Flamuri dhe Stema e Kosoves

Flamuri i Ri dhe Stema e Re Kosoves

“Dihet që stema e Kastriotëve e ka zanafillën që në shekullin 11-të dhe se me shpalljen e pavarësisë së Shqipërisë, me 1912 u mor për simbol të shtetit të ri shqiptar, ku shqiponja dy krenare e Skënderbeut u vu mbi sipërfaqen e kuqe. Ky ka qënë simbol I të gjithë shqiptarëve kudo që ishin dhe ata e kanë përqafuar në të gjitha rastet, qofshin gëzime, pikëllime….”-sqaron profesor Shyqri Nimani, dizajner dhe historian I artit, ndërkohë që Sali Ajupi nga Fjerëza e Pejës, është dëshmitar I heraldikës së këtij flamuri:

“Për flamurin e mocem, kuq e zi, hallku janë vra, janë djeg e kall, se Serbia vec si e ka pa flamurin me shqiponjë, i ka vra!”

Përkudnër të gjithave, tradita që flamuri i Shqipërisë t’I prije cdo tubimi të shqiptarëve kudo në botë, është ruajtur deri në ditët tona. Ai flamur I prin edhe dasmës së sotme, në Isniq të Decanit. Shkelqimi, 26 vjecar, flamurtar, I cili sap o kthehet nga krushqit të cilëve iu printe, thotë se “në ballë të dasmës së tij do donte ta kishte flamurin kombtar dhe atë të shtetit të ri të Kosovës”.

Tashmë, dasmorët u mblodhën serish në odën dukagjinase, në ballë të së cilës, sipas traditës, janë ulur burrat më të vjetër. Por, ndonëse të shtyrë në moshë, ata përcjellin me vëmendje zhvillimet në Kosovë. Ata janë të vetdishem edhe se flamuri I tyre së shpejti do të duket ndryshe.

“Pa marrë parasysh cfarë flamuri do t’jetë, vec me konë me shqiponjë”-thotë Hyseni nga Lluka.

“Qeto duhet me e marrë tetanë. Se, një zot shpie duhet me konë. Një flamur duhet me konë!”-mendon Smajl Rrustemi nga Prilepi.

“Edhe në Serbi ka gjithfarë komunitetesh, por asht flamuri serb”-thotë Selim Brahimi nga Fjerëza e Pejës.

“Edhe serbve, boshnjakëve, turqve e tanëve le t´ua japin. Por, qeky joni le t’jetë flamur tamon e jo sikur dhentë syka e lara”-mendon Ali Kamaj nga Strellci.

“Eh, flamurin kuq e zi që e kemi, kto e mbajmë na nëpër shpia. Por, dikush duhet me dale e me fol për ne në Evrope”-thotë Ramadan Ukaj nga Lumbardhi I Decanit.

Dasma shqiptare vazhdon me gjallërinë e zakonshme. Por, përkrah gëzimit, këngëve e valles, në sytë e të gjithë krushqve për një cast mund të lexosh pyetje të njejta: “Vallë, si do të duket flamuri me të cilin Kosova do të prezantohet si shtet në botë?” apo “Cili flamur në dasmën e radhës do të valvitet përkrah flamurit të kuq me shqiponjën dykrenare”?

Lidhje:

Ajete Beqiraj, Radio Kosova