Një rrugë e rrëpirët në verilindje të Pejës çon në lagjen 7-të shtatori, të banuar me komunitete të ndryshme. Në gjysmë të rrugës , është selia e shoqatës për komunitete me të njëjtin emër, e cila vepron tash e tetë vjet. Ardian Muriqi, nga stafi I saj punonjës:

“Kjo shoqatë është vetëm për minoritete dhe projektet iu dedikohen komunitetit rom, egjiptas, boshnjak dhe serb. Këtu mbahen kurse kompjuterësh, për flokëtarë, të rrobaqepsisë dhe kur kemi donacione, iu shpërndajmë ndihma”.

Rruga njëkilometërshe përfundon në gji të lagjes 7 shtatori, ku me doancione të Holandës dhe Danimarkës, janë ndërtuar një numër shtëpishë të reja për komuntitetin egjiptas dhe rom.

“Tashmë janë përfunduar të 32 shtëpitë, prej të cilave komuntietit pranues-shqiptarët, kanë përfituar me gjashtë shtëpi-thotë Besim Ukaj, nga Këshilli Danez për Refugjatë, implementues i këtij projekti-Fazën e parë me 20-të shtëpi e ka financuar qeveria holandeze, ndërsa fazën e dytë me 12-të shtëpi e ka financuar qeveria daneze. Krahas ndërtimit të shtëpive, janë ofruar edhe gjerat elementare për jetesë si dhe projekti per krijimin e të ardhurave”.

Njëri nga përfituesit e këtij projekti është edhe Gazmend Palacaj, baba I shtatë fëmijëve, thotë se:

“Shpia na është ndërtu, një ndërtesë e katërkatëshe për katër familje me nga dy dhoma, sallon, kuzhinë e banjo. Por, pa pune nuk të vyen as shpia. Pa punë e me shtatë femijë, për cdo ditë e ma vështirë. Nuk e di qysh shkon jeta…”

Mirëpo, shtëpitë e vjetra anash rrugës, dëshmojnë se brënda mureve të tyre papunësia e varfëria bien shumë më rëndë.

“Jetoj në kushte shumë t´vshtira. Në dy dhoma e një corridor me 13-të anëtar familje. Pa punë e me dy palë jetima-ankohet Gjyle Dautaj, nënë e shtatë fëmijëve. Përderisa, as e motra e saj, Zoja, nënë e ndarë me tre fëmijë, nuk e ka më të lehtë, kur e kthyer në pronën e pridnërve, s´ka me se të ndërtojë shtëpinë. 

„Me pas pare, edhe unë e kisha mbaru shpinë si tjerët-thotë Zoja-Por, tash jam mbet san ë një ship, san ë tjetrën. Shpia e prindve më asht rrënu, në shpinë ku jam, s´ka ujë. Ujë marr te motra, laj e shpërlaj e as toalet s´kam për fëmijët. Vet jam e sëmurë nga veshkat. Por, askush s´kujdeset për fëmijët. Marr një ndihmë të vogël sociale e dal me lyp me ta!”

Me ndërtimin e 32 shtëpive, qeveria holandeze dhe daneze mundësoi kthimin e 32 familjeve të komunitetit rom dhe egjiptas, të cilët që nga përfundimi I luftës ë vitit ´99-të, jetonin si të zhvendosur në Mal të Zi.

Ajete Beqiraj, Dojce Vele