Date Archives March 2007

KFOR-i vazhdon misionin me forca të pandryshueshme

30 mars 2007, Dojçe Velle-Komandanti i përgjithshëm i forcës ndërkombëtare në Kosovë, gjenerali gjerman Roland Kather, pohon se KFOR-i do të qëndrojë me mision dhe forca të pandryshueshme edhe për gjashtë muajt e ardhshëm.



KFOR-i, forcë ndërkombtare e udhëhequr nga NATO-ja, përgjegjëse për vendosjen dhe mbajtjen e sigurisë në Kosovë, filloi misionin dy ditë pas miratimit të rezolutës 12/44 të Këshillit të Sigurimit të OKB-së, me 12 qershor te vitit 1999. Komandanti i KFOR-it në Kosovë, gjenerali Roland Kather flet për planet pas miratimit të rezolutës së re për Kosovën.

„Pas miratimit të rezolutës së re, do të jetë një përiudhë tranzitore prej 120 ditësh. Këshilli i NATO-s ka vendosur që NATO-ja të rri me një mandat, forcë, mision dhe me një organizim të njëjtë edhe për gjashtë muajt e ardhshëm. Pra, nuk do të ketë asnjë ndryshim brenda vitit 2007. Diku, në fund të 2008-tës, do të shohim, varësisht nga situata në Kosove. Por, unë personalisht mendoj se do të qëndrojmë një kohë të
gjatë që të kujdesemi për sigurinë tuaj“.

„Nuk kemi nevojë për një perforcim, ngase situata e sigurisë në Kosovë është e kënaqshme. Në rast të përkeqësimit ne bashkë me SHPK-në jemi të gatshëm që
të reagojmë në kohë dhe në mënyrë të duhur“-deklaroi të enjten në Prizren, gjenerali gjerman Erich Pfeffer, duke pohuar se stacionimi i bataljonit shtesë prej 600
ushtarëve gjermanë, në Kosovë, është bërë vetëm me qëllim të trajnimit të përbashkët me ushtarët e tjerë të shteteve anëtare të NATO-s.

“Këta nuk do të veprojnë në zonën e përgjegjësisë së Dërgatës Ushtarake-Jug, siç ishte e planifikuar. Këto forca rezervë, qëllimi I ardhjes së të cilave është trajnimi I përbashkët me ushtarët e vendeve të tjera anëtare të NATO-s, ndërkohë janë të përqëndruara në lindje“-thotë komandanti i Dërgatës Ushtarake Shumëkombëshe-Jug, me seli në Prizren, gjenerali Pfeffer në konferencën e parë për media, që nga marrja e komandës mbi këtë forcë shumëkombëshe. Ai, me këtë rast mohoi se zëvendësimi i parakohshëm I parardhësit të tij (I pari kësisoji që nga vendosja e trupave gjermane në Kosovë), të ketë lidhje me zhvillimet aktuale politike. Ndërkohë, ai vuri në pah se komandanti I ardhshëm i Dërgatës Ushtarake-Jug, në krye të së cilës ishin vetëm gjeneralë të Bundesverit, për herë të parë do të jetë një gjeneral turk.

Shkrimet e disa mediave për përtëritjen e kampeve në Maqedoni për serbët të cilët pas shpalljes së pavarësisë pritet të lëshojnë vatrat e veta, i quajti spekulime dhe të pabazë. Pohimet e disa mediave gjermane se në Kosove deri me tani janë lënduar me shumë se njëmijë ushtarë, i cilësoi „statistika joreale“. Shpërthimet nëpër Kosovë, përfshirë këtu edhe shpërthimin në Lagjen e Boshnjakëve në Mitrovicë, gjenerali i quajti akte kriminale të cilat KFOR-i së bashku me SHPK-në do t’i ndalojë.

Gjenerali i vlerësoi si joreale deklaratat e disa krerëve serb për një luftë në Kosovë, përderisa pyetjes nëse Serbia paraqet rrezik ushtarak për Kosovën, ushtaraku i lartë gjerman ka thënë se kjo mundësi nuk është reale dhe Serbia nuk paraqet asfarë rreziku për Kosovën.

Ne po negociojmë një proces normal demokratik dhe KFOR-I do ta kryej misionin e tij, drejt dhe paanshmërisht, pa marrë parasysh etninë, besimin, ngjyrën dhe gjininë-deklaroi komandanti I KFOR-it, gjenerali Roland Kather të martën në Deçan. “Por,
atyre pak njerëzve që mendojnë se dhuna do të sjell tek zgjidhja e qështjeve me shpejt se toleranca dhe proceset demokratike, do t’u thosha: Kjo nuk është rruga! Sepse, në raste të tilla, KFOR-i do të reagojë shpejt, ashpër dhe me vendosmëri. Dhe, kjo duhet të jetë e qartë për secilin“!

Ajetë Beqiraj

Kater-KFOR-i do të qëndrojë në Kosovë me forca të pandryshuara

29 mars 2007, Dojçe Vele, Komandanti I përgjithshëm I Forcës Ndërkombtare në Kosovë, gjenerali gjerman Roland Kather, pohon se KFOR-I do të qëndrojë me mision dhe forca të pandryshueshme edhe për gjashtë muajt e ardhshëm. Ndërkohë, gjenerali Erik Pfeiffer, komandant i Dërgatës Ushtarake Shumëkombëshe-Jug, me seli në Prizren, deklaroi të ejten se masat shtesë dhe gatishmëria ushtarake në Kosovë janë të panevojshme, meqë nuk ka ndonjë mundësi reale që Serbia mund të paraqes rrezik për Kosovën.

