Faqja është në punim e sipër...

RESHAT ARBANA:

"Të bësh një rol don të thotë të dalësh nga vetja jote"

 25 dhjetor 2004, Radio Peja & Pavarësia, Reshat Arbana është njëri ndër aktorët më të mirënjohur të kinematografisë shqiptare. Galeria e protreteve të tij është e pasur dhe e larmishme. Me fuqinë e shprehjes, mesazhet qytetare dhe pasionin në intepretim gjithmonë mbeti i dashur për popullin dhe i duartrokitur nga spektatori. Interpretoi rreth 60 role në film, si në: "Komesari i Dritës", "Nëntori i dytë", "Fundi i një hakmarrjeje", "Kush vdes në këmbë", "Hije që mbeten pas", "Kur hapen dyert e jetes" etj. dhe rreth 35 në teatër, ndër të cilat veçon: "Familja e Peshkatarit". Gjithnjë i pranuar dhe i pëlqyer nga shikuesi dhe kritika. Gjithnjë i adhuruar nga populli dhe i dashur për popullin. Zëri i tij bucitës si i krijuar për vargjet e Fishtës, si jehonë kushtrimi ka bartur epizmin e maleve tona në cdo kënd ku ka shqiptar. Me një reputacion të tillë artistic, me të arritura kulminante ne skenë teatri e filmi, ky ktor sot, mbase I prin gardës së madhe aktoreske të të gjithë shqiptarëve. Reshat Arbabanën, me cmimin Artist I Popullit dhe shumë e shumë cmime të tjera, që stolisnin karrierën e tij të gjatë në skenë, e mbajnë të afërt te të gjithë artdashësit duke ia cmuar vlerat aq të shënuara e që e I bëjnë nder historisë së përgjithshme të artit të të interpretuarit . Lexo më shumë...

RIKARD LJARJAa:

"Në Kosovë e ndjej veten si peshku në ujë"

4 dhjetor 2004, Radio Peja & Pavarësia, Artisti i merituar Rikard Ljarja filloi me muzikë, ku fillimisht punoi në Orkestrën Simfonike të Shkodrës me dirigjent kompozitorin e madh Prenk Jakova. Ushtroi në tastierë, piano, fizharmonikë etj. dhe mori pjesë si muzikant-kompozitor në Festivalin e Këngës në radio. Por, këtë kapitull e mbylli që heret, për të vazhduar në shkollën për aktor. Lexo më shumë...

ZHANI CIKO:

"Ecja me akorde të njëjta"

3 korrik 2004, Radio Peja & Pavarësia,  I ardhur prej një familjeje muzikantësh, studioi në Liceun Artistik dhe me vetëm 25 vjet, drejtor artistik i Teatrit të Operas dhe Baletit, në Tiranë. I pa pajtuar me konceptimin e izoluar të Shqipërisë në zhvillimet botërore, konfliktuohet deri në atë masë sa t'i ndalohet kontakti me skenën, me jetën, me profesionin. Por, më vonë rikuperohet në Liceun Artistik si mësues i violinës dhe si drejtues i kësaj shkolle.

Para viteve '90, ftohet në televizionin shqiptar ku qëndron në një periudhë mbi 15 vjeçare si Drejtor Artistik për orkestër ku percillte Festivalet e Këngës në Radio Televizion dhe me këtë,iniciator i parë i krijimit të Festivaleve të këngës mbarëkombtare. Pjesëtar i pesëshes së famshme në konkursin Ethet e të së premtes si dhe Drejtor i Institucionit më të lartë muzikor, Teatrit të Operas dhe Baletit, në Tiranë. Lexo më shumë...

XHEVAHIR SPAHIU:

"Liria i ka hije një populli moçmërisht të moçëm"

24 korrik 2004, Radio Peja & Pavarësia, Të krijojme atë ndjenjë të kohezionit kombtar, atë njësim shpirtëror të domosdoshëm,sepse ne duam të jemi në Europë jo si një statujë e bërë copa-copa, sepse ajo statujë është e shëmtuar. Por, të jemi si një komb i bashkuar, shpirtërisht i bashkuar dhe siç e ka bërë Zoti,kjo të jetë Shqipëri e parë. Lexo më shumë...

NATASHA LAKO:

"Dënimi nga mendimi zyrtar na bëri më trima"

20 nëntor 2004, Radio Peja & Pavarësia, Natasha Lako-Drejtoreshë e Arkivit të Filmit në Tiranë është njëra ndër figurat më të shquara të kulturës shqiptare. Autore e dhjetëra librave në prozë dhe poezi si dhe skenariste e rreth 12 filmave që vulosën në ekran periudha të rëndësishme të historisë kombtare, si:"Plumba Perandorit", "Fletë të bardha"etj. dhe filmi më i fundit premiera e të cilit u shfaq në Prishtinë,"Lule të kuqe-lule të zeza", me të cilin film mori pjesë në Festivalin e Filmit në Nju-Jork,që po mbahet prej 10 deri me 21 nëntor. Lexo më shumë...

