Date Archives February 2007

Safer World-Analiza e problemeve në Kosovë

14 shkurt 2007, Dojçe Vele, Organizata joqeveritare britanike “Safer Ëorld”, në bashkëpunim me organizatën joqeveritare “Forumi për Iniciativë Qytetare”, në Kosovë, ka filuar implementimin e projektit “Analiza e problemeve apo tensioneve në Kosovë”, që me anë hulumtimeve të kuptojnë gjëndjen e sigurisë në Kosovë dhe me c’kërcënime ballafaqohen komunitetet e këtushme.

“Safer World”, organizatë joqeveritare me seli në Londër, e cila merret me politikat shoqërore dhe me reformat në qështjen e sigurisë, si qëllim kryesor ka parandalimin e dhunës së armatosur dhe konfliktet. “Saferworld”, e cila vepron në Afrikë, në Azinë Jugore, në Evropën Lindore dhe në atë Juglindore, që nga viti 2001, vepron edhe në Kosovë.
Jerome Mellon nga kjo organizate:
“Cfarë ne duam në të vërtet është që liderët lokal që të gjejnë zgjidhje locale për problemet locale. Pra, ne duam që të definojmë problemet në qështjen e sigurisë dhe poashtu t’iu ndihmojmë te gjejne zgjidhjet e duhura, cfare eshte edhe njeri nder objektivat e prezences nderkombtare ne Kosove, ne pergjithesi”.
Në vazhdën e këtyre projekteve po realizohet edhe projekti, “Analiza e problemeve apo tensioneve në Kosovë”.
“Safer World”, implementimin e këtij projekti do ta realizojë me “Forumin për Iniciative Qytetare” me seli në Prishtinë, e themeluar si domosdoshmëri e kohës nga një grup të rinjsh dhe punëtorësh, që në vitin 2000.
Ferdinand Nikolla, drejtor ekzekutiv I Forumit për Iniciative Qytetare:
“Mendoj se në mes të qytetarit dhe institucioneve gjithnjë ka një hapësirë. Forumi për Iniciativë qytetare, këtë mungesë komunikimi, mundohet që të bëjë atë hapësirë sa më të ngushtë në mënyrë që qasja ndaj problemeve të jetë sa më e suskesshme”.
Forumi për Iniciativë Qytetare, punon në rritjen e sigurisë për komunitete si dhe në nxitjen e tyre për inicim të qështjeve që mendojnë se duhet adresuar institucioneve. Ajo punon në nivel lokal, në mënyrë që puna e komuniteteve të përkthehet në një gjuhë të politikave qeverisëse si dhe në nivelin qëndror, ku përmes hulumtimeve të ndryshme merr një pasqyrë reale dhe gjithëpërfshirëse të situatës së sigurisë në Kosovë, që pastaj të hartoje planet e veta.
“Ky hulumtim do të bashkohet në një document, I cili do te analizohet me insitucionet qendrore, vetqeverisëse dhe ato të UNMIK-ut, në Prishtinë, duke iu ndihmuar kështu me cka realisht përballet Kosova dhe se si duhet të pergatitemi për t’I kontribuar përmirësimit të gjëndjes”.
Sipas koordinatorit të projektit për Evropën Juglindore, Jerome Mellon, qëllimet e tyre janë shumë të kapshme, për faktin se janë reale.
“Objektivat tona janë shumë reale dhe prandaj kemi shansa të mira për sukses. Jemi të vetdishëm se sfidat nga vendi në vend dhe nga komuniteti në tjetrin, janë të ndryshme. Por, më duhet të them se cdo kosovar kupton rëndësinë e marrjes së vendimeve për vetveten”.
 Ajete Beqiraj,Dojce Vele

Varrezat antike ne Llocan

12 shkurt 2007, Radio Kosova,Ne fshatin Lloqan te komunes se Decanit, ekzisotjne rreth 40 varreza, prejardhja e te cilave nuk dihet. Per te sqaruar kete, ende nuk eshte bere asnje germim arkeologjik.

