Një sallë e gjërë në Pallatin e Kulturës, në Pejë, është livadhi I improvizuar ku 20 djem e vajza të veshur në veshje kombtare, mbledhin boronica, luajne “Guracak”, luajnë “Hardhucë”, përderisa tingujt e valles “Moj Hatigje”I mbledhin të gjithë në një pikë. Kjo skenë, si e tillë do të bartet edhe në festivalin me karakter ballkanik “Fest Loja 2008”, I cili për tri ditë me radhë do të mbahet në qytetin bregdetar të Durrësit.

“Dhe, kjo nuk është herë e pare që fëmijët e Pejës prezantojnë vlerat tradiconale të lojërave dhe të folklorit burimor shqiptar-thotë Aver Husaj, zyrtar për rini në Kuvendin Komunal të Pejës-Sivjet, në këtë festival ku fëmijët nga Kosova dhe shtetet tjera paraqesin pjesë nga lojërat, vallet dhe tradita vendve të tyre, me ne do të jenë fëmijët e Prishtinës dhe të Prizrenit. Mirëpo, fëmijët e Pejës do të paraqesin lojëra dhe valle të Rrafshit të Dukagjinit”.

Anita Berisha, 12 vjeçare, të cilën e gjejmë tek mbledh boronica në skenën e improvizua, është pjesëmarrëse e këtij festivali që nga mosha 5 vjeçare.

“Do të marrim pjesë me një valle të vjetër të trevës sonë, me “Vallen e Boronicave”. Veshjet tona përbëhen nga këmisha, jeleku, pështjellësi dhe qorapet e gjata deri mbi gjunj. Ndërsa në, gjatë tri ditëve të festivalit do të prezantohemi me të njëjtën valle me të njëjtin rit dhe me të njëjtën veshje…”-thotë Anita. Përderisa Flutura, të cilën e shkëpusim nga rrethi I valles, kësaj radhe do të vallëzojë dhe do të luajë me def.

“Në festival do të prezantohemi me vallen tradicionale “Moj Hatigje”, me “Lojën e boronicave”, “Lojën me hardhucë” dhe “Lojën e guracakeve”. Ndërsa, unë do të luajë me def dhe në valle me nuse”.

Ndërsa, që çdo gjë të jetë sa më autoktone, përkujdeset koreografi deçanas, Regjep Maksutaj.

“Festivali I tille I përtërinë vlerat tona tradicionale. Ndërsa unë jam I sigurt se këta fëmijë tash e tutje jo vetëm do të vayzhdojën të luajnë lojërat tradicionale, por do të vazhdojnë të gërmojnë edhe për lojëra të tjera”.

Qwllimi I “Festë Lojës”, i cili mbahet qe nga viti 1998, është prezantimi I vlerave kulturore, shpirtërore dhe artistike të shteteve te rajonit si dhe ruajtja dhe shpërndarja e tyre në dhe përmes gjeneratave të reja. Ndërsa, krahas Pejës, si pjesëmarrëse e përhershme e këtij festivali, Kosovën do ta përfaqësojnë edhe fëmijët e Prishtinës dhe të Prizrenit.

 Ajete Beqiraj, Radio Kosova