Date Archives December 2007

Koalicioni i ri pas Vitit të Ri

29 dhjetor 2007, Dojçe Vele,Partia Demorkatike e Kosovës dhe Lidhja Demokratike e Kosovës, ende nuk kanë arritur marrëveshjen politike për formulën qeverisëse, ndonëse që të dyja palët janë të pajtimit që insitucionet e reja të themelohen sa më shpejt.

Mundësia e koalicionit në mes të Partisë Demokratike të Kosovës dhe të Lidhjes Demokraktike të Kosoves, po zbehet për shkak të refuzimit nga kjo e fundt,  të disa kushteve të parashtruar nga I mandatuari për kryeminitër të Kosovës, Hashim Thaçi. LDK pranon numrin e ministrive, por jo edhe  llojin e tyre. Ajo ka refuzuar edhe kërkesën e PDK-së që asnjë nga ministrat aktuale apo, siç quhen në të shumtën, „ministrat e korrptuar“, nuk mund të jenë në krye të ministrive.
„Po të isha në vendin e Thaçit, ndoshta edhe unë do të dëshiroja të njëjtën, le të kuptohemi. Një gjë e tillë mund të jetë e këshillueshme apo e deshirueshme. Mirëpo, përjashtime të tilla nuk ka!-thotë nënkryetari i Lidhjes Demokratike të Kosovës, Eqrem Kryeziu.
 Kundërshtimet e LDK-së mund të jenë një mundësi për koalicion, për Aleancën Kosova e Re dhe për Lidhjen Demokratike të Dardanisë, meqënse të dyja partitë kanë pranuar parimet e PDK-së.
„Ne nuk jemi kundër askujt. Ne vetëm dëshirojmë një qeveri të suksesshme. Prandaj presim përgjigje nga vet Lidhja Demokratike e Kosovës“-thotë, nënkryetari PDK-së, Fatmir Limaj.
Në një komunikatë për media, lëshuar nga Lidhja Demokratike e Kosovës, presidenti Sejdiu dhe mandatari Thaçi janë pajtuar që ndërtimi i institucioneve dhe koalicionit qeverisës, duhet të përfundoje sa më shpejt duke respektuar afatet ligjore. Njësoj pohojnë edhe zyrtarët e PDK-së. Mirëpo, kjo do të ndodh vetëm pas festës së fundvitit, edhe pse me Kornizën Kushtetuese, parlamenti duhet të mblidhet deri me 5 janar të vitit 2008.

Ajete Beqiraj, Dojce Vele

Reforma e pushtetit lokal dhe decentralizimi

28 dhjetor 2007, Dojçe Vele, Me anë të një rregulloreje të re, kryetarët e rinj komunal do të kenë më shumë konpetenca për reformimin e pushtetit local. Por, zbatimi I procesit të decentralizimit do të fillojë zbatimin pas zgjidhjes se statusit.

Reformat e pushtetit lokal, në Kosovë, filluan me themelimin e tri pilot njësive komunale: atë të Junikut, me shumicë shqiptare; të Mamushës, me shumicë turke si dhe atë të Graçanicës, me shumicë serbe. Ministri I pushtetit lokal dhe njëherit, zevendëskryeministër I Kosovës, mendon se procesi I decentralizimit në këto komuna ishte I suksesshëm.
“Tri pilot njësitë komunale, tashmë janë funskionale dhe kanë arrit të tregojnë rolin e vet. Ky është një tregues I qartë se në Kosovë do të ketë më shumë komuna, jo aq komuna sa duan disa, por do të ketë aq sa janë kërkesat e popullit”-tha zëvendëskryeminstri Haziri.
Ministria e pushtetit lokal, tashmë ka hartuar dhe I ka proceduar tri ligjet bazike për reformen e pushtetit lokal. Por, sipas z. Haziri, miratimi I tyre do të ndodh vetëm me miratimin në pako të të gjitha ligjeve të parapara në Pakon e Ahtisarit.
“Reforma ka fillu vetëm sa iu përket zgjedhjeve, ndërsa riorganizimi I institucioneve lokale do të fillojë pas marrjes së detyrës se kryetarëve të rinj”.
Në shumicën e komunave të Kosovës, tashmë është bërë inaugurimi I asambleve të reja komunale të dala pas zgjedhjeve të 17-të nëntorit. Ndërsa, me një rregullore të re, kryetarët e rinj komunale do të kenë më shumë kompetenca në reformimin e pushtetit lokal, më shumë të drejta, buxhet më shumë dhe besoj se do të kenë mundësi të ushtrojne përgjegjësinë ligjore, me drejt dhe në mënyrë më të suksesshme se deri me tani”-thotë z.Haziri, sipas të cilit, zbatimi I procesit të decentralizimit do të jetë sfidues, por I domosdoshëm për të vendosur funksionalitetin në pushtetin local.
Sipas zëvendëskryeministrit Haziri, tashmë janë shqyrtuar nevojat dhe kërkesat e pushtetit lokal dhe me anë të kësaj rregulloreje, është bërë ndarja e qartë e përgjëgjsive, si përbrënda komunës ashtu edhe në mes të pushtetit lokal dhe të atij qëndror.
Ajete Beqiraj, Dojce Vele

