Është kohë me diell në qytetin e Pejës, i cili tash sa ditë kishte filluar përgatitjet për viziten e presidentit të Shqipërisë, Bamir Topi. Vizita e parë e një presidenti të shtetit amë, është arsye e mjaftueshme që në sheshin e qytetit të veshur me petkun festiv, të mblidhen qindra, mijëra njerëz nga i gjithë rajoni. E, kur më në fund, prej njërës nga makinat që vinë kolonë përgjatë rrugës dykrahëshe del presidenti i shumëpritur adhurimi, dashuria, respekti e mirënjohja e vazhdueshme, shpërthen përnjëherësh me këngë, valle e brohorima; dhe, shpresa plot!

 “Presim presidentin e Shqipërisë, Bamir Topin njëkohësisht dhe presidentin e të gjitha trojeve shqiptare. Jemi të gëzuar dhe të entuziazmuar edhe kemi dal ta presim një president  të shqiptarëve që kemi prit me shekuj. Nga vizita e presidentit Topi presim që ta mbështes pavarësinë e Kosovës dhe sa më shpejt të binë në binar të gjitha rrjedhat e pushtetit tonë dhe të vazhdojë bashkëpunimi me shtetin amë dhe me të gjitha trojet tjera.  Shqipëria do të na mbështes,  e  dimë,  se ne  kemi qenë deri më tani, jetim! -thotë Zeqir Ibraj, nga Radaci.                   

“Kam dalë me e prit presidentin. Do t’ I thosha ta mbështes pavarësinë e Kosovës!-thotë Liridon Kelmendi, 12 vjec, nga Peja.

“Është kënaqësi që e shohim presidentin e shtetit amë, në  Kosovë, në Pejë. Pastaj, që edhe ne të fitojmë pavarësinë tonë. Na gjithmone kemi prit prej shtetit amë! Ansambli "Rugova", ne pritje te presidentit Topi      Do ta lusja presidentin të na mbështes edhe në qështje ekonomike, të sigurisë, por mbi të gjtha me e mbështet të që ddihet…Pavaresinë! Dhe, e di se e mbështet, jo vetëm ky por e gjithë Shqipëria”-thotë Selmon Dinaj, nga Raushiqi.

I shoqëruar nga kryetari i komunës së Pejës,dr.Ali Berisha, dhe i përcjellur me brohoritje dhe duartrokitje frenetike nga qindra qytetaret e tubuar për t´I dëshiruar mirëseardhje,  presidenti I Shqipërisë, Bamir Topi, vizitën e tij në Pejë, e filloi me vënje kurorash me lule pranë lapidarit të dëshmorit, Luan Haradinaj si dhe pranë shtatores së atdhetarit, Haxhi Zeka; dëshmi të luftës së gjatë e të mundimshme të popullit shqiptar!

“Dhe ajo që perjetojmë sot-thotë presidenti Topi, besoj është në parametrat e asaj që ndjen cdonjëri në mënyrë të natyrshme në kurorëzimin e procesit shumë të gjatë vuajtesh, lodhjesh, mundimeve e gjakderdhjeve, por edhe nëpëmjet procesit të viteve të fundit, proces i paqes dhe i demonstrimit të aftësive intelektuale të klasës politike kosovare, të klasës politike shqiptare në përgjithësi, të intelektualëve e të qytetarëve të Kosovës, të cilet ditën të përshkojnë një rrugë të lodhshme e me sakrifica. Por, të cilët do të dinë të përballojnë edhe sfidën e fundit,  nje sfidë diplomatike, sfide qytetare dhe sfide e kurorëzimit me sukses të asaj që konsiderojmë si fillim i një epoke të re për një Kosovë-shtet i lire e i pavarur për shtetin më të ri në Evropë. Nisur nga kjo, vizita ime ne Peje e ardhshme besoj se do të ndodh shumë shpejt”                                        

Presidenti i Shqiperise, Bamir Topi,   Presidenti I Shqipërisë, Bamir Topi, nga Kuvendi Komunal i Pejws, u nderua me titullin, “Qytetar Nderi”. Ai u nda me përshendëtje plot përzemërsi dhe dashuri nga populli që e do dhe e nderon... Nga populli me sy plot shpresa, që vizita e tij e radhës të jetë për të përgëzuar pavarësinë e Kosovës!

Ajete Beqiraj, Dojce Vele & RTK