

29 gusht 2009, Radio Kosova, Komuna e Decanit, fale pozites se pershtatshme gjeografike, kushteve te volitshme klimatike, tokes se plleshme, burimeve te shumta te ujit i ka te  gjitha parakushtet per nje zhvillim te suksesshem te bujqesise. Pikerisht per kete, interesimi i bujqve po i rikthehet bujqesise, si njeri nder burimet me te sigurta te jetes nderkohe.

 

Zhvillimi i bujqësisë mundëson zvogëlimin e papunësisë në Kosovë

21 gusht 2009, Dojce Vele, Bujqësia është sektor i rëndësishëm ekonomik, i cili siguron pjesën më të madhe të punësimit në Kosovën e pasluftës duke qënë se rreth 60 per qind e popullsisë jeton në zonat rurale. Megjithëse lufta dhe një dekade tranzicioni kanë ndikuar në ngecjen e këtij sektori, toka pjellore dhe kushtet e volitshme atmosferike mundësojnë rimëkëmbjen e shpejtë të këtij sektori, ndërsa qeveria e Kosovës po stimulon bujqit me subvencione të ndryshme.

 

Sukseset dhe sfidat e Agjencisë Kosovare të Privatizimit

19 gusht 2009, Dojce Vele & Blue Sky, Në Kosovë, Agjencia Kosovare e Privatizimit ka tenderuar 249 Ndërmarrje Shoqërore (NSH) prej 600 ndërmarrjeve sa janë gjithsejt, ndërsa në fondin e privatizimit janë mbledhur mbi 400 milionë euro. Ndërsa sfidë mbetet shfrytëzimi i ndërmarrjeve të privatizuara në destinacionet e parapara me marrëveshje si dhe ndarja e 20 perqindshit të shumës tek ish punëtorët e ndërmarrjeve të privatizuara.

http://www.dw-world.de/dw/article/0,,4586837,00.html 

Depopullimi i fshatrave kosovare në kufi me Serbinë

Reqica-Ndër fshatrat e depopulluara
në brezin kufitar Kosovë-Serbi

15 gusht 2009, Dojçe Velle. Si pasojë e trazirave të viteve të fundit të cilat përfunduan me luftën e Kosovës, fshatra të tëra në brezin kufitar me Serbinë janë boshatisur. Sfidat e këtyre banorëve nuk kanë përfunduar ende.

Podujeva, në verilindje të Kosovës është komunë me 92 kilometra brez kufitar. Mirëpo, të veçantën e shndërron në sfidë fakti se kjo zonë kufitare shtrihet mes Kosovës dhe Serbisë. Se sfidat vazhdojnë, dëshmon arrestimi i tre banorëve të Pollatës nga policia kufitare e Serbisë në korrik të këtij viti me akuzën për „shkelje ilegale të kufirit“. Sabri, Nexhip dhe Riad Dema nga fshati Pollatë i Podujevës, u arrestuan, teksa po punonin tokat e tyre në fshatin Bellush, rrëzë brezit kufitar, Kosovë-Serbi.

Vazhdojnë provokimet serbe mbi shqiptarët e fshatrave në kufi me Serbinë

 “Jo vallahi nuk asht livadhi i Serbisë! Le t’i sjellin skicat. N´daltë livadhi andej kufirit, le t´na marrin edhe neve! … Ata, e kanë marrë një hoxhë n´tokë t´vet e e kanë nguju pa iu ba kurrgja hiç. Ata po na marrin kur po dojne!- thotë Idriz Dema, duke aluduar në njërin ndër të arrestuarit, imam në xhaminë e këtushme.

Në Pollatë, pikërisht në këtë fshat ku jeton familja Dema ndahen dy krahë rrugësh të cilat bashkohen në brezin kufitar Kosovë-Serbi. Peisazhe të mrekullueshme na përcjellin teksa përshkojmë rrugën rurale të krahut të djathtë, e cila përfundon në fshatin Reqicë, pika më e largët e këtij krahu të kufirit. Prej këtu shihet edhe livadhi në fshatin kufitar Belush, ku u arrestuan tre kosovarët, teksa qetësinë absolute të këtyre venbanimeve të bukura e të braktisura, e trazon vetëm cicërima e zogjve e gërshetuar me këngë gjinkallash.

Me gjithë kushtet e mira-jeta në rrethana të tilla sfidë në vete

Dhe, banoret e fshatit Perpelac ishin ata që filluan braktisjen e këtyre venbanimeve që në vitet 90-të, thotë kryetari i komunës së Podujevës, Iljaz Pireva.