MEVLAN SHANAJ:

"Gjeografia shpirtërore të jetë ashtu siç ishte historikisht"

Radio Peja & Zëri Ditor, U rrit me ëndrrën për Teatrin.Ai edhe braktisi Shkollën e Mesme si ndihmës-mjek për Shkollën e Aktorëve "Aleksander Moisiu",emër i cili qysh si fëmijë i flente në zemër.E përfundoi me  Diplomë të nderuar nga Ministri,për të filluar që aty karrierën artistike.Filloi si aktor me rolin e Komesarit Memo në filmin"I teti ne bronz" për të vazhduar me role evidente në më se dhjetë filma.Ndërkohë fillon punën edhe si regjisor për të vazhduar edhe sot e kësaj dite. Lexo më shumë...

PANO TAçI:

"Unë jam për poezinë e shpirtit"

 Zëri Javor, Unë jam për Shqiperinë! Dhe, më bëhet qejfi pse Kosova do bëhet para Shqiperisë. Ne do të vimë të punojmë në Kosovë e jo në Greqi, sepse nuk duan ta bëjnë Shqipërine këta hajna! Këta nuk janë as komunistë. Këta janë hajdutë! Të ne morali ishte gjithcka. Tash ai lë gruan dhe fëmijet dhe merr një vajzë të re për të kaluar kohen. Grinden, shahen me fjalë në parlament. Kjo nuk ndodh në Kosovë. Kosova ka kulturë evropiane. Prandaj, unë e kam bindjen se Kosova do bëhet,dhe do behet shpejt! Lexo më shumë...

BASHKIM KUCUKU:

"Shqiptarët mjanë dinjitoz në letërsinë e përgjithshme evropiane"

23 prill 2005 Radio Peja & Zëri Ditor, Bashkim Kucuku,pas studimeve në degën Gjuhë shqipe dhe Letërsi, për  shumë vjet punoi si redaktor i kritikës letrare në gazetën "Drita". Kaloi si profesor në Universitetin e Tiranës, Fakulteti i Filologjisë. Pas viteve '90,pesë vjet drejtoi gazetën "Qamëria" dhe më vonë punoi si kryeredaktor i revistës "Universi shqiptar i librit". I specializuar në Letërsinë Shqipe bashkëkohore, studimet e tij ia kushtoi letërsisë së gjysmës së dytë të shekullit XX-të. Bëri shumë studime të autorëve të mirënjohur shqiptar si të Anton Pashkut, Ismail Kadaresë, Ali Podrimjes, etj. Lexo më shumë...

PANDELI KOCI:

 "Liria nuk të jep gjithçka"

 5 mars 2005, Radio Peja & Zëri Ditor, Pandeli Koçi, është I pari që mblodhi, redaktoi dhe botoi nga krahu I letërsisë shqiptare të krahëve të verilindjes dhe të lindjes,të cilët për të janë krahët më të fuqishëm,më origjinal dhe më shqiptar sepse shprehin shpirtin, shpresën e mbi të gjitha idealin kombtar për një botë shqiptare.  I njohur me emrin letrar Sazan Goliku është me origjinën nga Tepelena, u lind në Vlorë në vitin 1942. Të parët e tij nuk vdiqën por u vranë nga turqit, sepse morën pjesë në lidhjen e Prizrenit, me Avdyl Frashërin. Gjyshi I tij u burgos nga italianët në vitin 1919 dhe nga torturat e burgut, pasi u lirua, vdic. Babai iu vra nga gjermanet, ngase mori pjesë në Lëvizjen Nacional Clirimtare. I rritur nga axha I tij Koço Koçi ,që në vegjëli u frymëzua me ndjenjën e atdhetarisë, e cila u bë pjesë përbërëse e idealeve, e gjakut dhe e ëndrrave të tij për një Shqipëri të vetme. "Për një Shqipëri, jo me këto 28000 km katror, por e cila fillon që nga Mollëkuqja e deri në Prevezë, nga Vardari e deri në Detin Adriatik. Një botë unike me flamurin e me shpirtin e saj". Lexo më shumë...

NDRICIM XHEPA:

"Teatri dhe filmi kanë të përbashktën e tyre të padiskutueshme"

Radio Peja & Pavarësia, Si bir I dy artistëve, në artin masovik që zhvillohej atëbotë u kërkua shumë shpejt. Nën ndikimin e brezit të tij dhe me dëshiren shoqërore, ende pa përfunduar maturën beri hapin e parë në fushën e teatrit. Dhe, atëherë kur në mes të gjimnazeve të Tiranës mbaheshin festivale me një konkurencë interesante, aktive dhe të bukur, Ndricim Xhepa hapat e parë në skenë I bëri ne gjimnazin "Qemal Stafa"ku kreu edhe maturën. Ky ishte vetëm fillimi I karrierës se tij artistike. Lexo më shumë...

