Date Archives April 2008

Isniqi nikoqir i “Zerit te Vellazerise 2008”



Karvani I vellazerise ne oden e Misin Bales ne Isniq  

29 prill 2008, Radio Kosova Vazhdon manifestimi tradicional “Zeri i Vellazerise 2008”, organizuar nga Shoqata e Vellazersie “Kosove-Malesi e Madhe “Martin Dreshaj”. Pas Pejes, si nikoqire e perhershme e ketij manifestimi, solistet dhe ansamblet vazhduan rrugetimin per ne Isniq te Decanit, ku u priten me perzemersi nga banoret e ketij fshati dhe me gjere.

Larmia e këngëve, valleve dhe veshjeve të ansambleve të trojeve shqiptare, të cilat prezantoheshin me  kulturën e viseve prej nga vinin, përbën një mozaik trashëgimie kulturore të ruajtur ndër shekuj. Sepse, thotë Naim Prelvukaj, atdhetar i shquar nga Martinaj i Plavës.


„Popujt që kane një kulturë, ruajne me fanatizëm vlerat trashëgimore të historisë së popullit të vet. Une e pergezoj ate popull qe e ruan kulturen e gjashte shekujve te nje simboli kombtar, përkundër përpjekjeve që t´na i zhdukin gjurmët nga thesaret e kulturës e të historisë së të parëve tanë, që nga varret. Thuhet se Rrafshi  i Duakgjinit eshte kroi u burimeve te tradites se mikpritjes dhe te kultures shqiptare e ne vecanti fshati Isniq. Po them, ndjehem me se i lumtur e i kenaqur, dhe ju jam mirenjohes  te gjithe vellezerve dhe motrave te ketij fshati, qe kane bere nje pergatitje te cilen po ta kisha edhe leksikun me te begtashem te Ate Fishtes, nuk do te dija te shpreh mirenjohjen ndaj kesaj mikpritjeje”.

Manifestimi filloi me homazhe te varrezat e deshmoreve

Naim Prelvukaj, i cili ne luften e Kosoves ishte koordinator i UCK-se per logjistike ne zonen e trekendeshit kufitar Kosove-Mal i Zi-Shqiperi, vizita ne kullat e Isniqit ia kujtoi rriten me legjendat e te pareve ne kullen e gjzshit te tij. 


 “Pata fatin qe te hy edhe ne Kullat ku jane sjell vendimet me te medha historike. Dhe, meqe edhe une kam prejardhje prej nje kulle te tille: Kulles se Metes se Bardhajve ne Martinaj, sot ne Kullen e Osdautajve u ndjeva sikur te isha ne ate legjenden e moteve te kaluara ku jane pru vendimet me te denja per ekzistencen  kombtare, ku kane dalur koloset e mbrojtjes dhe te rezistences. Mikpritja e ketyre vellezerve, bashkekombasve nga Isniqi dhe nga viset tjera, ishte aq prekese saqe nuk kam shprehje…”.
Nderime per deshmroet e kombit ne Gllogjan(Malesia). 

Ndersa, takimi me prinderit e bashkeluftetareve te rene, nje moment prekes per luftetarin e lirise.


“Ndersa, prekes ishte takimi me prinderit e atyre qe une kisha pasur rastin ti terheq si viktima, kur kishin ra ne altarin e lirise. U takova me ata qe kisha perjetuar ditet me te hidhura te nje eksodi, te nje debimi qe bene forcat repsresive serbe dhe ato militare shovene, te cilat tentonin te na poshterorni qe te pushtonin cdo gje qe ishte shqiptare. Keshtu qe, mund te them se kisha ndjenje kenaqesie, sa emocioni, shpeshhere edhe vaje…Te gjitha ndjenjat qe njeriu si krijese biologjike i mban me vete sot u gershetuan ne mua, me kete takim ne fshatin Isniq dhe me gjithe Rrafshin e Dukagjinit”.

Karvanet e eksodit te luftes u shnderruan ne vallen e lirise

Në eksodin kosovar te viteve 1998-1999 kur Kosova po zbrazej, rrenohej e digjej, një pjesë e karvaneve shqiptare gjeten strehë edhe në shtëpitë bujare të Malësisë. Nëntë vjet pas, ata që i bashkoi mjerimi, tashmë kënga e vallja i ka mbledhur tok.

 “Ne shenje perkujtimi te te gjithe ketyre, per cdo vit tubohemi here ne Tuz, here ne Plave e Guci, here ne Rozhaje e here ne Peje, ku mbahet per here te dyte. Ndersa kesaj radhe, edhe Isniqi ishe nikoqir i gjithe kesaj per pritjen e malsoreve te cilet erdhen ne kete mes dhe u munduan qe t´i perkujtojme ato caste te cilat asnjeherw nuk duhet harruar. Prandaj, kultura duhet te kultivohet sa me shume dhe te dihet se kjo eshte muzike e jona, kjo eshte valle jona, kjo eshte veshja jone e gazmendi yne. Nuk jemi “rep” e “rok”-e, por te identifkohemi me shenjat tona qe na i kane lane gjysh e stergjysh e i kemi sjell ketu deri me sot”-thote Vesel Nikci, valltar i ansamblit “Rugova”, nga Peja.

Shqiptaret pertej kufijve ende vuajne shkeputjen nga trungu 

Profesor Regjep Abazi, kryesues I grupit muzikor “Shpëtimi”, nga Medvegja, i cili ne Isniq vie per here te pare, thotw se shqiptarwt matane kufirit ende lengojne nga ndarja e padrejte e trungut.

“Kemi ardhe t´jemi se bashku me shqiptaret, sepse s´po mund te rrime ma vetem! Na kane nda padrejtesisht…E kshtu, po kemi qejf te gjithe me u bashku ne nje vend”, thote profesor Abazi, i cili nga Isniqi ka marr mbresa te mrekullueshme.”Ne isniq per here te pare. Ne Peje kam qene disa here dhe sa here qe vi, me duket me bukur. Por, Isniqi qenka me i bukur se Peja, per arsye se ketu pamë njerëz të mrekullueshëm, njerez mikpritës, njerez bujar e punëtorë; tri karakteristika që unë I çmoj shumë”.
Grupi muzikor “Shpetimi”nga Medvegja


Por, sa kane hapesire shqiptaret e Lugines te plasojne vlerat e trashegimise kulturore ne Serbi?

