“Ne kemi në çfarë besojmë dhe ne mendojmë se Prizreni është qyteti me kulturën më të pasur në Kosovë. Prandaj edhe vendosëm që shoqëritë kulturoro-artisike të të gjitha kombsive, t’I mbledhim nën një kulm. Dhe, duke qënë se e gjithë pasuria që gjendet në trevat e Sharrit është prezente këtu, këtë manifestim e pagëzuam: “Miqsi nën Hijen e Sharrit”,–shpjegon Vedat Ymsak, zëdhënësi i I Brigadës Shumëkombëshe-Jug, organizatore e këtij manifestimi.

Përveç zyrtarëve të qeverisë komunale dhe qendrore, në festivalin “Miqësi nën hijen e Sharrit”, në Prizren, ishte prezent edhe Ugur Tarçin, komandant I Brigadës Shumëkombëshe-jug, në të cilën shërbejnë edhe 2200 ushtarë të Bundesverit gjerman. Manifestimi u udhëhoq në katër gjuhë, ndërsa, pjesëmarrja shumëetnike e shoqërive, si: “Sharski Behar”, “Dogri Jol”, “Filizler”, “Durmish Asllani”, “Studio gjerdan”, si dhe Shkolla e Muzikës, ”Lorenc Antoni”, ishte nngjyrimi më i mirë i këtij manifestimi miqësie.

Bukuroshet e shoqatës së manekenëve ”Freedom”, nga Prizreni, prezantuan para mysafirëve veshjet e larmishme të etnive të ndryshme që jetojnë në Kosovë.

“Konkursi ynë për Miss, ka qëenë shumëetnik.Ka pas shqiptarë, boshnjakë, turq, romë. Dhe ky është një rast I mirë të prezantojmë veshjet e ndryshme”-thotë Shpëtim Zeneli nga kjo shoqate.

“Urdhëroni…Mirëserdhët! Këtu kemi ekspozuar punëdore si dhe ëmbëlsira turke”-na mirëpresin nga Shoqata turke e grave “Zybejde Hanem”, duke na ofruar ëmbëlsirat e shijshme orjentale.

Ndërsa, veshjen tradicionale gorane e gjejmë te JAHJA MAZNİKAR, nga fshati Brod i Rajonit të Gorës, brenga e të cilëve është:

“Njerëzit për shkak të gjëndjes së rëndë ekonomike, të gjitha veshjet kombtare po I shesin për çmim të ulët dhe në një të ardhme të afërt, këtu s’do të mbetet asnjë grua e cila do të dijë të punojë diçka nga artizanatet tradicionale”.

Përkrah të gjithave, kënga e vallja vazhdon. E teksa, jehona e saj zbut acarin e dimrit prizrenas, shpresa për një të ardhme më të mirë, vezullon mbi borën e shkrepave të Sharrit plak.

Ajete Beqiraj, Dojce Vele