Asnjë fuqi s´mund ta ndalë pavarësinë

28 dhjetor 2007, Dojçe Vele, Thellohen mosmarreveshjet në mes të Partisë Demokratike të Kosovës dhe Lidhjes Demokratike të Kosovës, në kohën kur pritet zyrtarizimi i marrëveshjes se koalicionit të ardhshëm qeverisës. Ndërkohë, kryeparlamentari në largim, Kolë Berisha deklaron se „jo vetëm Serbia me rezolutat e saj absurde, por asnjë forcë tjetër nuk do t´mund ta pengonte pavarësimin e Kosovës”.

Përfundimi i mbledhjes së kryesisë së partisë së LDK-së, në të cilën ishte prezent edhe presidenti Fatmir Sejdiu, nuk solli tjetër veç zvarritjes së mëtutjeshme.  Pas perfundimit te saj, u bë e ditur se LDK nuk pajtohet me ministrite e ofruara nga mandatari Hashim Thaci. Ministria e Tregtisë dhe e Industrisë, Ministria e Shëndetësisë, Ministria e Kulturës, Rinisë dhe Sportit, Ministria e Shërbimeve Publike dhe Ministria e Drejtësisë, ishin ato që sipas PKD-së, duhej të udhëhiqte LDK në mandatin e ardhshëm-mesojmë nga burime jozyrtare. Mirëpo, nënkryetari i partisë, Eqrem Kryeziu tha se partia e tij pajtohet për postin e presidentit, zv. kryeministrin dhe 5 ministri, por jo edhe me ministritë e zgjedhura nga PDK.
 „Nuk ka minsitri më të parëndesishme. Varet se sa e vitalizon ministri i saj atë si burim! Mirëpo, janë disa që kanë qarkullim më të madh të kapitalit dhe në këtë rast do duhej njëfarë „fer-play“, që të kemi të drejtën e barabartë të menagjimitt e resurseve të Kosovës“-tha me këtë rast, nënkryetari Kryeziu.
LDK nuk u pajtua as me kërkesën e mandatarit Thaçi, që në strukturën e ardhshme asnjë prej ministrave aktual të LDK-së të vazhdojë të jetë në postin e tj. Bazuar në këto qëndrime, mundësia e lidhjes së një koalicioni vjen duke u vështirësuar, ndërkohë që me Kornizën Kushtetuese, parlamenti duhet të mblidhet deri më 5 janar. Mirëpo, përgjegjësinë për këtë zvarritje nuk e merr asnjëra palë dhe përderisa nga Lidhja Demoraktike e Kosovës thonë se, procesi nuk është bllokuar nga ata duke pasur parasysh se mandatin për t’i prirë formimit të koalicionit të ri e ka Partia Demoratike e Kosovës, PDK nuk i komenton zhvillimet e fundit dhe kërkesat e LDK-së.
Ndërkohë, kryeparlamentari i Kosovës, në largim, Kolë Berisha, në një takim me gazetarët po të premten deklaroi se Kosova është më afër se kurrë zgjidhjes së statusit.
Nuk jam njeri I premtimeve të mëdha e as I deklaratave bombastike. Megjithatë, jam I bindur thellë se jo vetëm Serbia me rezolutat e saj absurde, por asnjë forcë tjetër nuk do të mund ta pengonte procesin e pavarësimit të Kosovës”-tha z.Berisha.
Ajete Beqiraj, Dojce Vele