“Ne Medvegje pak. Ne Kosove e kendej, cdokund, deri ne Vlore…Kemi nje grup  te vogel te cilin e quajme Grupi Folklorik “Shpetimi”, nje emer emblematik per Medvegjen, me te cilin i mbajme te gjitha aktivitetet. Do ishte fat qe e ardhmja te na bej nje ansambel prej atij grupi, sepse gjerat e medha dikur kane qene te vogla. Na mban kjo shprese…”.

Amanet bijave malsore me ua ba isniqasve nga shtate femije

Haxhi Rrahman Lajçi, nga treva e Rozhajës, thote se Insiqi ka qene vend i trurit dhe vend i pleqrive. Ndersa, bijave te martuara kendejpari ua ka lane nje Amanet:

“Jam ardhe per me ua urue ma s´pari pamvaresine dhe pastaj jom ardh me i pa trojet e Isniqit. Ky vend osht i bekuem, sepse prejse ekziston e deri ne dite te sodit, ka pas gjin qe kane dite me e marre pushken kur a nevoja, me i pajtua  njerezit kur a nevoja…Tetana akcionet e Dukagjinit jane marre n´kte Isniq. Une jam kone shume here n´Isniq dhe ua kam lane amanet bijave tona: Gjithsecila me i ba ma s´paku nga shtate femije. E dyta: me e rujt vesha; me u rujt mbatha; me u rujt gjuha; me u rujt tradita; me u rujt bukedhanja dhe me u rujt Besa! Prej qetuhi tetana kane burua ma heret e tash brezat e ri, kudo jane shiptare n´kte toke duhet me i marre. Une muj me thone se, perzmerisht jam shume i kenaqun dhe me ju falenderua ne mikpritje. Dhe, e kam vertetua ate qe e kam dite per tane jeten, se Isniqi o kane ven i trurit, ven i pleqnise, ven i trimnise.”

Rrahman Jasharaj, zëdhënës i Shoqatës se Vellazereise  Kosovë-Malwsi, ”Martin Dreshaj”, e cila eshte organizatore e Manifestimit “Zeri i Vellazerise 2008” thote se ne Isniq jane lidh ura te reja me fshatrat shqiptare matane kufirit:

“Sivjet, ne fshatin Isniq, u lidhen ura te reja miqsie ne mes te ketij fshati dhe fshatrave te Malesise. Eshte dhene nje program i perbashket kulturoro-artistik. Malesia sivjet ishte me “Shqiponjat” dhe vertet kane arritur te prezantojne folklorin burimor te asaj ane, ne menyren me te pelqyer per publikun. E vecante ishte edhe nje dreke tradicionale e fshatit per malsoret dhe pervec drrekes, karakteristike ishte ajo bashkebiseda e thjeshte, pa protokol”.

 “Engjelli i lugjeve te verdha” ne Isniq



Isniqasit e duan dhe e ruajne trashegimine 
Shpalosja e trashegimine kulturore në këtë turne vëllazëror, për insiqasit është një ditë e shënuar.
“Trashegimia kulturore asht ruajt gjithmone ne Isniq, ne te gjitha aspektet. Sigurisht qe vlerat e sjellura nga malesoret nga Tuzi dhe viset e tjera, per ne jane te mireseardhura dhe na sollen nje gezim te madh. Sepse, trashegimia tek ne asht ruajtur e vleresuar gjithmone”-thotë isniçasi, Malë Balaj. Ndërkohë që kusheriri I tij, Xhevat Balaj, me banim në Zvicër tash e 19 vjet, shpalos emocionin e tij:


“Osht ndjenje shume e vecant, sidomos kur i presim keta vellazen qe po perjetojne vuajtjet qe i kemi perjetu edhe na. Per kta me vrajne shpirtrisht! Kisha pas deshire me ju thane te gjitheve qe mos t´i harrojme vlerat tona kaq te bukura e te cmueshme, qe mos ta harrojme kulturen topne dhe traditen, se qekjo do t´na mbaje gjalle sa t´jemi! Une per vete, si ta degjoj muziken shqiptare me kaplojne emocionet e dobesohem. E, tash na ka ardhe dita me i gezue te gjitha. Ua uroj pavaresine te gjitheve. Inshallah more Zot, Kosova bahet Zvicra e dyte! Kam qejf Kosova me qene Zvicra ne Ballkan. Jetoj me ate mendim!”
Ai qe perbuz rrenjen e vet, s´ngelet vetvetja as s´behet tjeter

Por, jo te gjithe shqiptaret e shperndare anembane globit, ndajne te njejtin mendim. Shumica sish, duke emituar kulturat e huaja, nuk jane me as te tjeret as vetvetja. Ndaj, per te tillet, Xhevat Balaj ka nje porosi:
 
 “Une i kam tre djem dhe prej klases se trete fillore, ua kam ba pagesen per mesim ne shqip. Dhe, apeloj tek te gjithe, mos t´iu dhimbsen 200 franga apo 200 euro per femijet, qe te mos e harrojne gjuhen. Le te punojne prinderit me ta, le t´ua tregojne traditat e stergjysherve tane, trimerine e vuajtjet, se ai femije qind per qind nuk do ta harroje vendlindjen dhe do te kthehet ne kete Kosove…E inshallah, dhashte Zoti do te kthehemi sa ma shpejt!”
 
“Zeri i vellazerise” perkujton eksodin kosovar 

Ne manifestimin “Zeri i Vellazerise 2008”, me ane te te cilit cdo vit perkujtohet ekzodi kosovar, ansambli folklorik “Shqiponja” nga Malësia e Madhe prezantoi foklorin dhe veshjen kombtare te kesaj treve. Grupi folklorik “Shpetimi” nga Medvegja, u prezantua me tri kenge te percjellura me veglen me te vjeter shqiptare, kavallin, me fyellin e bariut dhe me sharki e cilfteli. Ansambli autokton “Rugova”,  u prezantua me vallet autoktone rugovase. Ndersa, ansambli “Mehmet Riza”, nga Isniqi, u paraqit me tri pike artisike, per t´i dhene kohe pasdite edhe shfaqjes se drames “Engjelli I lugjeve te verdha”, I pergatitur nga Grupi i Drames se Shkolles Fillore, “Isa Boletini”, ne Isniq. Drejtori i kesaj shkolle, Miftar Hakaj thote se:
Ansambli autokton “Rugova”

“Insiqi e ka  tradite te trashegimine kulturore dhe jo vetem Isniqi, por ne krejt territorin e komunes se Decanit, trashegimia kulturore ka nje vend te merituar. Njerezit interesohen vetvetiu qe sa me teper t´i ruajne reliktet e kesaj kulture. E kete e shton edhe me shumw, bashkepunimi me shoqerite e Malesise se Mbishkodres, te rrethit te Tuzit dhe te trojeve tjera shqiptare”.
 
