Varferi ne Kosove

Sh.N., tash tri vjet mund varferinë duke shtrirë dorën pwr lëmoshë. Nënën e katër fëmijëve, sot halli e ka sjell prej Drenicës në Rrafsh të Dukagjinit.

"Se s'kam! Një grusht miell s´di si del-rrefen ajo,duke shtrenguar duart. Dru s'kam edhe një krahë. Po e shty qeshtu, sot o nesër, mos po vdes krejt-ma mirë. O mos I marrsha lakmi burrit si asht n´dhe, mos shkofsha n´shpi shnosh! Si ma lehtë hy n´varr. Ty t'kallova të drejtën, po as thmija e mi nuk e dine. Qysh me ju thanë? Cka me iu thanë?“

Egjiptianin 26 vjeçar, Ujkan Gojaj, nga Peja, baba I dy fëmijëve, e gjejmë tek gërmon në një mal mbeturinash.

"Vallahi, me terrnakop, me qekiq shpurdh qeshtu nëpër berllok me gjet hekura e me I shit”-thotë Ujkani, I cili mëngjes e mbrëmje bart hekurishta me karrocen e vjetër, se ky është burimi I vetëm I ekzistensës. Por, ai ka edhe shpresën për ditë më të mira në shtetin e Kosoves.

"Qind per qind, po! Shpresoj ma s' pari me hy n' punë e mos me dal qeshtu, se m'vjen keq me m'pa shoqnija. Po, s'kam cka me bo!”

Dhe, kjo shpresë ka një bazë-thotë drejtori I Institutit për Politika Sociale, në Kosovë, Mustafa Gara: "Sepse, një shtet I pavarur ka më shumë shancë për të biseduar me shtete që kanë nevojë për punëtorë sezonal. PAstaj,varëssht nga qasja e qeverisë sonë por edhe nga mirëkuptimi që do ta kenë shtetet e tjera që ta ndihmojnë këtë shtet të ri, atëherë bëhet me domerthënëse shpresa se në këtë pranverë që po hymë, do të ketë vende të reja të punës. Këtë e ka deklaruar edhe qeveria në programin e saj“.

Plaku Ramadan Ukaj nga Lumbardhi i Decanit, eshte I revoltuar nga realiteti kosovar:

“Qekjo ministri, cka faqen e zeze ban polici me nje rroge 200 euro, e ministri 7000 euro rroge. Si t´hip minister i ban 20 pallate per vete, i ben 20 grada per veti. Po a e din ti si cka se bajsh me djerse tone, ke me ia pa sherrin? nuk ka me ia trashegu djali as ai vet! Ti nuk e mrrin ti Gani Begin, 120 killa o kone edhe qeni ee ka pas rrogen 400 qese, prej Serbise ne muaj. E ka shti Kosoven neer serbi. Po kur hini partizani, osht ardhe ne 22 killa o dek.Edhe ktyne ka m´u ardhe qashtu,kam e ua pru Zoti si me mbet ne qengela,a more vesh?!“. 

Sido që të jetë, qeveria e Kosoves ende nuk ka dalë me një qëndrim të qartë se ç'përkrahje do t'I bëhet ekonomisë së vogël, si vendi më I sigurt për hapjen e vendeve të punës, ndërkohë-pohon drejtori Gara. Dhe per kete,

"Si rrjedhojë e gjëndjes së rëndë sociale, në Kosovë, në buxhetin e deklaruar mbi 1 miliard euro, Ministria për Punë dhe Mirëqenje sociale merr pjesë me mbi 17-të per qind. Pra, mbi 36 mijë familje me 180 mijë anëtarë varen nga ndihma sociale, që është një pjesëmarrje e lartë në këtë buxhet të varfër që kemi".

Sipas standardeve te Bankes Boterore, shkalla e varfërisë në Kosovë ku një individ brenda dite shpenzon 1,42 dollarë, është 42 per qind, ndërsa ajo e varfërisë ekstreme, ku një individ brenda dites shpenzon 0.86 dollarë, është 15 per qind.

 Ajete Beqiraj, Dojçe Vele