„Peja pret diasporën 2008“, ishte emri i koncerti i mbrëmjes së parë të ditëve të diasporës, organizuar nga Kuvendi Komunal i Pejës dhe shoqeria civile, si shenjë dashurie e mirënjohjeje për diasporën.

„Që te gjithë shqiptarët të bashkohemi në një përgjithmonë. Të mos harrojmë njëri tjetrin e sidomos vëllëzërit gurbetqarë, se shumë kemi vujt për këtë dhe“-porosit Xhevat Balaj, me banim në Zürich të Zvicrës, i cili ka ardhur të kalojë pushimet në shtetin e tij.

“Peja prêt disaporën 2008”, është edhe emri I kësaj buqete ktivitetesh  të llojllojshme, e cila do të zgjas deri me 24 gusht. Porosia për mërgimtaret: “Festoni ne shtetin tuaj”!

„Le të festojnë në shtetin e tyre sa më mirë-porosit Nysret Lipa, anëtar I Këshillit Organizativ të Manifestimit “Peja pret diasporën 2008”. Ne mundohemi që shërbimi të jetë sa më efikas, që t´ua begatojmë pushimin me të gjitha të mirat që i kemi, pasi zemrën e kemi të hapur ndaj tyre dhe i presim gjithmonë që të vinë në shtetin e vet”.

Mërgimtarët kosovare kanë një brengë të përbashkët, të cilën e sjell Regjë Lataj, nga Carrabregu I Deçanit, me banim të përkohshëm në Flensburg të Gjermanisë:

„Ne kishim kerku krijimin e një Ministrie të Diasporës, të jemi të përfaqësuar në parlament të Kosovës jo vetëm ne që jemi në Evropë, por edhe ata që kanë ikur në të gjitha anët, që të kemi një ministri që t´na japë sqarime, si të kthehemi, ku të investojmë, çka të bëjmë tutje?“

Se, krijimi i politikave të përshtatshme të statusit të diasporës kosovare ka rëndësi kyçe për nxitjen e zhvillimit ekonomik në Kosovë, mendon edhe Naim Dedushaj, përfaqësues i Zyrës për Diaporën, pranë kryeministrit:

“Kosovarët jashtë vendit presin që qeveria e Republikës së Kosovës të bëjë për ta atë që nuk është bërë asnëherë deri më tani. Detyrë primare e qeverisë në përballje me sfidat dhe largimin e pengesave është krijimi i autoritetit të qëndrueshëm qeveritar, i cili do të merrej me problemin e diasporës“.

Nisur nga numri i përgjithshëm prej 2.5 milion kosovarëve, 450 mijë prej të cilëve jetojnë jashtë kufijve të vendit të origjinës, diaspora kosovare perben 17 % te popullësisë së Kosovës.

Ajete Beqiraj, Dojce Vele