Isniqasit presin vellezerit me buke, kripe e zemer
 
Perderisa në kullën e Osdautajve në Isniq, ne muzeun e se ciles ruhen reliktet e vjetra si deshmia me e mire e historise se lashte shqiptare, u perkujtua serish historia e së kaluarës dhe qëndresës shekullore te kullave tradicionale të Dukagjinit. Tradita e mikpritjes në keto oda u përsërit edhe sot, kur familjet e Shpend dhe Sokol Balajt hapen dyert me mikpritjen shqiptare: ”Bukë e kripë e zemer”.
 
„Asht shtru nje dreke simbolike, me ushqim tradiconal, buke e kripe e zemer!“-thote Rame Balaj nga familja nikoqire. „Shtruam buke e djathe e turrshi, e mish oriz e tespishte te mocme edhe flia e krejt cka dime me gatu, i kem shtru per vllaznit tane”,shton lokja Mahije Balaj, duke shpjeguar ne detaje sofren tradicionale shtruar per miqte. 
 
Odat e Sokol dhe Shpend Balajt kane hapur dyert me mikpritjen shqiptare
Oda e Misin Bales, prej se ciles doli Isa Boletini per te shpallur pavaresine e Shqiperise, ishte njera nga te dy odat ne te cilen u shtruan sofra me mikpritjen dukagjinase, per mysafiret e trojeve te hartes se vjeter. Ndaj, Rame Balaj nga kjo familje shprehet me emocion:

Lokja Mahije ne oborr i ka te kalitura simbolet kombtare


 “Sot m´kane ardhe miqte e mi ma t´dashur. Kjo eshte nje ure vellazerore per te gjithe qe kane qene te pranishem ne fshatin tone. Jemi krenar se, Isniqi ka qene, asht dhe mbetet ure lidhese me te gjitha trojet shqiptare, kudo qe jane”. 

Perderisa ne bashqen e Sokol Balajt rrethuar me mure te larta, miqte paten rastin te shohin se si ne hapesiren e oborrit jane kalitur ne nje:feja, kombi dhe historia . Lokja Mahije na shpien neper te duke pershkruar:  


“Ketu osht harta e Kosoves. Atje eshte hona me yllin, se jam ne fe te muslimonit. Ketu e kam Brahim Rugoven se, Rugova ma ka dhane pavaresine, poo! Se, ai e ka njofte krejt Evropen e boten, se per kta te tjeret kurre ti as une s´ishim ardhe qetu. Jam e bindur se  prej si e ka nu qat shall, o munu per kete popull shiptar. Thaci e ka shpall, faliminers…Ja kemi dhone te drejtat se s’e kish shpall hic! E, ktu jane rremat e Rugoves. Ai pavaresine e ka lyp ma s´pari se krejt familja i ka shku prej serbit edhe me shall ja kane ngreh babe e none!”
Flamuri i UCK-se, i Rugoves dhe i Kosoves valojne pernjeheresh
 
Ne krye te rrugices qe con te stani i drunjte prane bredhit, valojne krahas tre flamuj. “Ketu osht bajraki i Kosoves. Ky asht bajraku i UCK-se, si m´kane luftue djemt e Kosoves e i kam ne toke, ma shume pa i gjet…E ktu e kam bajrakin dardan te Rugoves!”, shpjegon lokja Mahije.

Por, megjithese ne fshatin Isniq kultura dhe tradita zene nje vend te vecante, Regjep Maksutaj ka nje brenge:
 
“Me keqardhje them se traditat jane ne zhdukje e siper, e posaqerisht muzika eshte ne nje kolaps te vertet. Une kur e kam reklamu manifestimin, kam thane: “Ejani dy ore ta bejme pa “tallava”. Vet fakti se programi zgjati mbi dy ore dhe per publikun mbeti i fresket, fillim e fund, jep te kuptosh se publiku eshte i uritur per kengen e mirefillte shqipe dhe tingullin kumbues te instrumenteve popullore. Ketu, sipas mendimit tim, fajtor kryesor jane institucionet qe aspak nuk ju jepet rendesi. Eshte nje fatkeqesi e madhe sepse po shuhet edhe talenti. Posaqerisht, Rrafshi i Dukagjinit ka nje brume te mirefillte”.
 
Te ruhet kultura dhe tradita shqiptare nga populli dhe nga shteti

Ansambli”Rugova”n’hyrje te Kulles se Osdautajve
Z. Prelvukaj, terheq vemendjen e institucioneve, sepse thote ai, vlerat me te cilat identifikohet nje popull duhet te jene te mbrojtura se pari nga shteti.

“Mbi te gjtiha lipset qe ne menyre institucionale, ligjevenesit shqiptar t´i mbrojne keto vlera te trasheguara sepse, ne baze te ketyre vlerave do te identifikohemi se jemi origjinaliteti i vjeter i popujve indo-evropian. Kjo deshmon se ne jemi nje popull me nje kulture te lashte te cilen e kemi trasheguar, edhe perkunder te gjitha perpjekje te na i zhdukin gjurmet qe nga varret e thesaret e kultures dhe historise e te mbetjeve te te pareve tane, ne i kemi ruajtur ato me nje perkushtim te vecante . Lipset nje ligj i perbashket qe ruan vlerat kombtare. Keto objekte nuk duhet te lihen vetem ne meshiren e forcave ekonomike te individeve, se dihet baza jone…Por shteti duhet te perkujdeset”, porosit z.Prelvukaj.
 
Atehere, kur dielli po rrokullisej pas Bjeshkeve te Nemura dhe muzgu me qetesine e nates se shpejti do te shtrinte krahet mbi Isniqin e sotem plot kenge, valle e ngrohtesi ndervellazerore, karvani i ansambleve ngarkuar me vlerat e mirefillta kulturore shqiptare vazhdoi rrugëtimin drejt Prekazit te  lavdishem, ku zuri fill drita e lirise se Kosoves…

Vizitë e heshtur – Tadiqi feston pashkët në Kosovë

Presidenti Tadiq dhe patriarku i
Manastirit të Deçanit, Tadosije 

28 prill 2008, Dojçe Velle. Vizita e parë e Tadiqit pas shpalljes së pavarësisë së Kosovës, e aprovuar nga ana e UNMIK-ut, nga disa politikanë kosovarë është cilësuar si provokim politik. Vizita u zhvillua nën masa të rrepta sigurie.

