Hyrja ne kompleksin e DW-se,ne Bonn

18 prill 2008, Dojce Velle, Redaksia shqipe e Radios Dojçe Vele, e krijuar në 1992 ka arritur vit pas viti arriti te bëhet ndër radiot më të dëgjuara. Ndërsa, në terrin e regjimit të viteve 90-të ajo mbeti dritarja e vetme informative për shqiptarët e Kosovës.

“Dojce Vele – Programi i pasdites”.

Kjo është sigla identifikuese e frekuencave të Dojçe Vele-s në shqip, dritarja e vetme në terrin informati të viteve 90-të, në Kosovë.

“Ju flasim drejperdrejt nga Gjermania. Po dëgjoni radion, Dojçe Vele!” – sinjal për t´u mbledhur rreth radios.

“Edhe në kohërat ma t´vështira jemi tubu, jemi struk edhe e kemi prit vazhdimisht ta dëgjojmë Dojce Vele-n, sepse ata na kanë informu kur kemi qënë komplet të mbyllur,”- kujton profesori Mon Berisha.

Adelheid,shefja e pare DW  shqip

“Dojce Vele”-zeri i vetem ne terrin informativ te viteve 90-të

Idriz Ibraj drejtor i Korporatës Energjetike te Kosovës-distribucioni në Pejë thotë se:

“Kur neve, nga regjimi i atëhershëm na kishin mbetur vetëm pesë minuta në radion e Zagrebit dhe dilnim nëpër kodrina që t´i kapim valët nga ajo radio, Dojce Vele na informonte drejt që nga diaspora e deri në rrethin ku ishim duke jetuar, sepse ishim në një bllokadë totale informative,”

“Kemi pas problem, por prapseprapë e gjenim dhe e dëgjonim, sidomos ne që ishim në zonat e luftës,”
-shton Nasret Hajrizi, ekonomist nga Katundi i Ri.

“Sidomos para luftës e kemi dëgju shumë. Mezi pritshim kohën të kyçemi na valët e Dojçe Vele-s”-
plotëson Agron Sheremeti, profesor i edukatës fizike.

“Dojce Vele gëzon besueshmërinë e parë”

Spasovska, shefe aktuale per EJL

Nën drejtimin e kryeredaktores së athershme, Adelheid Feilke Tieman, redaksia shqipe e Dojçe Vele-s, atëbotë arriti të jetë radio më e dëgjuar dhe e vetme për auditorin shqiptar në Kosovë. Tash tri vjet, seksioni shqip udhëhiqet suksesshëm nga shefi i ri, Fabian Shmidt. Por, ndonëse në kthesat historike të Kosovës kanë larguar paksa vëmendjen e auditorit, vala e Dojce Vele-s vazhdon të ruajë besueshmërinë.

“Absolutisht!-flet i bindur Nasret Hajrizi. Dojçe Vele gëzon besueshmërinë e parë, por arsye tjetër është edhe invazioni medial pas luftës në Kosovë.”

“Sepse kur njeriu ka shume burime, i merr informatat nga t´i vinë,”-pohon Agron Sheremeti.

“Dojce Vele” udhëtoi bashkë me popullin e Kosovën

“Emisioni më i preferuar ka qënë Dojçe Vele,sepse kisha besimin se çkado që vjen prej atje është më e besueshmja-pohon me admirim drejtori Ibraj-Tani pakëz ma rrallë, sepse vërtet kemi një numër të madh të mediave të tjera. Por, një emër i dashur mbetet përherë Dojce Vele…”.

Nje pjese e stafit te DW-se nw Bonn:(Nga e majta)Bahri Cani,Eliana Xhani,Vilma Filaj Ballvora,Auron Dodi,  Esat Ahmeti


Aver Husaj, zyrtar për kulturë në komunën e Pejës mbetet dëgjues besnik i DW-së. “Vazhdoj edhe kësaj dite të jem dëgjues i rregullt i radios Dojce Vele dhe i mbetem besnik asaj. Ndoshta nuk jam degjues i rregullt. Mirëpo, atëherë kur më duhet informacion i shpejt dhe i saktë, e kërkoj në Dojçe Vele”.


Riformatimi i programit nga janari vitit 2008, ka për qëllim mbajtjen e dëgjuesit pranë valës se DW-së, thotë shefi i seksionit shqip, Fabian Shmidt.

“Sepse “Dojce Vele” ofron një përmbajtje shtesë të programit, në krahasim me partnerët e tjerë të radiostacioneve të Kosovës e para së gjithash, ofrojmë informacione cilësore. Hulumtimet tregojne që Dojçe Vele ka një besueshmëri shumë të lartë dhe tashmë, shifrat tregojnë se kemi shumë dëgjues në Kosovë,” – thotë kryeradaktori Fabian Shmidt.

“Stafin e DW-së në kohërat më të vështira i kishim burim shprese e jete” 

“Dojce Vele-Sot ne Fokus”.

Sigla e re tashmë e njohur për dëdjuesit e rrregullt si Aver Husaj i cili porosit:

Praktike ne redaksine e DW-se,Bonn 2005

“Vazhdoni me informacionet e shpejta, të sakta dhe të sigurta dhe Dojçe Vele, prapseprapë do të jetë ndër mediumet më të besueshme në opinion.”

Përderisa profesori Mon Berisha, përmbyll bisedën me një përshëndetje të ngrohtë:

“Kisha pas qejf me i përshëndet stafin e redasisë shqipe, të cilët në kohërat më të vështira i kemi pas burim shprese e jete, duke na inkurajuar e informuar. Prandaj, meritoni çdo lëvdatë!”

Dojçe Vele filloi të flas shqip në vitin 1992 dhe aktualisht raporton në mbi 30 gjuhë, duke u bërë kështu dritare e besueshme informative për dëgjues anekënd botës.

Çfarë vendi zë Deutsche Welle-shqip në Kosovë ?

 

Leave A Comment

Your email address will not be published.