„Ndoshta vet pozita e tij rrëzë kufirit me Serbinë ka bërë që njerëzit në vitet 90-të të mos ndjehen të sigurt. Eshtë e vërtetë se kur shikon nga këndi ynë, kushtet janë të mira, një ambient i qetë e i bukur. Mirëpo, në një aspekt tjetër nuk është e lehtë të jetosh në këto mjedise“:

Në fshatin Muhazog tashmë nuk ka asnjë familje; në fshatin Rakinicë ka mbetur vetëm një familje; në Bllatë janë vetëm dy familje; në Murgull dy familje; në Tërnavicë tri- katër familje, përderisa në fshatin Reqicë janë vetëm tri familje, me tendencë të rikthehen edhe të tjera, thotë kryetari Pireva.

„Në kohët e fundit janë kthyer edhe dy familje. Ndërsa, është karaktersitke që është kthyer një familje prej Obrancës, paralagje e Podujeves dhe atje ka hapur një fermë me dele e dhi“.

Disa i braktisin pronat e veta – të tjerë i marrin ato me qira

Dhe, përderisa banorët e Reqicës kanë braktisur vatrat e veta dhe këtu nuk kanë mbetur më shumë se dy tri familje, Zeqir Kastrati nga Obranqa, pikërisht këtu po ndërton një jetë të re.

„Po e ndërtojmë stallën për dhen e dhi. Tokë s´kemi tonën, por e kemi marrë nga dajat, do e kemi marrë me qira e pak e kemi ble dhe tash kemi ardhë këtu të punojmë. Së shpejti do të bëjmë edhe bagëti të trashe“, thotë Zeqiri.

Tashmë,vapa e ditës është në pikën më të lartë dhe atë nuk e zbusin as kurorat e dendura të drunjve. Mirëpo, kjo nuk e pengon këtë blegtor të vazhdojë punën në ndërtimin e stallës për kopenë prej rreth 200 krerë me dele e dhi, që përkundër vështirësive të përpiqet të ndërtojë një jetë më të mirë…

Ajetë Shaban Beqiraj, DW

Decani pret diasporen

15 gusht 2009, Radio Kosova, Me moton „Decani pret diasporen“, per nje muaj po organizohen aktivitete te ndryshme si shenje mirenjohjeje per kontributin e bashkeatdhteareve tane gjate periudhave te ndryshme te historise sone. 
 
 
 
 
 
 
 
 

 

Podujevë: Depopullimi i fshatrave në kufi me Serbinë

14 gusht 2009, Dojce Vele, Podujeva, në verilindje të Kosovës është komunë me 92 kilometra brez kufitar me Serbine. Si pasojë e ngjarjeve të viteve të fundit të cilat edhe përfunduan me luftë, shumë fshatra të kësaj zone janë boshatisur. Ndërsa, mungesa e infrastrukturës dhe pamundësia e arsimimit, janë arsye shtese. Nga ana tjetër, pozita e mire gjeografike dhe kushtet e përshtatshme për zhvillimin e blegtorisë, jane tërheqëse për banorë nga zona të tjera të cilët këtu kanë gjetur burimin e ekzistencës.

 

Mërgata kosovare dhe shteti i Kosovës

7 gusht 2009, Dojce Vele, Radio Kosova & Ble Sky, Republika e Kosovës ka një diasporë të fuqishme dhe numerikisht të madhe, e cila deri me tani nuk është shfrytëzuar në formë të organizuar në të mirë të zhvillimit të shtetit të Kosovës. Ndërsa formimi i një institucioni qeveritar i cili do të merrej me problemet e diasporës, do të mundësonte një lidhje më të fortë si dhe do të hapte mundësinë për tërheqjen e kapitalit të tyre në Kosovë. A është diaspora kapital i humbur apo një shpresë e madhe për rimëkëmbjen e ekonomisë kosovare dhe a po bën Kosova sa duhet, për të shfrytëzuar në mënyrë të duhur potencialet e diasporës?

 

U liruan tre kosovaret e arrestuar nga policia kufitare e Serbise

3 gusht 2009, Dojce Vele, Janë liruar tre shtetasit e Kosovës, të arrestuar para 12-të ditësh nga policia kufitare serbe, rrëzë brezit kufitar Kosovë-Serbi. Sabri, Nexhip dhe Riad Dema nga fshati Pollatë i Podujevës, u arrestuan me 22 të muajit të shkuar, teksa po punonin tokat e tyre në fshatin Bellush, rrëzë brezit kufitar, Kosovë-Serbi.