Presidenti Tadiq qëndroi të dielën në Manastirin e Deçanit, ku bashkë me ministrin serb, Sllobodan Samarxhiç dhe udhëheqës të tjerë të Serbisë, kanë marrë pjesë në Vigjiljen e Pashkëve. Në ambientet e këtij manastiri, udhëheqësit serb përcollën edhe Liturgjinë e Pashkëve. Vizita u zhvillua nën masa të rrepta sigurie. Vëzhgimi i gjendjes edhe me helikopterë ushtarak ka vazhduar të dielën deri në mesditë.

Janjiç: “Pas presidentit Sejdiu manastirin viziton presidenti Tadiq

Presidenti Tadic, të dielën nuk është prononcuar për mediat. Mediave lokale nuk i është lejuar hyrja në manastir. Ndërsa, zëdhënësi i Manastirit të Deçanit, ati Sava Janjiç, për Deutsche Welle-n deklaroi se: “jemi veçanërisht të nderuar me prezencën e presidentit Tadiq në Pashkët e sivjeme.Para dy vitesh, në manastir ishte edhe presidenti i Kosovës, z.Sejdiu. Tashmë presim edhe mysafirë ndërkombëtare dhe zyrtarë komunale, sepse ky është rasti të dëshmojmë se ky manastir është i hapur për të gjithë njerëzit vullnetmirë, pavarësisht qëndrimeve politike apo besimeve fetare. Në këtë frymë ishte edhe vizita e presidentit Tadiq; pa asnjë qëllim politik, por në shenjë respekti ndaj trashëgimisë kulturore dhe në shenjë solidariteti me njerëzit që jetojnë në manastir. Shpresojmë që kjo vizitë të kuptohet drejt, pa i dhene dimension politik”.

Mesazhi i Atit Sava Janjiç për festën e Pashkëve ishte pajtues: “Ringjallja e Krishtit është ditë e paqes, e gëzimit dhe e faljes. Është koha që të gjitha keqkuptimet të lihen anash dhe njerëzit të dëshmojnë, se janë të bashkuar në dashuri e respekt. Le të bjerë kjo dritë mbi të gjithë ne, në Kosovë, duke na afruar drejt Zotit, me urimin për përparim, paqe, drejtësi dhe mirëqenie për të gjithë!”

Reagime qytetare 

Në oborrin e manastirit qëndronin dhjetëra serbë nga Kosova dhe Serbia, ndër ta edhe 28 vjeçari, Milan Misiç, nga Beogradi: “Kam ardhur të festoj festën më të vjetër të krishtërimit, e cila kremtohet që 2000 vjet. Atmosfera e Pashkëve këtu është jashtëzakonisht e mirë dhe mua më pëlqen të vij në Manastirin e Deçanit, i cili është një vend i respektuar në gjithe botën.” thotë Milani. Mesazhi i Milan Misiç-it është paqja dhe toleranca.

Për deçananasit, Pashkët Ortodokse të cilat dikur i kremtonin bashkë, ishin një ditë e rëndomtë. Ndërsa, prania e presidentit të Serbsë, Boris Tadic dhe e udhëheqësve të tjerë, një provokim me shumë nga ana e autoriteteve të Serbisë. Udhëheqësit serbë, pas manastirit të Deçanit vizituan edhe Patriarkanën e Pejës, pastaj udhëtuan për në Beograd.

Ajetë Beqiraj, DW

Çfarë vendi zë Deutsche Welle-shqip në Kosovë ?

23 prill 2008, Dojçe Welle. Redaksia shqipe e Radios Dojçe Vele, e themelur me 1992 ka arritur vit pas viti arriti te bëhet ndër radiot më të dëgjuara. Në vitet 90-të ajo mbeti dritarja e vetme informative për dëgjuesin shqiptar në Kosovë.


Por, çfarë do të thotë emri i Dojce Vele-s për auditorin shqiptar dhe ç´vend gëzon ajo në Kosovën e pasluftës? Ajete Beqiraj solli zërat e disa qytetarëve:

“Dojce Vele – Programi i pasdites” është sigla identifikuese e frekuencave të Dojçe Vele-s në Shqip, dritarja e vetme në errësirën e plotë informative të Kosovës së viteve 90-të. Zëri i moderatorit: “Ju flasim drejperdrejt nga Gjermania. Po dëgjoni radion, Dojce Vele!” – është sinjali për t´u mbledhur rreth radios.

“Edhe në kohërat ma t´vështira jemi tubu, jemi struk edhe e kemi prit vazhdimisht ta dëgjojmë Dojce Vele-n, sepse ata na kanë informu kur kemi qënë komplet të mbyllur,”- kujton profesori Mon Berisha.

“Kur neve, nga regjimi i atëhershëm na kishin mbetur vetëm pesë minuta në radion e Zagrebit dhe dilnim nëpër kodrina që t´i kapim valët nga ajo radio, Dojce Vele na informonte drejt që nga diaspora e deri në rrethin ku ishim duke jetuar, sepse ishim në një bllokadë totale informative,”- Idriz Ibraj nga Peja, kthehet prapa ne kohë.

“Kemi pas problem, por prapseprapë e gjenim dhe e dëgjonim, sidomos ne që ishim në zonat e luftës,”-kujton Nasret Hajrizi, ekonomist nga Katundi i Ri.

“Sidomos para luftës e kemi dëgju shumë. Mezi pritshim kohën të kyçemi na valët e Dojç Veles,”-plotëson Agron Sheremeti, profesor i edukatës fizike.

Nën drejtimin e kryeredaktores së athershme, Adelheid Feilke Tieman, redaksia shqipe e Dojçe Vele-s, atëbotë arriti të jetë radio më e dëgjuar dhe e vetme për auditorin shqiptar në Kosovë. Tash tri vjet, seksioni shqip udhëhiqet suksesshëm nga shefi i ri, Fabian Shmidt. Por, ndonëse në kthesat historike të Kosovës kanë tërhequr larguar paksa vëmndjen e auditorit, vala e Dojce Vele-s vazhdon të ruajë besueshmërinë.
“Absolutisht!-flet i bindur Nasret Hajrizi. Dojçe Vele gëzon besueshmërinë e parë, por arsye tjetër është edhe invazioni medial pas luftës në Kosovë.”
“Mbase edhe po, sepse kur njeriu ka shume burime, i merr informatat nga t´i vinë,”-pohon Agron Sheremeti.