Sejdiu:Qasja e Serbisë solli tragjikë ndër popujt e Ballkanit

27 dhjetor 2007, Dojçe Vele,Presidenti I Kosovës, Fatmir Sejdiu, reagoi ndaj deklaratave të zyrtareve serb për sjelljen e forcave ushtarake në Kosovë, në rast të pavarësimit të saj. Shefi I diplomacies bullgare, Kalfin thotë se ndëprerja e komunikimit dhe konfrontimet e serishme janë të dëmshme për të dyja palët. Me gjithe paralajmërimet, koalicioni qeverisës në Kosovë nuk u zyrtarizua as sot (27.12.2008).

Presidenti I Kosovës, Fatmir Sejdiu ka reaguar ndaj rezolutës për Kosovën, të miratuar të mërkurën mbrëma në Kuvendin e Serbisë si dhe ndaj deklaratave të zyrtareve serb për dërgimin e forcave ushtarake në Kosove, në rast të pavarësimit të saj.
„Këtë politikë që Serbia e udhëheq edhe tash në vazhdimësi, fatkeqësisht, ka sjell përgjakjen dhe tragjiken e popullit e Kosovës dhe të popujve tjerë. Kjo, siguirsht që është një rugë së pari për ata vet. Por, nëse e kanë zgjedh rrugën e intervenimit ushtarak apo të formave të tjera, natyrisht se kanë me kënd të parballen. Në Kosovë ekziston një mbrojtje e qytetarëve të saj, e kufijve dhe e integritetit të saj nga bashkësia nderkombtare, nga NATO-ja, po edhe nga populli i saj. Ne nuk do të preferonim një qasje të tillë, e cila relaisht do të jetë kontraproduktive edhe për ata vet“.
Këtë rezolute „si jo të dobishme për rajonin e cila nuk do t’ i kontribuonte stabilitetit në Ballkan“, e ka vlerësuar edhe shefi i dipolomacisë bullgare, Ivailo Kalfin. Zëvendëskryeministri, njëherit ministër i punëve të jashtme të Bullgarisë, tha se dialogu në mes të Prishtinës dhe të Beogradit për gjetjen e një kompromisi rreth statusit të Kosovës, është shterrur. Por, sugjeroi hapjen e kanalave diplomatike dhe lënjen e mundësisë së komunikimit. Diplomati Kalfin tha se „Bullgaria, si një nder vendet e Bashkimit Evropian, mbështet Planin e Ahtisarit sikur se edhe vendimet e fundit të Këshillit të Sigurimit, për dërgimin e misionit të BE-së, në Kosove i cili do të zëvendësonte UNMIK-un. Megjithatë, ai nuk ka dashur të komentojë se cilat do të jenë reagimet e shtetit të tij nëse Kosova do të shpallë njëanshëm pavarësinë e saj.
Presidenti i Kosovës, Fatmir Sejdiu, ka vlerësuar lart Bullgarinë për qëndrimin korrekt ndaj procesit të Kosovës.
Por, Kosova, e cila tash më shumë se kurrë është në prag të zgjidhjes përfundimtare të statusit, sipas të gjitha gjasave, do të hyjë në vitin e ri pa qeveri të re. Kjo, sepse me gjithë paralajmërimet, Partia Demokratike e Kosovës dhe Lidhja Demokratike e Kosovës, ende nuk kanë bërë zyrtarizimin e koalicionit qeverisës.
Presidenti i Kosovës, gjegjsisht kryetari i Lidhjes Demokratike të Kosovës, Fatmir Sejdiu:
“Komunikimet tona do të vazhdojnë në mënyrë korrekte. A do të finalizohen sot apo nesër, varet thejsht prej ecjes së mëtejme që do të kemi, sepse është e nevojshme për secilin subjekt politik që të ketë analizat e veta të brendshme, të cilat do të reflektojnë sigurisht me një qëndrim final të koordinuar“.
Ndërkaq, gjatë një pritjeje për gazetare, në vigjilje të vitit të ri, presidenti i Kosovës, Dr. Fatmir Sejdiu, vlerësoi se “viti që po e lëmë ka qenë vit jashtëzakonisht i rëndësishëm dhe me zhvillime të bujshme, te cilat kanë rezultuar me përmbylljen e një procesi të rëndësishëm: pavarësinë e Kosovës”. Pesidenti theksoi se “Viti 2008 do të jetë vit i sfidave të shumta. Por, se, siç u shpreh ai, “ne kemi energji të mjaftueshme për t´u përballur me to”.
Ajete Beqiraj, Dojce Vele