KFOR-i, forcë nderkombtare e udhëhequr nga NATO-ja, përgjegjëse për vendosjen dhe mbajtjen e sigurisë në Kosovë,  filloi misionin dy ditë pas miratimit të rezolutës 12/44 të Këshillit të Sigurimit të OKB-së, me 12 qershor te vitit ‘99. Komandanti i KFOR-it në Kosovë, gjenerali Roland Kather flet për planet pas miratimit të rezolutës së re për Kosovën.

„Pas miratimit të rezolutës së re, do të jetë një përiudhë tranzitore prej 120 ditësh. Këshilli I NATO-s ka vendosur që NATO-ja të rri me një mandat, forcë, mision dhe me një organizim të njëjtë edhe për gjashtë muajt e ardhshëm. Pra, nuk do të ketë asnjë ndryshim brënda vitit 2007. Diku, në fund të 2008-tës, do të shohim, varësisht nga situata në Kosove. Por, unë personalisht mendoj se do të qendrojmë një kohë të gjatë që të kujdesemi për sigurinë tuaj“.
„Nuk kemi nevojë për një perforcim, ngase situata e sigurisë në Kosovë është e kënaqshme. Në rast të përkeqësimit ne bashkë me SHPK-në jemi të gatshëm që të reagojmë në kohë dhe në mënyrë të duhur“-deklaroi të ejten në Prizren, gjenerali gjerman Erich Pfeffer, duke pohuar se stacionimi i bataljonit shtesë prej 600 ushtarëve gjerman, në Kosovë, është bërë vetëm me qëllim të trajnimit të përbashkët me ushtarët e tjerë të shteteve anëtare të NATO-s. 
“Këta nuk do të veprojnë në zonën e përgjegjësisë së Dërgatës Ushtarake-Jug, siç ishte e planifikuar. Këto forca rezervë, qëllimi I ardhjes së të cilave është trajnimi I përbashkët me ushtarët e vendeve të tjera anëtare të NATO-s, ndërkohë janë të përqëndruara në lindje“-thotë komandanti i Dergatës Ushtarake Shumëkombëshe-Jug, me seli në Prizren, gjenerali Pfeffer në konferencën e parë për media, që nga marrja e komandës mbi këtë forcë shumëkombëshe. Ai, me këtë rast mohoi se zëvendësimi i parakohshëm I parardhësit të tij(I pari kësisoji që nga vendosja e trupave gjermane në Kosovë), të ketë lidhje me zhvillimet aktuale politike. Ndërkohë, ai vuri në pah se komandanti I ardhshëm i Dërgatës Ushtarake-Jug, në krye të së cilës ishin vetëm gjeneralë të Bundesverit, për herë të parë do të jetë një gjeneral turk. Shkrimet e disa mediave për përtëritjen e kampeve në Maqedoni për serbët të cilët pas shpalljes së pavarësisë pritet të lëshojnë vatrat e veta, i quajti spekulime dhe të pabazë. Pohimet e disa mediave gjermane se në Kosove deri me tani janë lënduar me shumë se njëmijë ushtarë, i cilësoi „statistika joreale“. Shpërthimet nëpër Kosovë, përfshirë këtu edhe shpërthimin në Lagjen e Boshnjakëve në Mitrovicë, gjenerali i quajti akte kriminale të cilat KFOR-i së bashku me SHPK-në do t’i ndalojë. Gjenerali i vlerësoi si joreale deklaratat e disa krerëve serb për një luftë në Kosovë, përderisa pyetjes nëse Serbia paraqet rrezik ushtarak për Kosovën, ushtaraku i lartë gjerman ka thënë se kjo mundësi nuk është reale dhe Serbia nuk paraqet asfarë rreziku për Kosovën.
Ne po negociojmë një proces normal demokratik dhe KFOR-I do ta kryej misionin e tij, drejt dhe paanshmërisht, pa marrë parasysh etninë, besimin, ngjyrën dhe gjininë-deklaroi komandanti I KFOR-it, gjenerali Roland Kather të martën në Deçan. “Por, atyre pak njerëzve që mendojnë se dhuna do të sjell tek zgjidhja e qështjeve me shpejt se toleranca dhe proceset demokratike, do t’u thosha: Kjo nuk është rruga! Sepse, në raste të tilla, KFOR-I do të reagojë shpejt, ashpër dhe me vendosmëri. Dhe, kjo duhet të jetë e qartë për secilin“!
Ajete Beqiraj,Dojce Vele

Kosovë: Sqarime me popullin

28 mars 2007, Dojçe Velle-Të martën, në Deçan u mbajt debat publik me qytetarët. Me problemet e komunitetit u përballën kryeadministratori i Kosovës, Joachim Ryker, komandanti i KFOR-it Roland Kather, zëvendëskryeministri, Lutfi Haziri dhe Ministri i Ambientit dhe Planifikimit Hapsinor të Kosoves, Ardian Gjini.




Të hënën, Sekretari i Përgjithshëm i OKB-së, Ban Ki Mun, ka mbështetur plotësisht propozimin e kryenegociatorit Marti Ahtisari për statusin e Kosovës, i cili dokument javën e ardhshme pritet të prezantohet tek shtetet anëtare të Këshillit të Sigurimit. Kjo ditë në debatin e mbajtur në Deçan u vlerësua si ditë historike për Kosovën, nga
autoritetet vendore e ndërkombtare. 

“Kush do të thoshte se do të vinim kaq larg? Mendoj se edhe Grupi i Unitetit ka merita të mëdha për punën e madhe gjatë negociatave dhe të gjithë ata që ishin të përfshirë, kanë punuar me kujdes dhe mencuri “- thotë kryeadministratori i Kosovës, Joachim Ryker. 

