Kanë kaluar 18 vjet, qëkur Gjermania, me anë të protestave paqësore dhe pa derdhje gjaku, fitoi betejën më të madhe në historinë e saj. 3 tetori i vitit 1990, kur pjesa e ish-Republikës Demokratike të Gjermanisë, iu bashkua Republikës Federale të Gjermanisë, u kremtua edhe në Brigadën Shumëkombëshe-Jug, në Prizren; njëra nga të dy bazat, në të cilat me 12 qershor të vitit 1999, u vendosen njësitë e para të Forcës Ndërkombëtare të Kosovës(KFOR), të cilët përmes kufijëve me Shqipërinë dhe ish-Republikën Jugosllave të Maqedonisë, marshuan drejt Kosovës. Gjeneral Brigade, Ëilhelm Grun, është komandant I Kontigjentit Gjerman, me 2500 ushtarë, ndërkohë.

“Bashkimi i Gjermanise është ditë e ribashkimit të popullit tonë. Dhe, ne jemi këtu të ofrojmë të njëjtën mundësi për popullin e Kosovës”-thotë gjenerali Gryn.

“Dhe, të shërbesh në Kosovë është ndjenjë e mirë, sepse atë që e kam mësuar në Gjermani-respektin ndaj kulturave të ndryshme, mund ta bart këtu”-thotë Markus Berndloder, i cili për të tretën herë sherben si ushtar i kontigjentit gjerman, në Kosovë.
 

Gjenerali Gryn gjate ceremonise “Në këtë festë të ribashkimit të Gjermanisë, unë shoreh bindjen time se edhe Kosova, si shtet i ri, në një të ardhme të afërt mund të jetë një shtet me marrëdhënje të mira me shtetet fqinje dhe me liri dhe drejtëi për të gjithë popujt brënda tij, sic është edhe në Gjermani”-thotë Burkrad Kostern, historian, i cili shërben për herë të parë në Kosovë.

Revolucioni i inicuar nga njerëz të thjeshtë, pastorë evangjelistë dhe priftërinj katolikë, me 3 tetor të vitit 1990, njihet si revolucioni më i sukseshëm dhe më paqsor që mban mend Evropa.

Ajete Beqiraj, Dojce Vele                                                                                                                     Ushtaret e Bundesverit gjate ceremonise