Ushtarët e Bundesverit kremtojnë 3 tetorin edhe në Kosovë

Ushtarë të Bundesverit në Kosovë

3 tetor 2008, Dojçe Velle. 3 tetori i vitit 1990, kur pjesa e ish-Republikës Demokratike të Gjermanisë, ju bashkua Republikës Federale të Gjermanisë, u kremtua edhe në Brigadën Shumëkombëshe-Jug, në Prizren.

Brigada Shumëkombëshe-Jug, në Prizren është njëra nga të dy bazat, ku më 12 qershor të vitit 1999, u vendosen njësitë e para të Forcës Ndërkombëtare të Kosovës (KFOR), të cilët përmes kufijëve me Shqipërinë dhe ish-Republikën Jugosllave të Maqedonisë, marshuan drejt Kosovës.

Gjeneral Brigade, Vilhelm Gryn, është komandant i Kontigjentit Gjerman, me 2500 ushtarë: “Bashkimi i Gjermanise është ditë e ribashkimit të popullit tonë. Dhe, ne jemi këtu të ofrojmë të njëjtën mundësi për popullin e Kosovës.”

“Të shërbesh në Kosovë është ndjenjë e mirë, sepse atë që e kam mësuar në Gjermani-respektin ndaj kulturave të ndryshme, mund ta bart këtu,”-thotë Markus Berndloder, i cili për të tretën herë sherben si ushtar i kontigjentit gjerman, në Kosovë.

“Në këtë festë të ribashkimit të Gjermanisë, unë shoreh bindjen time se edhe Kosova, si shtet i ri, në një të ardhme të afërt mund të jetë një shtet me marrëdhënie të mira me shtetet fqinje dhe me liri dhe drejtësi për të gjithë popujt brënda tij, siç është edhe në Gjermani” – thotë Burkrad Kostern, historian, i cili shërben për herë të parë në Kosovë.

Revolucioni i inicuar nga njerëz të thjeshtë, pastorë evangjelistë dhe priftërinj katolikë, me 3 tetor të vitit 1990, njihet si revolucioni më i sukseshëm dhe më paqësor që mban mend Evropa.

Ajetë Sh. Beqiraj, DW
(Visited 1 times, 1 visits today)

Leave A Comment

Your email address will not be published. Required fields are marked *