Në prezencën shumë qytetarëve të kësaj komune, ndër të cilët ishin edhe përfaqësues të Manastirit të Deçanit, komandanti I KFOR-it, Roland Kather tha se edhe NATO dhe KFOR-I e përkrahin propozimin e Marti Ahtisarit dhe se do të qëndrojnë në Kosovë derisa Kosova të ketë nevojë. 

“Propozimi Ahtisarit përfaqëson interesat e të gjthë qytetarëve të Kosovës dhe pikërisht për këtë edhe NATO-ja dhe KFOR-i do ta mbështesin këtë dokument 
plotësisht. Ne jemi këtu për të gjitha etnitë dhe këtë po e bëjmë miqësisht, sepse ju këtë e meritoni. Më shumë se 90 per qind prej jush janë të bindur se në Kosovë kurrë më s`do të ketë dhunë. Koha e dhunës ka kaluar dhe prandaj kemi propozimin e Ahtisarit”-tha gjenerali Kater. 

Sikur se në debatet e mëparshme, edhe kësaj radhe u shpreh shqetësimi i deçanasve për Zonën e Veçantë. Njëri ndër ta është edhe Selim Lokaj, i cili shtron pyetje përfaqësuesit të Manastirit të Decanit, atit Sava Janjiç, i ulur në radhën e qytetarëve: “A ma e fuqishme është mbrojtja e Manastirit të Deçanit apo nga këto ligje që dalin nga Pakoja e Ahtsarit?” 

Por, përgjigje merr nga kryetari i Kuvendit Komunal të Deçanit, Nazmi Selmanaj: 
“Nuk ka delegacion i huaj që ka ardhë në Manastirin e Deçanit dhe që përfaqësuesit e tij të mos e kenë pranuar këtë fakt. Dhe është shumë mirë që thonë të vërteten!” 

Zona e veçantë e shpallur me anë të një aktvendimi nga ish kreyadministratori i Kosovës, Soren Jesen Petersen, në prill të vitit 2005, e futur komplet në Pakon e Ahtisarit, përfshine 800 hektarë, pa përjashtuar as pronat private. Ky qytetar e krahason aktvendimin 2005/5 me një dokument tjetër: 

“Unë kam përpara një elaborat të punuar nga Instituti për Mbrojtjen e Monumenteve Kulturore të Serbisë, ku thuhet se territori mbrojtës i Manastirit të Deçanit është 103 hektar. Ndërsa, nga Pakoja e Ahtisarit del 800 deri në 8000, apo deri ku mundesh me u ndal?” 

Zëvendësminsitri i Kosovës, Lutfi Haziri thotë se Zonat e Interesit të Veçantë nuk kanë të bëjnë asgjë me eksterritorialitet. 

“Eksterritorialitet do të kenë vetëm ambasadat në Prishtinë, mbi parimin e Konventës së Vienës për mbrojtjen dhe të drejtat që kanë shtetet. Reciprokisht, të njëjtën duhet të na njohin edhe ne, Kosovës. Por, asnjë ekstra zonë, besoni! Këto janë fjalë që dëshmohen brënda pak kohe. Brezovica, me ligj të Kosovës është park i mbrojtur, ku s`guxon askush të punojë pa koordinim të aktiviteteve me komunën e Prizrenit dhe të Shterpcës.” 

Përderisa, kryeadministratori i Kosovës, Joachim Ryker, siguron se ideja se në Zonat e Mbrojtura në Pakon e Ahtisarit mund të jenë ekstra territore, është keqkuptuar. Ai sjell sqarime për qytetarët: 

“Shfrytëzimi i pronës kufizohet dhe respektohet si çdokund në botë. Veçanërisht kur flasim për Manastirin e Deçanit dhe pyjet e mrekullueshme përreth, është diçka që duhet ruajtur në mënyrë që gjeneratat e ardhshme të jenë në gjëndje të presin vizitorët, sepse kjo është pasuri botërore e mbrojtur nga UNESKO. Dhe, ajo që është në Pakon e Ahtsarit për Zonën e Veçantë këtu paraqet një interes të madh për komunën e Deçanit”.

Ajetë Beqiraj

Kujtohet tetë vjetori i fillimit të fushatës së NATO- kundër Serbisë

25 mars 2007, Dojçe Vele, “Kemi provuar me muaj të tërë, apo me vite që të gjejmë një zgjidhje politike për këto kriza. Dhe, vetëm kur këto përpjekje kanë dështuar, sepse Milloshivici nuk e pranoi ndonjë, ne vendosëm të përdorim forcën”-kështu pat deklaruar Havier Solana, sekratari athershëm i Aleancës Veriatlantike, pak kohë pas fillimit të bombardimit të forcave të NATO-s mbi caqet serbe në Kosove, vendim i cili erdhi si pasojë e refuzimit të Beogradit për nënshkrimin e marrëveshjes së hartuar nga komuniteti ndërkombëtarë në Konferencën e Rambujesë.