“Emisioni më i preferuar ka qënë Dojçe Vele,sepse kisha besimin se çkado që vjen prej atke është më e besueshmja.”

“Vazhdoj edhe kësaj dite të jem dëgjues i rregullt i radios Dojce Vele dhe i mbetem besnik asaj. Ndoshta nuk jam degjues i rregullt. Mirëpo, atëherë kur më duhet informacion i shpejt dhe i saktë, e kërkoj në Dojçe Vele”-thotë Aver Husaj, zyrtar i KK-së në Pejë.

“Tani pakëz ma rrallë, sepse vërtet kemi një numër të madh të mediave të tjera, por një emër simpatik dhe i dashur mbetet përherë Dojce vele,”-përgjigjet me admirim, drejtori Idriz Ibraj.

Riformatimi i programit që nga janari vitit 2008, ka për qëllim mbajtjen e dëgjuesit pranë valës se DW-së, thotë shefi i seksionit shqip, Fabian Shmidt. Sepse “Dojce Vele” ofron një përmbajtje shtesë të programit, në krahasim me partnerët e tjerë të radiostacioneve të Kosovës e para së gjithash, ofrojmë informacione cilësore. Hulumtimet tregojne që Dojçe Vele ka një besueshmëri shumë të lartë dhe tashmë, shifrat tregojnë se kemi shumë dëgjues në Kosovë,” – thotë kryeradaktori Fabian Shmidt.
“Dojce Vele, sot ne Fokus”. Aver Husaj e njeh siglën e rë të Dojce Vele-s, sepse përcjell programin e ri. Prandaj edhe porosit: “Vazhdoni me informacionet e shpejta, të sakta dhe të sigurta dhe Dojçe Vele, prapseprapë do të jetë ndër mediumet më të besueshme në opinion.”

Ndërkohë që profesori, Mon Berisha, përmbyll bisedën me një përshëndetje të ngrohtë: “Kisha pas qejf me i përshëndet stafin e redasisë shqipe, të cilët në kohërat më të vështira i kemi pas burim shprese e jete, duke na inkurajuar e informuar. Prandaj, meritoni çdo lëvdatë!”

Ajetë Beqiraj, DW

Blegtoria ne Decan

20 prill 2008, Radio Kosova, Gjate luftes se fundit ne Kosove, rreth 70 per qind e infrastruktures blegtorale eshte demtuar. Nderkohe qe, fondi i bagetive i cili para luftes numeronte 40 mije dele dhe gjedhe, eshte reduktuar ne 15 mije krere.

Blegtoria eshte nje sektor i rendesishem, i cili jep rezultate ne vazhdimesi ne bujqesine gjysme komerciale te komunes se Decanit. Kullosat natyrale prej mijera hektaresh si dhe burimet ujore ne gjithe territorin e komunes, favorizojne zhvillimin e nje blegtorie intenzive dhe me perspektive.

„Komuna e Decanit ka mbi 7 mije hektare kullosa natyrale, kryesisht ne zonat e larta te bjeshkeve e poashtu edhe kullosa artificiale, ne zonat rurale. Nga siperfaqja e pergjithshme e tokes bujqesore prej 11 mije e 551 hektare, nje vend te vecante ze edhe ushqimi per pergatitjen dhe mbaresimin e kafsheve“, thote Bajram Qeku, zyrtar i Departamentit per Bujqesi, Pylltari dhe Zhvillim Rural.


Decani ka kushte per zhvillimin e bujqesise


Gjate luftes se fundit ne Kosove, rreth 70 e infrastruktures blegtorale eshte demtuar. Nderkohe qe, fondi i bagetive i cili para luftes numeronte 40 mije dele dhe gjedhe, eshte reduktuar ne 15 mije krere.


 „Ende eshte nje gjendje jo e kenaqshme, sepse 60 per qind te fermave jane ferma ekzistenciale, te cilat kane nje deri ne kater lope. Ferma te mesme kemi diku 38 per qind, ndersa ferma komerciale vetem 2 per qind. Keshtu qe, synimi yne eshte qe nga fermat ekzistenciale te shkohet ne krijimin e fermave gjysmekomerciale dhe komerciale”, thote z.Qeku.


Raca autoktone “Bushe” dhe “Bardhoka e Dukagjinit”

Nevojat e Komunes e Decanit me produkte blegtorale plotesohen deri ne 60 per qind. Perpunimi i produkteve behet me metoda te vjetra-ne ekonomite familjare, ndersa shitja behet pa ndonje organizim te vecante. Nder rekomandimet e Strategjise Komunale per Zhvillimin e Qendrueshem te Bujqesise, per sektorin e blegtorise nder te tjera rekomandohet: Mbeshtetje per shoqatat e fermereve dhe orjentimi I tyre ne mbjelljen e siperfaqeve me te medha me bime forragjere si dhe mbrojtje institucionale per racat e autoktone te lopes se njohur si raca “Bushe” dhe te races se deles, „Bardhoka e Dukagjinit“.

Ajete Beqiraj, Radio Kosova

Zgjedhjet lokale te Serbise ne Kosove

19 prill 2008, Dojce Vele, Serbia ka marre vendim per mbajtjen e zgjedhjeve lokale ne Kosove. Keto zgjedhje per UNMIK-un jane jolegale, per Kosoven-cenim i integriteti te saj, ndersa per Evropen dhe SHBA-ne-shkelje e rezolutes 12/44. Nderkohe qe, serbet e Kosoves, kane qendrime te kunderta nga vendi ne vend.