Kosova është nën administrimin e Kombeve të Bashkuara

26 dhjetor 2007, Dojçe Vele, Kryeministri I Kosovës, Agim Qeku, prezantoi raportin përmbledhës të punës së qeverisë së tij. Zyrtarë të UNMIK-ut thonë se projektrezoluta për Kosovën në Kuvendin e Serbisë, nuk do të ketë asnjë ndikim meqënse territori I Kosovës është nën adminsitrimin e Kombeve të Bashkuara. Zyrtarizimi I koalicionit qeverisës për Kosovën, me kërkesën e Lidhjes Demokratike të Kosovës, është shtyrë për një ditë.

«Kryetari Thaçi ka pas një takim me presidentin Sejdiu, gjegjsisht, me kryetarin e Lidhjes Demokratike të Kosovës, dhe me kërkesën e tij, LDK-së i është dhënë edhe një ditë shtesë për të kthyer përgjigjen definitive për formulën e re qeverisëse»-tha zëdhënësja Partisë Demokratike të Kosovës, Vlora Qitaku, sipas së cilës, partitë në koalicion janë shumë afër finalizimit të formulës e cila do të qeverisë Kosovën në mandatin e ardhshëm. 
Sipas marrëveshjes në parim, Partia Demoratike e Kosovës do të ketë vendin e kryeministrit dhe atë të kryeparalmentarit, si dhe do të udhëheq me shtatë ministritë kryesore. Lidhja Demorkatike e Kosovës do të mbajë vendin e presidentit, një zëvendës kryeministër si dhe do të udhëheq me 5 ministri. Me 3 ministri të tjera do të udhëheqin përfaqësues të pakicave. Ndërsa, Aleanca Kosova e re, Aleanca për Ardhmërinë e Kosovës si dhe Lidhja Demorkatike e Dardanisë, do të përbëjnë opoziten e ardhshme parlamentare të Kosovës.
Sido që të jetë, afati ligjor për përbërjen e qeverisë së re është deri me 5 janar të vitit 2008. Ndërkohë, kryeministri në largim Agim Qeku, në një konferencë për media, prezantoi raportin përmbledhës të punës, gjatë qeverisjes së tij.
 “Ne e kemi bërë Kosovën gati për pavarësi!” Ky është mesazhi dhe raporti, të cilin unë si kryeministër i kësaj qeverie i jap popullit të Kosovës”-tha kryeministri Qeku.
Krymeisntiri Qeku, i cili tha se qeveria e tij ka pasur të arritura të pakontestueshme, pranoi poashtu se nuk ka pasur pushtet të plotë mbi ministrat e kabinetit të tij.
“Kam qënë shef. Më kanë respektuar. Por, nuk kam qenë i vetmi shef për ta! Nuk kam qënë në pozicionin që është kryeministri i ardhshëm, i cili ka kohë, mundësi, kapacitet e legjitimitet që të negociojë në radhë të parë formulën e koalicionit, të negociojë përbërjen e qeverisë, etj. Dhe., mugnesa e kësaj mudnësie ka paraqitur një vështirësi më shumë»-tha me këtë rast Çeku, I cili si sfidën kryesore përmendi dështimin e qeverisë nbë funksionimin e institucioneve të drejtësisë dhe në luftën kundër krimit dhe korrupsionit, në Kosovë si dhe mosshtrirjen e pushtetit në gjithë territorin e Kosovës, sidomos në veri te Mitrovices.
Ndërkohë, qëndrimi i UNMIK-ut sa i përket zyres serbe në veri të Mitrovicës, e themeluar kohë më parë nga autoritetet beogradase, mbetet i njëjtë: «zyra është ilegale dhe në kundërshtim me rezoluten 12/44 dhe Unmik-u është në konsulta të vazhdueshme me Nju Jorkun për hapa të metutjeshëm»-deklaroi zdhënësi i UNMIK-ut, Aleksandër Ivanko, në një kofnerencë për media. Ndërsa, sa i përket rezolutës se Kuvendit të Serbisë për Kosovën, me anë të së cilës qeveritarëve të Serbisë iu ndalohet që ta pranojnë pavaresinë e Kosovës, z. Ivanko, tha se projekt-rezoluta nuk do të ketë kurrfarë ndikimi, sepse territori i Kosovës administrohet nga Kombet e Bashkuara.
Ajete Beqiraj,Dojce Vele

