E diel, ora 19:45 min. Salla e Kuqe, në Prishtinë tashmë është plot adhurues të muzikes klasike, të cilët kanë ardhur të përcjellin ansamblin Polifonia të Orkestrës Simfonike të Berlinit.

 "Do të luajmë pjesë nga kompozitori romantik gjerman, Josef Gabriel Reinberger dhe poashtu, do të luajme një vepër për klavir nga Volfgang Amadeus Mozart, por të ndarë në katër pjesë"-njofton paraprakisht dëgjuesit tanë, udëheqësi I orkestri, Martin Koegel. 

Por, turneu I ansamblit "Polifonia" nga Berlini, nuk filloi tash as këtu. Auron Dodi, redaktor në redaksinë shqipe të Dojce Vele-s, I cili ishte pjesë e këtij maratoni muzikor, sjell hollësi:

"Ansmabli "Polifonia" I orkestrës Simfonike të Berlinit, në Prishtinë erdhi pas koncertit që dha në Tirane dhe në Shkup. Dhe, meqënse këtu ishin në fund të vitit 2006, me të njëjtën përbërje, kurioziteti I muzikantëve për të parë ndryshimet që kanë ndodhur në Prishtinë ishte tejet I madh. Por, shpëshehrë koha nuk majfton për të parë aq sa ne dëshirojmë. Ata erdhën me gëzim poashtu, për arsye se bashkë me ekipin nëntë anetarësh të orkestrit. Përvec dy muzikantëve të rinj nga Tirana dhe dy të tjerëve nga Maqedonia, janë edhe dy të rinj nga Prishtina".

Bashkeorganizatore e këtij koncertit të mbështetur edhe nga Ministria e Jashtme Gjermane, ishte radio "Dojce Vele", e cila me këtë rast bëri edhe promovimin e formatit te ri të programit të saj.

"Në fakt, ne kemi filluar me këtë riformatim që në janar të vitit 2008- Por, fatkeqsisht, nuk kishim mndësi ta promovojmë këtë program edhe në Kosovë, gjë që që në Shqipëri e kemi bërë tashmë. Kjo don të thotë se jemi pranë dëgjuesit në cdo orë, nga tetë e tridhjetë deri në 17:30, në valët 88.6 fm. Natyrisht, shpresojmë se me këtë skemë të re është rritur dëgjueshmëria, sepse në cdo orë të ditës gjatë kohës së përgjithshme, jemi me programin pranë dëgjuesit"-sqaron shefi I seksionit shqip, Fabian Shmidt.

Ndersa, Gjermania do të vazhdojë të japë për shtetin e ri të Kosovës edhe në të ardhmen-thotë ambasadori, Hans-Dieter Steinbach. Sepse:

"Kultrua nuk mund të jetë rrugë njëkahëshe. Dhe ne, natyrisht se do të jemi të lumtur që shteti me I ri në Evropë, të japë shembullin e tij edhe në Gjermani. Minsitri e jashtme gjermane dhe ajo e kultures, jane tejet të interesuara për këtë dhe kur të kemi një ministri të jashtme të Kosovës, atëherë këtë shkëmbim do ta forcojmë edhe në fusha të tjera".

Tashmë, ansambli nonet nga Berlini, u shfaq para spektatorit kosovar duke shkrire tingujt e nëntë instrumenteve të ndryshme në një tingull të vetëm. Pak nga kjo mjeshtëri, orkestri ka bartur edhe 6 studentët shqiptar përmes punëtorive të mbajtura gjate turneut në Shqipëri dhe Maqedoni. Të gjashtë studentët, 2 nga Tirana, 2 nga Shkupi dhe 2 nga Prishtina, treguan cfarë kanë mësuar edhe para publikut kosovar. Dhe, koncerti I filluar ne orën 20 me ekzekutimi e veprave te kompozitorit gjerman Reinberger dhe të Moxartit, nga orkestra Polifonia e Berlinit e poashtu edhe nga studentët shqitpar, gjatë gjithë kohës u përcoll me duartrokitje  frenetike. Ndërsa, spektatorët u ndanë me përshtypjet më të mira:

 "Une vi shpesh në koncerte klasike në Prishtinë. Por, më duhet të them se cilësia e këtyre veprave është ndër më të mirat që kam dëgjuar. Ishte kënsaqësi të shohësh dhe studentët e rinj, poas sa profesionistt. Dhe unë mendoj se kjo është njëra ndër përformancat më të bukrua që kam degjuar"-shprehet e fascinuar Joanne(Jody)Barrett, zyrtare për afera politike.

 "E përcolla. Më pëlqu jashtë mase. Është shumë e qëlluar kjo prurje e kulturave të Evropës dhe është një afrim më shumë, me shtete e rajonit"-thotë Nexhmedin spahiu, drejtor I TV Mitrovicës, I mbyllur jo fort larg.

"Është shumë e rëndësishme për Kosovën që të jetë kaq e hapur, jo vetëm për ndikimet politike nga vendet tjera por edhe për ato kulturore. Thuhet se: "Muzika zbut edhe bishën!". Kështu që, më shumë muzikë dhe më pak konflikte!"-është porosia e Oleg Y.Egorov, nga Zyra e Përfaqësuesit Special të Kombeve të Bashkuara, në Kosovë.

"Ishte fantastike dhe një mënyrë e mrekullueshme për të kaluar të dielën mbrëma. Ishte bukur sidomos të shohësh se si studëntët shqiptar mbështeten nga muzikantët profesionistë nga Gjermania. Një iniciativë për t' u përshëndetur"-thotë Adrian Hills, këshilltar special I        .

Për kompozitorin kosovar, Rafet Rudi,koncerti ishte I nivelit më të lartë artistik:

"Një koncert I shkëlqyeshëm, nga një ansambël me cilësi jashtëzakonisht të larta, natyrisht. Këta janë instrumentistë orchestral. Por, të nivelit evropian, absolutisht! Dhe, unë e konsideroj si një kënaqësi dhe një pasurim të madh të jetës koncertore te ne për shkak se, muzicientë të këtij kalibri I gjejmë shumë rrallë në sallat tona koncertale".

Ndërkohë që, koordinatori I projektit, Gero Schlies, është I kënaqur si me performancen e orkestrit si me pjesëmarrjen:

 "Parë nga ana muzikore, koncerti I sontëm ishte pika kulmore e të tria koncerteve të mbajtura deri me tani. Publiku ishte ishumtë,  cilësor dhe me vesh për muzikë, I cili e pranoi këtë bukur fort!".

Ansambli "Polifonia" I Orkestrës Simfonike të Berlinit, I formuar para dhjetë vjetësh, do të udhëtojë sot(21 prill 2008), për në Gjermani, të  bindur se shumë shpejt do t'I rikthehen publikut kosovar dhe Kosovës, e cila për miqtë gjithmonë mbetet  krahëhapur...

Ajete Beqiraj, Dojce Vele