Me 24 mars të vitit 1999, kur Aleanca Euroatlantike filloi bombardimet, forcat policore e paramilitare serbe filluan fushatën sistematike kundër popullatës civile, duke vrarë qindra njerëz e duke dëbuar mijëra të tjerë nga vatrat e veta.
 “Në njëfarë mënyre e denim se dicka do të ndodhte, ngase gezimi ish shumë I madh për të qenë realitet. Si pasojë, ata bënë masakra në popullatën shqiptare, bënë dëbimin e saj se donin të linin etnikisht, një Kosovë etnikisht me serb. Unë, gjatë bombardimeve të NATO-s, kam qënë në Shqipëri. Okupatori serb na pat dabuar me dhunë dhe skishim rrugëdalje tjetër veç me shku në Shqipëri dhe Maqedoni”-thote Fatmir Nimani, nga Peja.
“Ndërhyrjen e NATO-s, e kam përjetu si një si një shpëtim prej paramilitarëve me maska e me thika. Prisnim shpëtim prej dikujt!”-rrefen Atifete Papuqi, një tjetër e përndjekur.
Pas 78 ditësh bombardimesh të NATO-s me qëllim të shmangjes se katastrofës humanitare, forcat serbe nënshkruajnë kapitullimin.
 “Pikërisht me atë intervenim 78 ditësh, iu dha shancë jetes, lirise, investimit në të ardhmen për demokracinë e përgjithshme në Kosovën e re”-thotë sot, presidenti i Kosovës, Fatmir Sejdiu. Atëbotë, kampet e Maqedonisë, Shqipërisë dhe Malit të Zi, u zbrazen përnjëherësh. Kolonat e të përndjekurve kosovare iu kthyen vatrave të rrënuara. Lufta gati dyvjeçare mori  fund dhe në qershor të vitit 1999, Kosova vëhet nën administrimin e Kombeve të Bashkuara.
Në Kosovë, kremtimi i këtij përvjetori vazhdoi edhe sivjet, me homazhe pranë varreve të dëshmorëve dhe me vizita pjesëtarëve të KFOR-it, dy faktorë kryesorë për fillimin dhe fundin e luftës për liri dhe demokraci në Kosovë. Përfaqësues të institutcioneve kosovare dhe të partive politike, këtë datë e quajtën si fillim të një etape të re për Kosovën. Përderisa presidenti i Kosovës Fatmir Sejdiu, në mesazhin e tij theks të veçantë vë në rolin e presidentit historic, Ibrahim Rugovës dhe në vizionin e tij të qartë politik.
 “Ai kishte hetuar se çka mund të ndodh dhe çfarë planifikohej për Kosovën. Prandaj, ai donte që në Kosovë ta kishim një ndërhyrje e cila do të pengonte planet ogurzeza për zhbërjen e qënies sonë. Ata erdhën dhe janë bashkë me ne, në këto procese të mëdha të ndërtimit të Kosovës”.
 Tetë vjet pas fillimit të bombardimeve të NATO-s mbi caqet e forcave serbe në Kosovë dhe falë angazhimeve të gjithanshme të strukturave vendore e ndërkombtare, propozimi I  kreynegociatorit ndërkombtar, Marti Ahtisaari, për një pavarësi të mbikëqyrur për Kosovën është në duart e Këshillit të Sigurimit të OKB-së. Ndërkohë që, mbi 17 mijë trupa të udhëhequra nga NATO-ja kujdesen për sigurinë e popullit të Kosovës.
Ajete Beqiraj,Dojce vele

Rucker: “Serbët dhe shqiptarët do të pajtohen një ditë”

24 mars 2007,Dojçe Velle – Krerë të qeverisë vendore dhe të administratës ndërkombtare, vizitojnë komunat e Kosovës për të njoftuar qytetarët për së afërmi me përmbajtjen e Pakos së Ahtisarit, e konsideruar si zgjidhja e vetme e cila garanton stabilitet në rajon.



Kryeadministratori I Kosovës, Joachim Rucker, në një takim me qytetarët e Klinës, këte rrugëtim të përbashkët e quajti ngjitje në një maje mali. 

“Zakonisht, kur flas për statusin e Kosovës dhe për zhvillimet e deritanishme, më pëlqen metafora se ne po ngjitemi në një majë mali ku secili hap është i rëndësishëm dhe ne duhet të kemi kujdes ku vëmë këmbën. Herë-herë bie mjegulla dhe situata 
vështirësohet, por asnjëherë nuk është e pashpresë, sepse maja mbetet atje”. 

Kosova do të jetë një shtet demokratik për të gjithë qytetarët e vet-deklaroi presidenti I Kosovës, Fatmir Sejdiu, para qytetarëve të Pilot njësisë komunale të Junikut, në javën e kaluar, duke vënë fokusin në një dokument shtesë të Propozimit të Ahtisarit: 

“Një element shumë I rëndësishëm është se, Ahtisari do të bashkangjisë një prozpm rekomandimesh politike, në të cilin në mënyrë të drejtpërdrejt do të japë edhe 
formulën për Kosovën e ardhshme”. 

Një shqetësim i shprehur në të gjitha debatet me qytetarë rreth Pakos se Ahtsisarit, është çështja e qytetit të Mitrovicës dhe Zonat e Mbrojtura rreth kishave ortodokse, të cilat murin ndarës në mes të shqiptarëve dhe serbve duket se e bëjnë të 
pakapërcyeshëm. Në debatin me qytetarët e Klines, ku ishin prezent kryeadminsitratori Rucker, kryparlamentari Kolë Berisha si dhe ministri për kthim 
pranë qeverisë se Kosovës, Branisllav Grbiç, klinasi Sefer Gashi sjell sipas tij, dy kushte bazë për krijimin e një Kosove të re dhe stabile: 

” Ne falim kur na kërkohet falje. Asnjë serb nuk ka kërkuar falje!…Serbët nuk e kanë pranuar krimin nëë dhe sot jetojnë me ne dhe nuk na pengojnë aspak! Dhe tjetra, ne nuk i kemi dhënë besë Albin Kurtit, Hashim Thaçit, Ramush Haradinajt as dikujt tjetër që do të vdesim për ta. Ne do të vdesim për pavarësinë e Kosovës se ky popull e do bashkimin me familjen evropiane!” 

Kryeadministratori I Kosovës, Joachim Rucker, është i bindur se pajtimi mes këtyre dy kombeve do të ndodhë një ditë, siç ka ndodhur me kombe të tjera në botë. 