Mesazhi i Krishtlindjeve në Kosovë: “Dashuri dhe respekt për tjetrin”

25 dhjetor 2007, Dojçe VelleMbrëmë në mesnatë në Kishën Katolike të Shën Palit në Tiranë dhe atë të Shën Ndout në Prishtinë u kremtua ceremonia e lindjes së Krishtit  Mesazhi i të krishterëve shqiptarë: Dashuri dhe respekt për tjetrin.

Në katedralen e Shën Palit në kryeqytet u mbajt ceremonia e kremtimit të lindjes së Krishtit. Arkipeshkvi i durrësit dhe Tiranës, imzot Rrok Mirdita mbajti meshën, ku morën pjesë qindra besimtarë katolikë, që u lutën për më shumë paqe e mirësi ndaj njëri-tjetrit. Dashuri dhe respekt për tjetrin është mesazhi edhe i Krishlindjeve nga hierarkët e besimtarëve të krishterë në Shqipëri.

 Arkipeshkvi Rrok Midita: “Krishtlindjet, rast për të vlerësuar urtësinë e popullit shqiptar”

 Imzot Rrok Midita, kreu i besimtarëve katolikë në Shqipëri, vlerëson mirëkuptimin dhe tolerancën shembullore mes besimeve të ndryshme fetare: „ Krishtlindjet janë një rast për te vlerësuar urtësinë e popullit tonë, që nuk i ka parë dalimet fetare si një arësye ndarjeje, por secili komunitet fetar ka ditur të respektojë ndjenjën fetare të komunitetit tjetër. Gjithë shqiptarët shohin tek kërkimi i sinqertë i Zotit, udhën e bashkimit miqësor dhe vëllazëror.”

Festa e Krishtilindjeve u shenua me manifestime të shumta edhe në Kosovë. Me këtë rast, Ipeshkvisë së Kosovës i erdhën urime të shumta nga personalitete të ndryshme vendore dhe ndërkombëtare. Ndersa, mbrëmë në mesnatë, në Kishën Katolike Shën Ndou në Prishtinë u mbajt mesha e Krishtlindjeve.

Ipeshkvi Dodë Gjergji: “Krishtilindjet, festë paqeje ndërmjet Zotit dhe njerëzimit”

Ipeshkvi i Ipeshkvisë së Kosovës, Dodë Gjergji, ka përgëzuar të gjithë besimtarët, duke thënë se kjo është festa e pajtimit, solidaritetit dhe e paqes me Zotin: „Kershendellat mbi të gjitha është festa e paqes në mes të Zotit dhe njerëzimit. Kosova është në pritjen e fundit të Krishtlindjeve dhe të Vitit të Ri para hapit vendimtar të pavarësisë. Kjo e drejtë themelore dhe e shenjtë na takon edhe neve, andaj falënderojmë Zotin që gjatë kësaj kohe të Kërshëndellave, e tërë bota e qytetëruar e cila këtë begati e shijon që moti, përgatitet të na i njeh këtë të drejtë edhe neve”.