“Konsideroj se, në bashkësinë ndërkombëtare ekziston pajtueshmëri e gjerë që Serbia nuk duhet te mbaje zgjedhje lokale në territorin e Kosovës, pasi kjo paraqet shkelje të rezolutës 12/44-ka deklaruar per mediat e Beogradit, te premten, kryeadministratori i Kosovës, Joakim Ryker. 
„UNMIK-u deri me tani nuk ka penguar mbajtjen e zgjedhjeve parlamentare dhe presidenciale te Serbise ne Kosove dhe kete nuk besoj se do ta bej as kesaj radhe. Dhe, une besoj se keto zgjedhje do organizohen edhe ne Gorazhdevc“-thote Sllobodan Petkovic nga Gorazhdevci.
Por, eurodeputetja Doris Pack, mendon ndryshe:
“Eshte e qarte se rezoluta 12/44 nuk lejon mbajtjen e zgjedhjeve lokale serbe ne Kosove dhe nese te gjithe i referohemi kesaj rezolute, atehere kete duhet ta bejme edhe kur eshe fjala per zgjedhjet lokale. Eshte e papranueshme qe Serbia te mbaje zgjedhje lokale ne Kosove“.
Qendrimi unanim I institucioneve te Kosoves eshte kunder mbajtjes se zgjedhjeve lokale të Serbisë edhe në Kosovë. Deputetet e Parlamentit synojne nxjerrjen e nje deklarate, me ane te se ciles, sic jane shprehur,“Kuvendi duhet të thotë fjalën e vet, për faktin se po cenohet integriteti i Kosovës“. Ata poashtu I bejne thirrje UNMIK ut që në fund të mandatit të mos provokojë situatë të pavolitshme”.
Por, si ndjehen serbet e Kosoves ne mes dy forcave qe ngrehin ne ane te kunderta?
„Paj, eshte ndjenje e rende…shume e rende, madje? Dhe, pikerisht per kete duhet kohe per t´u normalizuar jeta se pari, e tek pastaj te stabilizohet edhe ajo pjese e politikes“.
 Por, cfare bene institucionet e Serbise per te merituar voten e serbve te Kosoves dhe si u trajtuan ata, derisa jetonin si te zhvendosur ne Serbi? Dragan Llazovic nga Peja, i cili provoi kete jete pergjigjet i bindur:
“Nuk do te dal ne zgjedhje…As ne Serbi nuk kam dalur, se,te jem i sineqrte, kur kemi ikur nga Kosova nuk na kane pritur kurrqysh. Po mos te kisha punuar me meditje, ne do te vuanim urie. Me jepnin miell e oriz. Se mos nga keto jetohet? Pastaj, ne zgjedhjet lokale nuk kishim te drejte vote ne, sic na quanin atje, refugjatet, te zhvendosurit, shqiptaret e si te duash ndryshe. Kjo eshte e verteta, pse mos ta them? Prandaj, eshte e sigurt se nuk do te dal…C´me duhet mua te dal ne zgjedhje?“

Ajete Beqiraj, Dojce Vele

Çfarë vendi zë “Deutsche Welle”-shqip në Kosovë ?

Hyrja kryesore ne kompleksin e selise
 se DW-se,ne Bonn
prill 2008, Dojce Velle, Redaksia shqipe e Radios Dojçe Vele, e krijuar në 1992 ka arritur vit pas viti arriti te bëhet ndër radiot më të dëgjuara. Në vitet 90-të ajo mbeti dritarja e vetme informative për dëgjuesin shqiptar në Kosovë.


“Dojce Vele – Programi i pasdites” është sigla identifikuese e frekuencave të Dojçe Vele-s në Shqip, dritarja e vetme në errësirën e plotë informative të Kosovës së viteve 90-të. Zëri i moderatorit: “Ju flasim drejperdrejt nga Gjermania. Po dëgjoni radion, Dojce Vele!” – është sinjali për t´u mbledhur rreth radios.

“Edhe në kohërat ma t´vështira jemi tubu, jemi struk edhe e kemi prit vazhdimisht ta dëgjojmë Dojce Vele-n, sepse ata na kanë informu kur kemi qënë komplet të mbyllur,”- kujton profesori Mon Berisha.
Feilcke-Tieman,shefja
e pare e seksionit shqip
(Foto e huazuar)
“Dojce Vele”-zeri i vetem ne terrin informativ te viteve 90-të

“Kur neve, nga regjimi i atëhershëm na kishin mbetur vetëm pesë minuta në radion e Zagrebit dhe dilnim nëpër kodrina që t´i kapim valët nga ajo radio, Dojce Vele na informonte drejt që nga diaspora e deri në rrethin ku ishim duke jetuar, sepse ishim në një bllokadë totale informative,”– Idriz Ibraj drejtor i Korporatës Energjetike te Kosovës-distribucioni në Pejë.

“Kemi pas problem, por prapseprapë e gjenim dhe e dëgjonim, sidomos ne që ishim në zonat e luftës,”
-kujton Nasret Hajrizi, ekonomist nga Katundi i Ri.

“Sidomos para luftës e kemi dëgju shumë. Mezi pritshim kohën të kyçemi na valët e Dojç Veles,”-
plotëson Agron Sheremeti, profesor i edukatës fizike.

“Dojce Vele gëzon besueshmërinë e parë”
Verica Spasovska, shefe aktuale
e DW-se per Evrope Juglindore
Nën drejtimin e kryeredaktores së athershme, Adelheid Feilke Tieman, redaksia shqipe e Dojçe Vele-s, atëbotë arriti të jetë radio më e dëgjuar dhe e vetme për auditorin shqiptar në Kosovë. Tash tri vjet, seksioni shqip udhëhiqet suksesshëm nga shefi i ri, Fabian Shmidt. Por, ndonëse në kthesat historike të Kosovës kanë tërhequr larguar paksa vëmndjen e auditorit, vala e Dojce Vele-s vazhdon të ruajë besueshmërinë.
“Absolutisht!-flet i bindur Nasret Hajrizi. Dojçe Vele gëzon besueshmërinë e parë, por arsye tjetër është edhe invazioni medial pas luftës në Kosovë.”
“Mbase edhe po, sepse kur njeriu ka shume burime, i merr informatat nga t´i vinë,”-pohon Agron Sheremeti.
“Dojce Vele” udhëtoi bashkë me popullin e Kosovën
“Emisioni më i preferuar ka qënë Dojçe Vele,sepse kisha besimin se çkado që vjen prej atje është më e besueshmja.”

“Tani pakëz ma rrallë, sepse vërtet kemi një numër të madh të mediave të tjera, por një emër simpatik dhe i dashur mbetet përherë Dojce vele,”-përgjigjet me admirim, drejtori Idriz Ibraj.

