Leqinati i bukur dhe dy liqenjtë e kaltërt në kurorën gjelbërore të Bjeshkëve të Nemura, rreth 25 kilometra larg nga qyteti i Pejës, ishte vendi në të cilin u mbajt takimi i katërt Ndërkombtar i Bjeshkëtarëve dhe  Alpinistëve ” Rugova 2008“, ku për tri ditë me radhë morën pjesë mbi 150 bjeshkëtarë, alpinistë e speleologë nga Kosova, Bosnja e Hercegovina, Sllovenia, Mali i Zi, Shqipëria, Sllovakia, Maqedonia dhe Bullgaria. Takimi e mbajtur nën përkujdesjen e Federatës kosovare të Bjeshkëtareve, i mbështetur nga Ministria e Kulturës, Rinisë, Sporteve dhe Qështjeve Jorezidente si dhe Kuvendi Komunal i Pejës,  e organizoi Shoqata e Bjeshkëtarëve, „Gjeravica“, nga Peja.

Kryetari i kësaj shoqate, Salih Maloku:

 “Se, me bjeshkët tona, me Grykën e Rugovës, me bjeshkën e Hajlës, të Roshkodolit, të Milishevcit, përvec Sllovenisë asnjë shtet i ish-Jugosllavisë nuk mund të krahasohet“ –

Njohja reciproke e vlerave dhe e traditës bjeshkëtare dhe alpiniste, shkëmbimi I përvojave me vende të ndryshme të rajonit dhe bashkëpunimi mes këtyre shoqatave për mbrojtjen e këtyre zonave të pasura, ishin qëllimet e këtij tubimi. Qëllimi kryesor: pushtimi I Gurit të Kuq!

“Një majë me lartësi mbidetare prej 2522 metra, e cila për shkak të motit të lig, nuk u pushtua-thotë z.Maloku, Sepse prej restoranit në Liqinat, ku nga Peja shkojmë me makina, është 7 orë ecje në këmbë deri te Guri i Kuq, kalimin e  të cilave na pamudnësoi moti i lig, mjegulla…“-thotë z.Maloku.

Zia Dreshaj, 66 vjeç, i cili është anëtari më i vjetër i shoqates “Gjeravica”, ndërkohë, i ka të gjitha përgatitjet për bjeshkëtari, si:

“Alpinizmin, speloeogjine, udhëheqjen në bjeshkë, dhe atë më të rëndësishmen: shpëtimtarinë, sepse ndryshe s´mund të ishe anëtarë i shoqatës ”-thotë bjeshkëtari Dreshaj.

Me këtë rast, nga bjeshkëtarët dhe ushtarë të KFOR-it slloven, me buqeta lulesh të freskëta u përkujtjua edhe alpinisti slloven, Stane Tomshic, I cili humbi jetën para 53 vitesh në shkrepat e Bjeshkëve të Nemura.

„Aty, pjesëtarët e tubimit bashkë me KFOR-in slloven, kemi vene kurora të freskëta lulesh mbi pllakën e alpinistit të ndjerë të shoqatës së bjeshkëtarëve „PTT Ljubljana“.

Shoqata e Bjeshkëtarëve, “Gjeravica”, nga Peja, njëra ndër shoqatat më të vjetra në rajon e themeluar qe në vitin 1928, me këtë rast shënoi edhe 80-të vjetorin e themelimit.

Ajete Beqiraj, Dojce Vele & Blue Sky