“Eja në Evropë…”-është motoja në rimorkion e kamionit 40 metërshe, i lëshuar në qarkullim me 13 maj, në Prishtinë, stacioni I parë I të cilit ishte në sheshin e qytetit të Pejës, pasditën e së shtunës. Nga rimorkio e hapur shfaqet program i pasur kulturoro-artistik e rreth e rrotull, vullnetarë të shumtë me broshura informative për misionin e EULEX-it, në Kosovë. Zëdhënësja e EULEX-it, Karin Limdal:

“Synimi ynë është që të tregojmë kosovarëve se ç´domethënje ka për ta Bashkimi Evropian dhe çfare mund të bëjnë ata për t´iu afruar kësaj bashkësie? E, para së gjithash, të informojmë qytetarët për misionin e EULEX-it dhe të organizmave të tjerë në kuadër të tij”.

„Dhe, nëse dëshirojmë të jemi pjesë e asaj bashkësie, kjo bashkësi duhet të jetë me ne dhe ne me të-thotë Islam Husaj, nga Peja-Kjo është sfidë e madhe për të dyja palët. Mirëpo, nëse punojmë me një sinqeritet reciprok, ne do të arrime synimin tonë; të jemi pjesë e Bashkimit Evropian! Kosova është e vogël. Por, është shumë e madhe për pozitën e vet strategjike dhe për vendin që zë në këtë pjesë të Ballkanit. Dhe, prandaj është i rëndësishëm integrimi i saj në Bashkësinë Evropiane.“

Peja shtrihet në një luginë gjelbërore të rrethuar me pyje shtatlarta të Rugovës. Ndërsa:   “Komuna do të bëjë të pamundurën që këto vlera të promovohen dhe të zhvillohen-premton kryetari, Zedhenesja e EULEX-it, Karin Limdal Ali Berisha. Përmirësimi i infrastrukturës, I shërbimeve dhe ndërtimi I teleferikut, për të cilin jemi në negociata me investitorë, definitivisht, do të hapnin perpsektivën e zhvillimit turistik dhe ekonomik të komunës. Prandaj, me këto vlera ne do të konkurrojmë, qoftë në Kosovë-qoftë në nivelet më të larta“.

Mesazhi i familjes evropiane, të cilin e sjell Karin Limdal, është inkurajues:

“Kosova ka perspektivë evropiane dhe është në duart tuaja, për sa kohë do tía dilni të bëheni pjesë e saj? Ju jeni te mirëseardhur dhe Evropa është këtu, për t´iu përkrahur. Pra, e tera mvaret prej jush!”

“Mirëpo, kjo nuk do të jetë edhe aq e thjeshtë-mendon Kujtim Carrabregu, nga Peja. Sepse, zvarritja e transferimit të kompetencave nga UNMIK-u te EULEX-i dhe mosbashkëpunimi këtyre dy misioneve, na dëshmo iedhe një herë se sa ngadalë ecin gjërat kur është në pyetje përparimi I Kosovës. Le të shkojnë pra, sipas marrëveshjes dhe të fillohet një herë mbarë për këtë Kosovë të lodhur, tashmë…“

Ndërsa, moderatori I këtij shou maratonik, Benet Kaçi, porosit plot optimizëm:

“Detyra jonë më e madhe në këtë rrugëtimi është puna me përkushtim, që t´I dëshmojmë botës se: ne jemi për   Evropën dhedo të shkojmë në Evropë!“

Stacioni I radhës është Klina, ndërkohë që deri me 27 qershor, kamioni me moton,  “Eja në Evropë”  Islam Husaj dhe  Kujtim Carrabregu do të rrugëtojë nëpër 20 komuna të Kosovës, për të inkurajuar kosovarët se familja evropiane thërret krahëhapur:

„Eja në Evrope…Eja…“

Ajete Beqiraj, Dojce Vele & Blue Sky