Presidenti Sejdiu uron Papa Benediktin XVI-të

Presidenti i Kosovës, Fatmir Sejdiu, me rastin e Krishtlindjeve, i dërgoi Shenjtërisë së tij, Papa Benediktit të XVI-të një telegram urimi ne emrin e tij dhe të mbarë popullit të Kosovës, me lutjen që të vazhdojë përkushtimin për pavarësinë e Kosovës. Presidenti Sejdiu, i përgëzoi edhe besimtarët katolikë dhe të gjithë qytetarët e Kosovës me rastin e festës së Krishtlindjes. Urime të përzemërta presidenti iu shprehu edhe komandantëve dhe ushtarëve të KFOR-it, NATO-s, përfaqësuesve të UNMIK-ut dhe të OSBE-së, si dhe përfaqësive diplomatike në Prishtinë.

Blunt uron Krishtlindjet në shqip

Ndërkohë nga shefi i Zyrës diplomatike të Britanisë, David Blunt, urimi vjen në shqip: „Tash nje vit kam thënë se ka ardhë koha që kaptina e errët në historinë e Kosovës të lihet prapa nesh. Dhe, kjo më së tepërmi vlen tani, në dhjetor 2007. Secili në Kosovë ka të drejtë të shikoje kah e ardhmja më e mirë. Miqtë tuaj në Britaninë e Madhe bashkë me partnerët tuaj kyç, dëshirojnë t´iu ndihmojne juve, popullin e Kosovës, që ta arrini këtë!”

Ani Ruci / Ajetë Beqiraj, DW

Mesazhi i Krishtlindjeve: Dashuri dhe respekt per tjetrin

25 dhjetor 2007, Dojçe Welle. Mbrëmë në mesnatë në Kishën Katolike të Shën Palit në Tiranë dhe atë të Shën Ndout në Prishtinë u kremtua ceremonia e lindjes së Krishtit.

Në katedralen e Shën Palit në kryeqytet u mbajt ceremonia e kremtimit të lindjes së Krishtit. Arkipeshkvi i durrësit dhe Tiranës, imzot Rrok Mirdita mbajti meshën, ku morën pjesë qindra besimtarë katolikë, që u lutën për më shumë paqe e mirësi ndaj njëri-tjetrit. Dashuri dhe respekt për tjetrin është mesazhi edhe i Krishlindjeve nga hierarkët e besimtarëve të krishterë në Shqipëri. Imzot Rrok Midita, kreu i besimtarëve katolikë në Shqipëri, vlerëson mirëkuptimin dhe tolerancën shembullore mes besimeve të ndryshme fetare: „ Krishtlindjet janë një rast për te vlerësuar urtësinë e popullit tonë, që nuk i ka parë dalimet fetare si një arësye ndarjeje, por secili komunitet fetar ka ditur të respektojë ndjenjën fetare të komunitetit tjetër. Gjithë shqiptarët shohin tek kërkimi i sinqertë i Zotit, udhën e bashkimit miqësor dhe vëllazëror.”

Festime në Kosovë

Festa e Krishtilindjeve u shenua me manifestime të shumta edhe në Kosovë. Me këtë rast, Ipeshkvisë së Kosovës i erdhën urime të shumta nga personalitete të ndryshme vendore dhe ndërkombëtare. Ndersa, mbrëmë në mesnatë, në Kishën Katolike Shën Ndou në Prishtinë u mbajt mesha e Krishtlindjeve.

