“Dita e Molles” tashme eshte Manifestim Tradicional, i cili jo rastesisht mbahet ne kete fshat te Istogut. Sepse, Kovraga karakterizohet me kultivimin e molles, ndersa ne gjirin e tij vepron edhe Shoqata e Pemetareve “PEMA”- prodhuesi kryesor i molles ne Kosove, nderkohe.

“Ne kuader te shoqates “Pema-Kovrage”, jane 37 hektare kryesisht me molle. Duke qene se ketu jane edhe dy prodhues tjere individual, kryesisht jane 43 hektare me plantacione te molles, ne kete fshat”-njofton Safet Blakaj, kryetar i kesaj shoqate.

“Por, me gjithe kushtet mjaft te favorshme qe i ka Kosova si dhe te tradites se kultivimit te pemeve, statistikat tregojne se edhe pse kultivimi i pemeve ka pas rritje gjate viteve te fundit, Kosova vazhdon te importoje sasi te konsiderueshme te frutave te fresketa, te thata dhe te perpunuara”-thote Isuf Cikaqi, nga Departamenti i Prodhimtarise Bimore dhe i Mbrojtjes se Bimeve ne Ministrine e Bujqesise.

“Kosova eshte vend i cili importon shume e eksporton jashtezakonisht pak-tha me kete rast, Albin Kurti, nga “Levizja-Vetvendosje”. Dhe, prodhimi eshte shume i ulet, jo per shkak se shqiptaret jane dembele, por per shkak se politika fiskale dhe politika ekonomike nuk eshte ne favor te prodhuesve vendore. Ta zeme, nese ndonje prodhues vendore do ta importonte lenden e pare nga Shqiperia, do te  duhej te paguaje dhjete per qind te takses doganore. Ndersa, produktet qe hyne nga Serbia, nuk e paguajne fare kete takse doganore, ngaqe doganat ende jane ne duar te UNMIK-ut dhe kufijte, edhe pas pavaresise vazhdojne te jene kufij administrativ ne vend se te jene ndershtetor”.

Ndersa, Naxhmi Blakaj, njeri nder prodhuesit individual, ne festen e Molles ka nje porosi:

“Ne e dime se qeveria ka halle me formimin e  shtetit te ri. Por, se paku bujqve t´ua leshojne pak syte... Tash, meqe jemi shtet, bile te jemi edhe bujq te mire!”

Manifestimi i sivjeme, “Dita e Molles-2008”, ne Kovrage te Istogut, eshte i treti me radhe.

Ajete Beqiraj, Radio Kosova