 

Pakoja e Ahtisarit dhe populli

3 shkurt 2007, Dojçe Vele, I dërguari I Kombeve të Bashkuara për statusin e Kosovës, Marti Ahtisari, dje hapi pakon e tij me propozimet për statusin. Mendimet e disa qytetarëve nga të pesë komunitetet që përbëjnë popullin e Kosovës, I sjellim me materjalin në vazhdim.

Kryenegociatori për statusin e Kosovës, Marti Ahtisari, dje ishte në focusin e popullit shumetnik të Kosoves, teksa në aeroportin e Prishtinës po zbriste me pakon e shumëpritur për zgjidhjen e statusit të këtij vendi të përbërë nga etni, religjione, gjuhë e dialekte të ndryshme.
Boshnjaku, Shuqro Axhailic, të cilin e gjejmë pranë shtëpisë së tij, beson fort se Pakoja e Ahtisarit garanton shtetesinë e Kosovës:
“Sikur te mos garantonte, nuk do ta besonim. është dashur të ndryshoje dicka, sepse të gjithe e dimë kush ka qënë serbi për ne. Të ndryshojë, për të gjithë popujt që jetojnë në Kosovë”.
Por, se ky ndryshim do të sjell gjithë ato që dëshiruan kosovarëtr, Hajriz Camaj është skeptik:
“Shumë komuna kanë formu. Mitrovica ka qenëkomunëedhe pëpara dhe  kish funksionu edhe tash. Këtu iu ka dhënë një përparësi për të shkaktu probleme në të ardhmen, se ata kurrqysh nuk e pranojnë realitetin në Kosovë. Shqiptarët munden me u shpërngul këndej krejt, ajo komunë dalgnadale m’u pastru, m’u bo edhe si etnike dhe prapë mujnë me shpall lloj autonomie”.
Për serbin  60 vjecar, Zoran Dashic, sikur nuk ka rëndësi  kush prej kujt do ta ndahet as kush me kënd do të bashkohet. 
“Që këtu të jetë paqe,të mos bëhet lufte më. Këtë e mendoj unë! Ne e përkrahim atë që duan që të gjithë. Por, duhet të kemi mirëkuptim dhe jo të urrehemi. Duhet të bashkëjetojmë sic kemi jetuar më parë, qoftë me rom, qoftë me shqiptar apo me boshnjak. S’ka rëndësi cfarë është?”
Romja 24 vjece, Florije Shala, mbahet fort për mendimin e saj:
“Ma mirë more, qysh jo? Na kem qejf me pas përparësi Kosova. Neve Serbia s’na vyn. Na kemi nevojë për Kosovën. Na s’kena punë me Serbi!”
Por, bashkëkombasi I saj Haxhi Berisha e di mirë cfarë do:
“M’u nda Kosova krejt prej Serbisë. Me pas marrëdhnie të mira. S’kam shpi, s’kam tokë, s’kom kurrgjo. Por, mendoj me nejt në Kosovë, se ka me qënë shumë mirë.Vec le të jetë qekjo pavarësia që po e lyp krejt populli. Inshallah do Allahi!
Njëjtë mendon edhe ashkaliu Osmon Imeraj.
“Cysh na kem prit dhe qysh kem mendu, s’kem fitu. Por, unë besoj se qesaj pune që ia kemi msy edhe do të fitojmë. Do të zgjas pak, ama ka me qenë e jona. Duhet të shkëputemi nga Serbia se edhe na jemi një popull, që mundemi me arrit dicka,jo me qënë nën këmbë të Serbisë si deri tash. Boll, qe s’di sa vjet!”
Për dallim, plaku shqiptar Ramadan Demukaj, ndonëse ne vjeshtën e jetës paralajmëron:
 “Pasha Zoten, ma luftë e kem qetash se kur jemi konë të ikun në Shqipëri e në Mal të Zi . Qe shtatë vjet na jemi në ‘rentgen’ të krejt botës, qe shtate vjet. E krejt e dine ata cka mundem na e qysh shkojmë na! “
Ajete Beqiraj,DW