Nje pjese e stafit te DW-se nw Bonn:(Nga e majta)Bahri Cani,
Eliana Xhani,Vilma Filaj Ballvora,Auron Dodi,  Esat Ahmeti
“Vazhdoj edhe kësaj dite të jem dëgjues i rregullt i radios Dojce Vele dhe i mbetem besnik asaj. Ndoshta nuk jam degjues i rregullt. Mirëpo, atëherë kur më duhet informacion i shpejt dhe i saktë, e kërkoj në Dojçe Vele”-thotë Aver Husaj, zyrtar i KK-së në Pejë.

Riformatimi i programit që nga janari vitit 2008, ka për qëllim mbajtjen e dëgjuesit pranë valës se DË-së, thotë shefi i seksionit shqip, Fabian Shmidt. Sepse “Dojce Vele” ofron një përmbajtje shtesë të programit, në krahasim me partnerët e tjerë të radiostacioneve të Kosovës e para së gjithash, ofrojmë informacione cilësore. Hulumtimet tregojne që Dojçe Vele ka një besueshmëri shumë të lartë dhe tashmë, shifrat tregojnë se kemi shumë dëgjues në Kosovë,” – thotë kryeradaktori Fabian Shmidt.
“Dojce Vele-Sot ne Fokus”. Aver Husaj e njeh siglën e rë të Dojce Vele-s, sepse përcjell programin e ri. Prandaj edhe porosit:

Pervoje praktike ne redaksine e DW-se,ne Bonn
“Vazhdoni me informacionet e shpejta, të sakta dhe të sigurta dhe Dojçe Vele, prapseprapë do të jetë ndër mediumet më të besueshme në opinion.”

Ndërkohë që profesori, Mon Berisha, përmbyll bisedën me një përshëndetje të ngrohtë:
“Kisha pas qejf me i përshëndet stafin e redasisë shqipe, të cilët në kohërat më të vështira i kemi pas burim shprese e jete, duke na inkurajuar e informuar. Prandaj, meritoni çdo lëvdatë!”

Demtimi i pyjeve të Decanit

 Pyje te Dëmtuara në Bjeshkën e Strellcit  

13 prill 2008, Radio Kosova, Bazeni kryesor I pyjeve ne Kosove gjendet ne komunen e Decanit, I cili viteve te pasluftes I eshte ekspozuar shfrytezimit te pakontrolluar nga preresit ilegal. Sipas eksperteve komunale, demtimet e medha ne masivin e Bjeshkeve te Nemura, perligj Ligji per Pyjet, I aprovuar para tri vjetesh ne Parlamentin e Kosoves.

Nga siperfaqja e teresishme e Komunes se Decanit prej 37 mije e 100 hektaresh, 18 mije 423 hektare eshte veshur me pyje, 13 mije e 923 hektare prej te cilave jane prone shoqerore, ndersa 4 mije e 500 hektare, prone private. Musa Mushkolaj, eshte zyrtar i Departamentit per Bujqesi, Pylltari dhe Zhvillim Rural, ne Komunen e Decanit. 

„Ne pyjet e Decanit ka rritje vjetopre rreth 60 mije meter kub, qe don te thote disponon diku me nje meter kub per koke te banorit- Me dominante jane bredhi i kuq, bredhi i bardhe dhe llojet e tjera te pishave, ahu dhe geshtenja por gjthashtu edhe ahu per djegje. Ne nje mase te mjaftueshme gjendet edhe druri i mbrojtur, panja, i cili fakeqsisht eshte ne shkaterrim e siper sepse nuk eshte duke u mbrojtur, konkretisht nga Agjencioni Pyjor i   Kosoves“.
Prerje e pakontrolluar e pyjeve


Ne baze te ligjit mbi Pyjet ne Kosove, Agjencioni Pyjor i Kosoves menagjon me te gjitha siperfaqet pyjore: nje menagjim, me te cilin Komuna e Decanit nuk eshte e kenaqur.


„Duke filluar qe nga Plani Operativ i Prerjeve Vjetore, ku ne nivel te Kosoves planifikohen diku 100 mije meter kub, ndersa vetem ne komunen e Decanit, rreth 30 mije meter kub, duke perfshi edhe drurin teknike edhe ate per djegje“, shpjegon z.Mushkolaj.


Kerkohet amandamentimi i ligjit per pyjet


Vjedhjet ilegale dhe gjysme legale, pyjet e Bjeshkeve te Nemura radhisin nder zonat me te rrezikuara nga faktori njeri. Sipas eksperteve komunale, demtimet e medha ne masivin e Bjeshkeve te  Nemura, perligj Ligji per Pyjet, I aprovuar para tri vjetesh ne Parlamentin e Kosoves. Pikerisht per kete, para nje viti, nje komision ne perberje te Ministrise se Bujqesise, Pylltarise dhe Zhvillimit Rural, Gjykates, SHPK-se dhe te eksperteve te pavaurur te pylltarise, ne nje punetori te perbashket nxoren 13-te rekomandime per miremenagjimin e pyejeve, nder te cilat edhe: Amandamentimi i ligjit per pyjet e Kosoves 2003/3, me c´rast kompetencat e menaxhimit e pyjeve kerkohet te kalojne ne komune;  qe Agjencioni Pyjor I Kosoves te hartoje Planin Menaxhues Afatgjate te Pyjeve te Kosoves dhe te kontrolloje efektivisht pikat kritike te demtimit te pyjeve apo qe gjykatat pergjegjese te aplikojne masa ndeshkuese per  delikuentet konform ligjeve ne fuqi. Mirepo, sipas informatave te deritanishme dhe gjendjes ne terren, asnjeri nga keto rekomandime nuk ka filluar aplikimin.

Decan: Tri Qendra per te Moshuarit nga “Intersos”-i Italian

Inaugurimi i Qendres per te Moshaur, ne Isniq
8 prill 2008, Radio Kosova,Financuar nga Ministria Italiane e Punëve të Jashtme përmes Zyrës për Kooperim dhe Zhvillim Ndërkombëtar, OJQ “Intersos”, po implementon projektin “Me dinjitet në pleqëri”. Tri prej 14-të Qendrave për të Moshuarit, u hapen sot edhe në komunën e Deçanit. 