Ipeshkvi i Ipeshkvisë së Kosovës, Dodë Gjergji, ka përgëzuar të gjithë besimtarët, duke thënë se kjo është festa e pajtimit, solidaritetit dhe e paqes me Zotin: „Kershendellat mbi të gjitha është festa e paqes në mes të Zotit dhe njerëzimit. Kosova është në pritjen e fundit të Krishtlindjeve dhe të Vitit të Ri para hapit vendimtar të pavarësisë. Kjo e drejtë themelore dhe e shenjtë na takon edhe neve, andaj falënderojmë Zotin që gjatë kësaj kohe të Kërshëndellave, e tërë bota e qytetëruar e cila këtë begati e shijon që moti, përgatitet të na i njeh këtë të drejtë edhe neve”.

Presidenti i Kosovës, Fatmir Sejdiu, me rastin e Krishtlindjeve, i dërgoi Shenjtërisë së tij, Papa Benediktit të XVI-të një telegram urimi ne emrin e tij dhe të mbarë popullit të Kosovës, me lutjen që të vazhdojë përkushtimin për pavarësinë e Kosovës. Presidenti Sejdiu, i përgëzoi edhe besimtarët katolikë dhe të gjithë qytetarët e Kosovës me rastin e festës së Krishtlindjes. Urime të përzemërta presidenti iu shprehu edhe komandantëve dhe ushtarëve të KFOR-it, NATO-s, përfaqësuesve të UNMIK-ut dhe të OSBE-së, si dhe përfaqësive diplomatike në Prishtinë.

Ndërkohë nga shefi i Zyrës diplomatike të Britanisë, David Blunt, urimi vjen në shqip: „Tash nje vit kam thënë se ka ardhë koha që kaptina e errët në historinë e Kosovës të lihet prapa nesh. Dhe, kjo më së tepërmi vlen tani, në dhjetor 2007. Secili në Kosovë ka të drejtë të shikoje kah e ardhmja më e mirë. Miqtë tuaj në Britaninë e Madhe bashkë me partnerët tuaj kyç, dëshirojnë t´iu ndihmojne juve, popullin e Kosovës, që ta arrini këtë!”

Ani Ruci/Ajetë Beqiraj

Koalicioni qeverisës PDK-LDK

25 dhjetor 2007, Dojçe Vele, Institucionet e reja kosovare do të formohen brënda vitit 2007. Koalicioni i ri i cili do të udhëheq Kosovën në dyvjeçarin e ardhshem, është: PDK-LDK-Pakicat. Ndërsa, sot pasdite do të caktohen edhe zyrtarisht emrat e ministrave dhe të zyrtareve të tjerë të institucioneve.

Me formulen e re te koalicionit qeverisës, Partia Demoratike e Kosovës do të kete vendin e kryeministrit dhe atë te kryeparlamentarit, si dhe do të udhëheq me shtatë ministritë kryesore. Lidhja Demorkatike e Kosovës do të mbajë vendin e presidentit, një zëvendës kryeministër si dhe do të udhëheq me 5 ministri. Ndërkohe që me 3 ministri të tjera do të udhëheqin përfaqësues të pakicave.
 Partnerët e koalicionit me gjithsejt 86 vende në parlament,  kanë rënë në ujdi edhe për ndarjen e pushtetit. Ndërsa, me koalicionin e  ri, Aleanca Kosova e re, Aleanca për Ardhmërinë e Kosovës si dhe Lidhja Demorkatike e Dardanisë, do të përbëjnë opoziten e ardhshmne parlamentare të Kosovës.
Kuvendi I Kosovës është në pritje të vendimeve të partive politike për të thirrur seancën konstituive të përbërjes së re. Ndërkohe që, kryeministri në largim Agim Qeku, tashmë ka paralajmëruar formimin e një partie të re, siç është shprehur:”me një vision të ri për Kosovën e pavarur”. Ndërsa, kryesia e PDK-së, parti fituese e zhgjedhjeve të sivjeme, do të mblidhet sot pasdite për të caktuar zyrtarisht emrat e ministrave dhe të zyrtareve të tjerë të institucioneve.
Ajete Beqiraj, Dojce  Vele

Shkollë e re në Malishevë

17 dhjetor 2007, Dojçe Vele, Një objekt i vogël ishte shkolla në të cilën nxënësit e Tremeçinës zhvillonin mësimin në katër turne. Ajo ishte ndërtuar para luftës me vet kontribut të banorëve të këtij fshati, të cilët kishin ndarë kafshatën e gojës, për të ndërtuar një vatër diturie për fëmijët e tyre. Mirëpo, të hënën në këtë fshat u perurua objekt I ri shkollor me 12 dhoma mësimi.