“Mendoj se pajtimi individual mund të vie në një periudhë të arsyeshme, ndërsa pajtimi mes kombesh është më I gjatë dhe më I vështirë. Ka ndodhur në vende të tjera dhe e njëjta do të ndodh edhe në mes Kosovës dhe Serbisë”. 

Ministri për Kthim, Branislav Grbiç:”Absolutisht, për tu zgjdhur një problem duhet të 
ndërtohet një klimë mirëbesimi. E di se ka pasur ngjarje të hidhura. Por, të gjthë jemi viktima të kësaj dhe që të gjithë dëshirojmë një zgjidhje, ku do të gëzonim të drejtën ligjore”. 

Megjithëse propozimi I Ahtisarit nuk sjell gjithë atë që synonte populli i Kosovës, ky është hapi i parë që i siguron të ardhmen e saj-u tha të premten, në Istog, në një tryezë informuese mbi përmbajtjen e Pakos së Ahtisarit, ku ishin të pranishëm, zëvendësshefi i Zyrës Amerikane, Alex Laskaris dhe deputetja e Parlamentit të Kosovës, Xhylnaze Syla,. 

Po të premten, presidenti I Kosovës, Fatmir Sejdiu, me tu kthyer prej vizitës disaditore në SHBA, i shoqëruar nga shefi i Zyrës Ndërlidhëse të Gjermanisë në Prishtinë, Eugen Wollfart dhe ai i Zyrës së Francës, Tieri Rejnar, vizitoi komunën e Prizrenit. 

“Delegacioni i Kosovës e pranon këtë dokument dhe ky qëndrim është i mbështetur nga Kuvendi i Kosoves”-tha me këtë rast, presidenti Sejdiu. 

Dhe kjo nuk ishte e lehtë, thote kryeparlamentari Kolë Berisha, para qytetarëve të Klinës.” Por, u bë e mundur falë dy faktorëve kryesor: synimit sontë të 
qartë dhe mbështetjes së qytetarëve të Kosovës.” 

Përkundër faktit se as pas 14 muajsh bisedimesh në Vjenë, në mes të Prishtinës dhe Beogradit nuk është arritur asnjë kompromis, trajtimi i çështjeve të veçanta brenda kësaj kohe është përmbledhur në pakon përfundimtare të Ahtisarit, për t’iu dorëzuar 
Këshillit të Sigurimit të Organizates se Kombeve te Bashkuara. 

Kryeadministratori i Kosovës Joachim Rucker, kthehet prapa në kohë: “Nëse mendojmë se ku ishim para një viti apo dy, do të shohim progresin. Nuk mund të arrimë majat përnjëherësh, por duhet të shkojmë hap pas hapi. Tashmë kemi dritën e gjelbër nga Bashkimi Evropian, që Marti Ahtisari të vazhdojë me hapa të mëtutjeshëm”. 

Shefi i Administratës së Përkohshme të Kombeve të Bashkuara në Kosovë, të martën pritet ta vizitojë Deçanin. 


Ajetë Beqiraj

Rucker: Serbët dhe shqiptarët do të pajtohen një ditë

24 mars 2007, Dojçe Vele, Krerë të qeverisë vendore dhe të administratës ndërkombtare, vizitojnë komunat e Kosovës për të njoftuar qytetarët për së afërmi me përmbajtjen e Pakos së Ahtisarit, e konsideruar si zgjidhja e vetme e cila garanton stabilitet në rajon.