Projekti “Me dinjitet ne pleqeri”, permban komponenten sociale dhe ate shëndetësore. Në kuadër te komponentës sociale, eshte bere inaugurimi i 14-te qendrave për të moshuarit nëpoer komuant e Rajonit te Pejes, dy prej te cilave jane hapur Decan dhe nje tjeter ne fshatin Isniq:
“Ne, si organizate deshirojme qe me ksuhtet tona modeste, te krijojme nje platforme. Kemi bashkepunim me 16 organizata vendore te Rajonit te Pejes, me Kuvendet Komunale, me Qendrat Sociale dhe ato shendetsore. Dhe, te gjithe kane shprehur gatishmeri qe t´na ndihmojne. Ndersa, kjo qender ne Isniq eshte nder te 14-te qendrat ne rajon, e cila do te shfrtezophet nga te msohaurit e ketijfshati”-thote  Samir Zajmi, koordinator i Orgnaizates Joqeveritare “Intersos”.                                                                                  
Permes proejktit “Me dinjtiet ne pelqeri”, i cili financohet nga Ministria Italiane e Punëve të Jashtme, përmes zyrës për kooperim dhe zhvillim ndërkombëtar, organizata joqeverita Intersos synon qe senzibilizoje opinionin ndaj kesaj kategorie te djeshme.    
”Qe ta kthejme vemendjen sadopak ndaj ketyre njerezve te cilet kane bere shume per ne dhe per vendin tone. Dhe si shkembim, askund s´iu eshte dhene vendi i merituar dhe nje trajtim dinjitoz”-shton z.Zajmi.
Nderkohe qe Ismet Sheremeti, Kryetar i Organizates se Rajonale e Pensionisteve, ne Peje, e cila i ka rreth 9500 anetare, eshte i lumtur per kete iniciative:
Inaugurimi i Qendres per te Moshuar, ne Deçan
“Ky hap eshte i mireseardhur, sepse pesnionistet do te kene ku te mblidhen. Dhe kjo, duke ju falenderu “Intersos-it” italian, te cilet, sinqerisht po them, jane te paret qe kane hap deren, zemren e shpirtin per te moshuarit”.
Ne kuader te ketij projekti, në Pejë, Klinë, Istog dhe Decan, se shpejti do te fillojnë funksionimin katër grupe mobile shëndetësore, të cilat do te vizitojne kategorite sociale qe nuk kanë qasje në institucionet shëndetësore. Sepse, qellimi i projektit “Me dinjitet ne pleqeri”, eshte qe të promovoje për popullatën e moshuar: qasje të plote në sherbime shendetsore adekuate; dialogun ndërkulturorë dhe dialogun në mes të gjeneratave; socializimin dhe integrimin ne mes të komuniteteve dhe grupeve të ndryshme etnike si dhe vetedijesimin dhe parandalimin për sëmundjet më të shpeshta tek të moshuarit.                                                              
Ajete Beqiraj, RTK

A pranohet Kushtetuta e Kosoves nga te gjitha kombsite?

8 prill 2008, Dojce Vele, Me një ceremoni solemne, u nënshkrua Kushtetuta e Republikës së Kosovës, e cila përcakton Kosovën shtet sovran dhe të pavarur. Kushtetuta e cila do t’i dërgohet Parlamentit të Kosovës për miratim, hyn në fuqi me 15 qershor. Por, çka mendojnë qytetarët për Kushtetuten e Kosovës?

Pas diskutimit publik per Projekt-kushtetutën nëpër komuna, te henen, Parlamenti i Kosoves miratoi aktin më të lartë juridik të shtetit. Kryetari i Komisionit per hartimin e kushtetutes, Hajredin Kuci, garanton:
„Se te gjitha verjetjet dhe sugjerimet i kemi rikshikuar me vemendje te vecante dhe nga ato minimum 35 deri ne 40 per qind jane inkorporuar ne draftin e ri qe eshte shume me cilesor, sepse shumica e atyre qeshtjeve qe jane ngrit dhe nuk kane pa te bejne me Pakon e ahtisarit, jane inkorporuar“. 
Ilir Ferizaj nga Decani, shperfill kete deklarate:
„Ata ne fakt nuk e kane harut kushteuten fare dhe e dine fare mire se ata nuk do te mund ta ndryshojne ate. Jane debate sa per me hy ne histproindhe te thone se kemi bere debat me qytetare, kemi marre ankjesat nga ta prandaj kemi hartuar kete kushtetute,por ne fakt nuk vlejne fare“.
Osman Goranci beson se kushtetuta do te garantoje nje jete me te mire per te gjitha komunitetet ne Kosove.
„Kushtetuta dhe shteti i Kosoves garantojne jeten e mire te te gjithe komuniteteve se bashku me ne si shumice. Te gjithe ata qe mendojne mire per Kosoven dhe ia duan te mrien Ksooves, le ta ndertojme bashke Kosoven e re“.
Dardan Mulliqin, nga Lluka e Decanit e brengosin zonat e vecanta:
„Dihet qe Zona e Decanit eshte zona e pare e ketij lloji ne Kosove, e cila fillimisht ka qene e themeluar ne baze te nje vendimi ekzekutiv 2005/5, nga ish administratori i UNMIK-ut, ne Kosove, Soren Jesen Peteresen. Me tej kjo ka perfunduar ne projektin gjitheperfshries te Ahtisarit dhe si e tille tani po bartet ne kushtetute. Zona e Decanit perfshine nje siperfaqe prej 1000 hektaresh, 80-te per qind te se ciles jane prona te bujqeve shqiptare, ndersa 20 per qind hyne prona e kishes.
Rafet Bushati, nga Prizreni eshte i vetdishem vleres se ketij akti juridik.Prandaj thote se „Kushteuta e Kosoves eshte nje proces shume i rendesishem per shtetin e Kosoves. Besoj se edhe minoritetet tjera kane me pas te drejatat e barabarta“.
Ismail ramovic, boshnjak nga Peja ka dicka te paqarte:
„Kushtetua eshte mjaft liberale dhe me standarde evropiane. Mirepo, disa qeshtje qe iu perkasin pakicave etnike s´jane te sqaruara mire,sic eshte pozita e tyre, perspektiva, arsimimi“.
Kryetari i komisionit kushtetutes, Hajredin Kuci therret per qetesi:
“Pa brenga. Ky akt juridik dhe politik, me i larti, ne Kosove ka pasqyru interesat, kerkesat, synimet e te kalaures sone per liri dhe pavaresie. Te gjitha jane te inkorporuara ne kete kushtetute”.
Perderisa, Asllan Bytyqi, nga Therranda, beson dhe uron:
“Qe ajo kushtetute te jete kushtetute qe perfaqeson interesat e te gjithe popujve qe jetojne ne Kosove, pa dallim kombi pa dallim feje race apo etnie“.
Ajete Beqiraj, DW