Gjakova, është i pasur me një sërë monumentesh të lashta kulturore e fetare. Zemër kulturore e këtij qyteti tregtie dhe artizanatesh është Qarshia e Madhe, në krye të së cilës ngrihet Gjamia e Hadumit. Një pjesë e këtij monumenti të periudhës otomane, të ndërtuar që në shekullin XVI-të, me 1999 u dogj nga forcat serbe, bashkë me bibliotekën që datonte që nga kohë e themelimit.

Restaurimi I Gjamisë së Hadumit, i cili pritet të përfundojë së shpejti, fillon realizimin e projekteve që përcjellin Konferencën e Donatoreve, të mbajtur me 2005, në Paris, me ç´rast u ndanë 10 milionë dollarë. Implementimin e këtij projekti, i cili fillon në bazë të marrëveshjes së nënshkruar nga ish kryeadministratori I Kosovës, Joachim Ryker me organizatën e UNESKO-s,  në janar të këtij viti, e bën organizata suedeze, “Trashëgimia Kulturore pa Kufi” (CHWB).

„Gjamia e Hadumit është ndër monumementet më të vjetra të përiudhës së sundimit të perandorisë osmane.  Monument më të vjetëër nuk kemi!”-thotë Sezair Gafurri, menagjer i projektit nga CHËB.

Restaurimi I muraleve po kryhet nga Nihad Shengic, nga Bosnje Herzegovina dhe Eliza Stefanini, nga Italia, të cilët në bashkëpunim me gjashtë ekspertë local po nxjerrin në pah pervojen briliante të vjelur nga shtete të ndryshme të Evropës.

„Trashëgimia kulturore është një thesar i ndërtuar, të cilin vetëm duhet restauruar dhe ruajtur. Dhe, këtë mund ta bëjë më së miri vetëm populli i kulturës përkatëse. E, nëse kjo kulturë mungon apo pëson momente të degradimit, ai thesar mund të rrënohet deri në pakthim“.

Piktori Nihad Shengic, i cili ka restauruar muralet e Gjamise së Begut, në Sarajevë, të Katedrales së Bolonjës, e të shumë monumenteve të vlefshme të kultures evropiane, vjen me vlerësimin për Gjaminë e Hadumit, në Gjakovë:

„Kjo gjami në mes të Gjakovës, është si një margaritar në guacë. Është, një perlë e Kosovës, me një kupolë sferike, objekt i renesancës, me një formë inovative me dimensione të vogla, por shumë madhështore, në muret e së cilës mund të lexohet se si një objekt kulturor i nënshtrohet fatit dramatik të hapësirave në të cilat gjendet“.

Sipas Bashkësisë Islame të Kosovës, gjatë agresionit serb të vitit 1999, në Kosovë, u dogjën dhe u rrënuan 209 objekte fetare islame, prej tyre 205 gjami, 3 medrese dhe 1 teqe. Gjamia e Hadum Ages, në Gjakovë, e cila po restuarohet ndërkohë, është nën mbrojtjen e UNESKO-s, si thesar I trashëgimisë kulturore botërore.

Ajete Beqiraj, Dojce Vele