 “Në Tremeçinë, ekzistonte një shkollë që nuk gëzonte kushtet për mësime. Që sot, nxënësit tonë do të mësojnë në kushte të shteteteve perëndimore”-tha me rastin e perurimit, Ragip Begaj, nënkryetar I Kuvendit Komunal të Malishevës, e cila për ndërtimin e objektit të ri shkollor pat ndarë 100 mijë euro. Ndërkohë që një donacion prej 100 mijë eurosh erdhi nga ana e KFOR-it gjerman, me bazë në Prizren.
“Ne do të vazhdojmë me projektet civilo-ushtarake, që t´iu ndihmojmë qytetarëve të Kosovës në përmirësimin e kushteve për jetesë”-premtoi komandanti I Brigadës Shumëkombëshe-Jug, gjenerali Ugur Tarçin, me rastin e perurimit të shkollës fillore të Tremeçinës, ku do të mësojnë 300 nxënës.

Ajete Beqiraj, Dojce Vele

Rrebelim i serbve në Gorazhdevc

7 dhjetor 2007, Dojçe Vele, Serbet e fshatit Gorazhdevc, fshat shumëtnik, shtatë kilometra larg nga Peja duhej të ishin nikoqirët e dy mysafirëve më të lartë të paqes, në Kosovë, Komandantit të KFOR-it Havier de Marnahc dhe kryeadministratorit, Joachim Ryker. Por, pas vizitës në Osojan, fshat i banuar me serb i komunës së Istogut, në Gorazhdevc, krejt papritur ndryshoi rrjedha e ngjarjes; shpërtheu rrahje masive!

Në vend të mirëseardhjes, u dëgjuan britma, si: “Kjo është Serbi nuk është Shqipëri!”,etj. Dhe, sikur kjo te mos mjaftonte, serbi në fjalë fillon edhe të grushtojë. Ushtarët e KFOR-it dhe truprojat e tjera të sigurisë iu përgjigj atij dhe të dhjetëra serbve që filluan të masovizonin përleshjen. Por, dhunës e cila mund të eskalonte nuk i janë përgjigjur edhe policët e Shërbimit Policor të Kosovës, të cilët u mbyllen në ambientet e veta. Një autobus i KFOR-it po mblidhte gazetarët zyrtarë dhe persona të tjerë zyrtarë mes tensionit që po rritej në fshat, përderisa një minibus po bartte per në spital serbët e përgjakur. Kësaj stuhie nuk i shpëtuan as gazetarët që po përcillnin ngjarjen me kamera, në mes të të cilëve kishte edhe gazetarë nga mediat serbe.
 Gorazhdevc:Perleshje e serbve lokal
Përleshja shpërtheu në kohën kur gjenerali francez Marnhac dhe kryeadministratori Ryker, po bisedonin në zyrën e njësisë komunale të Pejës në Gorazhdec. Të dy figurat e administratës botërore në Kosovë, u gjetën papritur në mes të tollovisë dhe të mbrojtur nga forcat e sigurimit, u futen në makina duke lëshuar fshatin me shpejtësi, për t´ u larguar prej aty me helikopterë. Prapa tyre dëgjoheshin britma të serbve, të llojit, si: Të gjitha këto do t´i paguajë dikush!”
Policia Rajonale e Pejës konfirmoi ngjarjen vetëm dy orë pas saj pa   dhënë hollësi të tjera, duke përshkruar ngjarjen vetëm si prishjetë rendit dhe të qetësisë publike nga serbët lokal. Zëdhënësi i Komandës Rajonale të SHPK-së, në Pejë, Avni Xhevukaj tha se do të dalin me të dhëna zyrtare pasi që policia të përfundoje intervisten me serbët e Gorazhdecit.

Ajete Beqiraj,Dojce Vele