Krerët fetarë gjatë debatit të kryeadministratorit me qytetarë
Kryeadministratori I Kosovës, Joachim Rucker, në një takim me qytetarët e Klinës, këte rrugëtim të përbashkët e quajti ngjitje në një maje mali.
 “Zakonisht, kur flas për statusin e Kosovës dhe për zhvillimet e deritanishme, më pëlqen metafora se ne po ngjitemi në një majë mali ku secili hap është i rëndësishëm dhe ne duhet të kemi kujdes ku vëmë këmbën. Herë-herë bie mjegulla dhe situata vështirësohet, por asnjëherë nuk është e pashpresë, sepse maja mbetet atje”.
Kosova do të jetë një shtet demokratik për të gjithë qytetarët e vet-deklaroi presidenti I Kosovës, Fatmir Sejdiu,  para qytetarëve të Pilot njësisë komunale të Junikut, në javën e kaluar, duke vënë fokusin në një dokument shtesë të Propozimit të Ahtisarit:
     “Një element shumë I rëndësishëm është se,  Ahtisari   do të  bashkangjisë një propozim rekomandimesh politike,       në të cilin në mënyrë të drejtpërdrejt do të japë edhe formulën për Kosovën e ardhshme”.
 Një shqetësim i shprehur në të gjitha debatet me qytetarë rreth Pakos se Ahtsisarit, është çështja e qytetit të Mitrovicës dhe Zonat e Mbrojtura rreth kishave ortodokse, të cilat murin ndarës në mes të shqiptarëve dhe serbve duket se e bëjnë të pakapërcyeshëm. 
Në debatin me qytetarët e Klines, ku ishin prezent kryeadminsitratori Rucker, kryparlamentari Kolë  Berisha si dhe ministri për kthim nw qeverinë e Kosovës, Branisllav Grbiç,  klinasi Sefer Gashi sjell sipas tij, dy kushte bazë për krijimin e një Kosove të re dhe stabile.
” Ne falim kur na kërkohet falje. Asnjë serb nuk ka kërkuar falje!…Serbët nuk e kanë pranuar krimin  dhe sot jetojnë me ne dhe nuk na pengojnë aspak! Dhe tjetra, ne nuk i kemi dhënë besë Albin Kurtit, Hashim Thaçit, Ramush Haradinajt as dikujt tjetër që do të vdesim për ta. Ne do të vdesim për pavarësinë e Kosovës se ky popull e do  bashkimin me familjen evropiane!” Kryeadministratori I Kosovës, Joachim Rucker, është i bindur se pajtimi mes këtyre dy kombeve do të ndodhë një ditë, siç ka ndodhur me kombe të tjera në botë.
“Mendoj se pajtimi individual mund të vie në një periudhë të arsyeshme, ndërsa pajtimi mes kombesh është më I gjatë dhe më I vështirë. Ka ndodhur në vende të tjera dhe e njëjta do të ndodh edhe në mes Kosovës dhe Serbisë”.
Ministri për Kthim, Branislav Grbiç:”Absolutisht, për tu zgjdhur një problem duhet të ndërtohet një klimë mirëbesimi. E di se ka pasur ngjarje të hidhura. Por, të gjthë jemi viktima të kësaj dhe që të gjithë dëshirojmë një zgjidhje, ku do të gëzonim të drejtën ligjore”.
Megjithëse propozimi I Ahtisarit nuk sjell gjithë atë që synonte populli i Kosovës, ky është hapi i parë që i siguron të ardhmen e saj-u tha të premten, në Istog, në një tryezë informuese mbi përmbajtjen e Pakos së Ahtisarit, ku ishin të pranishëm, zëvendësshefi i Zyrës Amerikane, Alex Laskaris dhe deputetja e Parlamentit të Kosovës, Xhylnaze Syla. Po të premten, presidenti I Kosovës, Fatmir Sejdiu, me tu kthyer prej vizitës disaditore në SHBA, i shoqëruar nga shefi i Zyrës Ndërlidhëse të Gjermanisë në Prishtinë, Eugen Wollfart dhe ai i Zyrës së Francës, Tieri Rejnar, vizitoi komunën e Prizrenit.
“Delegacioni i Kosovës e pranon këtë dokument dhe ky qëndrim është i mbështetur nga Kuvendi i Kosoves”-tha me këtë rast, presidenti Sejdiu.
“Dhe kjo nuk ishte e lehtë, thote kryeparlamentari Kolë Berisha, para qytetarëve të Klinës. Por, u bë e mundur falë dy faktorëve kryesor: synimit sontë të qartë dhe mbështetjes së qytetarëve të Kosovës.”
 Përkundër faktit se as pas 14 muajsh bisedimesh në Vjenë, në mes të Prishtinës dhe Beogradit nuk është arritur asnjë kompromis, trajtimi i çështjeve të veçanta brenda kësaj kohe është përmbledhur në pakon përfundimtare të Ahtisarit, për t’iu dorëzuar Këshillit të Sigurimit të Organizates se Kombeve te Bashkuara.    Kryeadministratori i Kosovës Joachim Rucker, kthehet prapa në kohë: “Nëse mendojmë se ku ishim para një viti apo dy, do të shohim progresin. Nuk mund të arrimë majat përnjëherësh, por duhet të shkojmë hap pas hapi. Tashmë kemi dritën e gjelbër nga Bashkimi Evropian, që Marti Ahtisari të vazhdojë me hapa të mëtutjeshëm”.   Shefi i Administratës së Përkohshme të Kombeve të Bashkuara në Kosovë, të martën pritet ta vizitojë Deçanin.  
Ajete Beqiraj,Dojce Vele & Radio Kosova

Parregullsi në zgjedhjen e operatorit të telefonisë mobile në Kosovë?

23 mars 2007- Dojçe Velle, Opozita ngre dyshime për parregullsi me rastin e përzgjedhjes së operatorit të dytë të telefonisë mobile në Kosovë. Pozita i vlerësoi këto dyshime si të pabaza.

Deputetë, kryesisht të opozitës, akuzuan qeverinë e Kosovës dhe Autoritetin Rregullativ të Telekomunikacionit të Kosovës, për keqpërdorim dhe shtrembërim të procedures së përzgjedhjes së operatorit të dytë të telefonisë mobile në Kosovë.

Ndërkohë, anëtarë të Organizatës Joqeveritare „Çohu“, kanë protestuar para ndërtesës së Kuvendit të Kosovës. Fokusi i kësaj organizate kundër-korrupsion, kësaj radhe është kthyer kah lidershipi institucional dhe politik i Kosovës.

Kreu i kësaj organizate, Avni Zogjani: „Ne kemi mjaft argumente se ata janë të korruptuar në këtë rast. Shkeljet janë evdiente, të vërtetuara dhe të njohura për publikun kosovar. Këto fakte i ka gjykata supreme e Kosovës, dhe Kosovës I kërcënohet 100 milionë euro dënim nga Mobil com i Austrisë. Ka bërë padinë!

Kryeministri Agim Çeku, i quajti të pabaza akuzat në adresë të qeverisë gjatë procesit të tenderimit. Ai tha se nuk ekziston provë e cila do të dëshmonte
akuzat e ngritura, përveç thashethemeve, duke ftuar organet kompetente për të hetuar dyshimet rreth këtij procesi.

„Unë, në çdo moment jam i gatshëm t’jap llogari para këtij parlamenti para qytetarëve për rolin e qeverisë dhe të jap përgjegjesinë, por në bazë të fakteve të gjetura nga organet kompetente e jo nga shoqatat joqeveritare apo njerëzit e pakënaqur“.

Kreu i Autoritetit Rregullativ të Telekomunikacionit të Kosovës, Anton Berisha, i hodhi poshtë akuzat e tilla duke thënë se përzgjedhja e operatorit të telefonisë, është bërë me procedura të rregullta ligjore, në mënyrë objektive, profesionale dhe konform
praktikave të mira ndërkombëtare.

„Konsideroj se përpjekja e përsonalizimit të këtij procesi në kontekstin negativ është e pashembullt në praktikat e vendeve evropiane dhe nga dokumentacioni që ekziston, është absolutisht i pambështetur në fakte“.