DELI METALIJAJ:

"Vallen dhe skenën e dua si jetën"

26 tetor 2007, Zëri Javor,  Deli Metaliaj, bashkë me shkronjat e para filloi edhe vallëzimin autokton të Malësisë së Gjakovës. Në Dragobi, aty ku thirri për herë të parë Babë e Nanë, që në moshën shtatë vjec u pa edhe prirja e tij për art, të cilën për herë të parë e zbuloi artistja e madhe e kombit shqiptar, Fatime Sokoli-bashkëfshatare dhe mësuese e tij.   Lexo më shumë...

RAJMONDA BULKU:

"Cdo të mirë e të fisme e kam trashëguar nga gjyshja pejane"

2 prill 2005, Radio Peja & Pavarësia, E lindur në Tiranë dhe me babanë ushtarak, aktorja Rajmonda Bulku u rrit në disa qytete të Shqipërise. Karrierën artistike e filloi si cupë 16 vjecare për të vazhduar edhe sot e kësaj dite. Me një karrierë të pasur artistike dhe një bagazh prej rreth 30 rolesh, në vitin e 46-të të jetës ajo është e bukur,e freskët dhe më joshëse se kurrë më parë. Lexo më shumë...

ADELHEID FEILKE-TIEMAN:

"Dojçe-Vele"një dritare informative për Kosovën"

4 maj 2005, Radio Peja & Pavarësia, Nëqoftëse lirohet gjysma e hapërsirës në mjetet e infromimit, e cila mbushet me përsëritjen e të njëjtës formulë, për opcionet e ndyshme qe janë diku në horizont për qëshjten e Kosovës, nëqoftëse nuk përsërit ato që janë dhënë ditëve të kaluara , atëherë do të mbetet hapësirë të mjaftueshme për informacione shtesë për të cilat kanë nevojë njerëzit. Lexo më shumë...

TEFTA RADI:

" Me punë e vullnet arrihet gjithcka "

26 shkurt 2005, Radio Peja & Pavarësia, Mbaroi studimet për Gjuhë dhe Letërsi, filloi si mësuese dhe  kaloi në gazetari. Kur pas diplomimit u emërua në Fushë Arrëz dhe për pesë vjet ushtroi profesionin e mësuesisë, një intervistë e vetme ia ndryshoi kahjen e jetës. Lexo më shumë...

VIRON NOTI:

"Ta dashurosh profesionin, që të jesh I suksesshëm"

5 gusht 2004, Radio Peja & Pavarësia,  Babai i vdiç kur i kishte vetëm dy vjet. U rrit jetim, vetëm me gjyshen, nënën dhe motrën. Pas mbarimit të Shkollës së Mesme, i doli e drejta e studimit në Kinë për inxhinjer anijesh. Mirëpo, ikja e tij në atë vend të larget donte të thoshte shtatë vjet studimi. Dhe, meqë familja e tij mbështetej vetëm në supet e tij të brishta u detyrua të ndërronte degë. Studioi në Fakultetin e Shkencave të Natyrës, dega-Bio-kimi. Pas mbarimit të Fakultetit, punoi gjashtë vjet në arsim-katër vjet në Burrel dhe dy vjet të tjera, në Tiranë. Në vitin '71 kalon në profesionin e folësit, ku fillon edhe karriera e shkëlqyer radiofonike e Viron Notit,i cili me rjedhën e viteve do të bëhet njëri ndër zërat më të adhuruar në Shqipëri. Lexo më shumë...

VASJAN LAME:

"Për kosovarët Shqipëria gjithnjë I mban dyert e hapura"

15 janar 2005, Radio Peja & Pavarësia,  Që nga viti '78, pas Fakultetit, punoi në Teatrin Kombtar. Pati një aktivitet të ngjeshur me rreth 30 role në Teatër e 20 të tjera në film, si: "Vitet e pritjes", "Natë pa hënë", " Pas fasadës", "Shpella e piratëve", "Plaku dhe hasmi", "Një vit i gjatë", "Misioni përtej detit" e në shumë filma të tjerë, në mësin e të cilëve edhe në "Valsi i ngrirë në Prishtinë"-me regji të Bashkim Hoxhës dhe në filmin më të fundit të Mevlan Shanajt, "Lule të kuqe-lule të zeza" premiera e të cilit u mbajt në Prishtinë. Lexo më shumë...

NASHO JORGAQI:

"Rikthimi I kritikës-domosdoshmëri e kohës"

25 shtator 2004, Radio Peja & Pavarësia,  Nasho Jorgaqi, romancier, tregimtar, shkrimtar për fëmijë, seknarist, autor udhëpërshkrimesh, biograf, së shpejti do të botojë kryeveprën e jetës së tij, biografinë e Fan Stilian Nolit. Lexo më shumë...