Që procesi ka qënë transparent dhe i pa ndikime, deklaroi edhe Joachim rucker, shef i Unmiku-t, zyrtarë të të cilit ishin në përbërje të komisionit përzgjedhës.

Shefat e grupeve parlamentare në Kuvendin e Kosovës kanë shfaqur mendime të ndryshme. Alush Gashi, shefi i Grupit Parlamentar të Lidhjes Demokratike të Kosovës: „Ne nuk jemi në mbrojtje të ART-së, por njëkohësisht nuk i pranojmë akuzat ‚blanco’, të cilat jane akuza politike dhe si grup parlamentar, e mbështesim
vazhdimin e procedurave“.

Shefja e grupit parlamentar të Aleancës për Ardhmërinë e Kosovës, Gjylnaze Syla: „Projektin e zgjedhjes së operatorit të dytë të telefonisë e konsiderojmë të suksesshëm, se 75 milionë është shitur licenca dhe jo asetet“.

Perfaqësuesi i ORA-s Nazmi Jashari, kritikoi për mostransparencë gjatë procesit të tenderimit.„Tenderët hapen publikisht, jo prapa perdeve. Nuk ka transparencë ku nuk ka opinion publik“.

Procesin e tenderimit të operatorit të dytë të telefonisë mobile në Kosovë, e ka mbikëqyrur një kompani konsulente nga Suedia, e zgjedhur ne një tender të veçantë. Pas ofertës së kompanisë së parë prej 81 milion eurosh dhe dështimit që këtë shumë ta deponojë në Buxhetin e Kosovës brënda afatit të caktuar, ART-ja vendosi që si fitues të licencës të shpall ofertuesin e dytë, „Konzorciumin Telecom Sllovenia“ dhe „Ipko Net“, i cili ofroi 75 milionë euro.

Ajetë Beqiraj

Parregullsi në zgjedhjen e operatorit të telefonisë mobile?

23 mars 2007, Dojçe Vele, Opozita ngre dyshime për parregullsi me rastin e përzgjedhjes së operatorit të dytë të telefonisë mobile në Kosovë. Pozita i vlerësoi këto dyshime si të pabaza.

Deputetë, kryesisht të opozitës, akuzuan qeverinë e Kosovës dhe Autoritetin Rregullativ të Telekomunikacionit të Kosovës, për keqpërdorim dhe shtrembërim të procedures së përzgjedhjes së operatorit të dytë të telefonisë mobile në Kosovë.
Ndërkohë, anëtarë të Organizatës Joqeveritare „Çohu“, kanë protestuar para ndërtesës së Kuvendit të Kosovës. Fokusi i kësaj organizate kundër-korrupsion,  kësaj radhe është kthyer kah lidershipi institucional dhe politik i Kosovës.
Kreu i kësaj organizate, Avni Zogjani: „Ne kemi mjaft argumente se ata janë të korruptuar në këtë rast. Shkeljet janë evdiente, të vërtetuara dhe të njohura për publikun kosovar. Këto fakte i ka gjykata supreme e Kosovës, dhe Kosovës I kërcënohet 100 milionë euro dënim nga Mobil com i Austrisë. Ka bërë padinë!
Kryeministri Agim Çeku, i quajti të pabaza akuzat në adresë të qeverisë gjatë procesit të tenderimit. Ai tha se nuk ekziston provë e cila do të dëshmonte akuzat e ngritura, përveç thashethemeve, duke ftuar organet kompetente për të hetuar dyshimet rreth këtij procesi.
„Unë, në çdo moment jam i gatshëm t’jap llogari para këtij parlamenti para qytetarëve për rolin e qeverisë dhe të jap përgjegjesinë, por në bazë të fakteve të gjetura nga organet kompetente e jo nga shoqatat joqeveritare apo njerëzit e pakënaqur“.
Kreu i Autoritetit Rregullativ të Telekomunikacionit të Kosovës, Anton Berisha, i hodhi poshtë akuzat e tilla duke thënë se përzgjedhja e operatorit të telefonisë, është bërë me procedura të rregullta ligjore, në mënyrë objektive, profesionale dhe konform praktikave të mira ndërkombëtare.
„Konsideroj se përpjekja e përsonalizimit të këtij procesi në kontekstin negativ është e pashembullt në praktikat e vendeve evropiane dhe nga dokumentacioni që ekziston, është absolutisht i pambështetur në fakte“.
Që procesi ka qënë transparent dhe i pa ndikime, deklaroi edhe Joachim rucker, shef i Unmiku-t, zyrtarë të të cilit ishin në përbërje të komisionit përzgjedhës.
Shefat e grupeve parlamentare në Kuvendin e Kosovës kanë shfaqur mendime të ndryshme. Alush Gashi, shefi i Grupit Parlamentar të Lidhjes Demokratike të Kosovës: „Ne nuk jemi në mbrojtje të ART-së, por njëkohësisht nuk i pranojmë akuzat ‚blanco’, të cilat jane akuza politike dhe si grup parlamentar, e mbështesim vazhdimin e procedurave“.
Shefja e grupit parlamentar të Aleancës për Ardhmërinë e Kosovës, Gjylnaze Syla: „Projektin e zgjedhjes së operatorit të dytë të telefonisë e konsiderojmë të suksesshëm, se 75 milionë është shitur licenca dhe jo asetet“.
Perfaqësuesi i ORA-s Nazmi Jashari, kritikoi për mostransparencë gjatë procesit të tenderimit.„Tenderët hapen publikisht, jo prapa perdeve. Nuk ka transparencë ku nuk ka opinion publik“.
Procesin e tenderimit të operatorit të dytë të telefonisë mobile në Kosovë, e ka mbikëqyrur një kompani konsulente nga Suedia, e zgjedhur ne një tender të veçantë. Pas ofertës së kompanisë së parë prej 81 milion eurosh dhe dështimit që këtë shumë ta deponojë në Buxhetin e Kosovës brënda afatit të caktuar, ART-ja vendosi që si fitues të licencës të shpall ofertuesin e dytë, „Konzorciumin Telecom Sllovenia“ dhe „Ipko Net“, i cili ofroi 75 milionë euro.
Ajete Beqiraj,Dojce vele

Largim i Njësisë Speciale rumune nga Kosova

23 mars 2007, Dojçe Vele, Zyra për Informim e Administratës së Përkohshme të Kombeve të Bashkuara në Kosovë, përmes një komunikate për shtyp njofton se 75 pjesëtarë të Njësisë Speciale nga Rumania, janë larguar nga Kosova. Largimi I tyrë vjen si pasojë e trazirave të 10 shkurtit, me ç´rast u vranë dy të rinj.

Administrata e UNMIK-ut, me anë të kësaj komunikate shpreh keqardhje pse autoritetet rumune nuk janë pajtuar me kërkesën e selisë qendrore të Kombeve të Bashkuara, që 11 pjesëtarë të Njësisë Speciale të mbeten në Kosovë deri me 6 prill, për të vazhduar, bashkëpunimin lidhur me hetimet. Të 11 pjesëtarët e Njësisë Speciale rumune, po hetoheshin lidhur me ngjarjet e dhunshme të 10 shkurtit, me c’rast vdiçën dy persona dhe u lënduan dhjetëra të tjerë, si pasojë e përdorimit të plumbave të gomës nga policët e Kombeve të Bashkuara-thuhet në komunikatën e UNMIK-ut.
UNMIK-u prêt nga autoritete rumune që t’iu përmbahen detyrimeve dhe të vazhdojnë bashkepunimin me hetimet aktuale, përfshirë këtu edhe garancitë që cilido nga policët rumunë të sapolarguar nga Kosova, të jetë në dipsoziocion për qëllime hetuesie.
 Nderkohe, qeveria e Kosovës shpreh zhgënjimin e thellë me largimin nga Kosova të kontingjentit të policisë së Rumanisë duke I bere thirrje OKB-së dhe Bashkimit Evropian që të kërkojnë nga qeveria e Rumanisë vazhdimin e bashkëpunimit në procesin hetimor, si dhe vënien në dispozicion të zyrtarëve të cilët mund të kontribuojnë në ndriçimin e ngjarjes dramatike.
Qeveria e Kosovës e cila konsideron se askush nuk mund dhe nuk duhet të qëndrojë mbi ligjin, kërkon nga UNMIK që të vazhdojë hetimet dhe ta informojë qeverinë për rrjedhën e këtyre hetimeve. Nderkohe qe ekzekutivi kosovar do të vazhdojë bashkëpunimin me UNMIK-un, do të kontaktojë me autoritetet rumune dhe me instancat e tjera ndërkombëtare, këmbëngulëse për të vendosur drejtësi.

Ajete Beqiraj,Dojce vele

Blazi-Franca mbështet Planin e Ahtisarit

22 mars 2007 , Dojçe Vele, Në kohën kur janë intensifikuar përpjekjet për zgjidhjen e statusit të Kosovës, bazuar në propozimin e ndërmjetësit ndërkombëtar Martti Ahtisaari, Ministri i Punëve të Jashtme të Francës, Filipe Duste Blazi, viziton Kosoven. Pas takimebe takimeve me udhëheqësit e pranisë ndërkombëtare, civile e ushtarake si dhe me drejtuesit e institucioneve të Kosovës dhe me anëtarët e Ekipit të Unitetit, Blazi do te udhetoje per ne Beograd.

Ministrin  e jashtem francez Blazi, e priti kryeministri i Kosoves Agim Qeku. Shefi i diplomacise franceze, ne konferencen per media, ka konfirmuar se Franca, si anetare e Keshillit te Sigurimit, mbeshtet pa rezerve Planit te Ahtisarit per zjgidhjen e Statusit te Kosoves.
Sipas tij, ky plan eshte i balancuar dhe merr parasysh edhe interesat e shumices shqiptare, por edhe garanton te drejtat e pakicave qe jetojne ne Kosove. Nsur nga kjo, ai tha se ka porositur lidere kosovare qe te angazhohen per implementimin e Pakos se Ahtisarit ne terren, duke kerkuar edhe nga lideret e serbve te Kosoves qe te jene me real.
Ministri Blazi shprehu keqardhjen pse pala shqiptare dhe ajo serbe, as pas bisedimeve njevjecare nuk arriten ndonje marreveshje, por hodhi poshte mundesine e vazhdimit te negociatave ne mes te te dyja paleve. Sipas tij, bisedimet kane perfunduar dhe I takon Keshillt te Sigurimt qe te marr vendimin e duhur per Kosoven, ne menyre qe rasti i saj te jete i sukseshem per Kombet e Bashkuara.
Pas takimit me ekipin negociatior te Kosoves, Filipe Duste Blazi, u takua me zevendeskreyadministratoirn Stiven Shuk dhe me komandantin e KFOR-it ,gjeneralin Roland Kater.Shefi I diplomacies franceze,  pas takimit ne aeropoirtin e POrishtines me presidentin e Kosoves Fatmir Sejdiu, i cili sapo eshte kthyer nga vizita disaditore ne SHBA, do te udhetoje per ne Beograd, per te biseduar edhe me autoritetet e atjeshme rreth Planit te Ahtisarit per Kosoven.
Ajete Beqiraj,Dojce Vele