Mesdita e dhjetorit frymon në atmosferën e natës e së Vitit të Ri. Rrugët e Prishtinës janë veshur me petkun e shkëlqyeshëm festiv që shkrihet në vezullimin e dritave  shumëngjyrëshe. Rrugët gumëzhojnë nga njerëzit përderisa të tjerë në dyçane, blejnë ushqime për sofrën e natës së ndërrimit të motmoteve.

Por, cila do të jetë shporta e natës më të hareshme të vitit? A do të jetë ajo më e varfër apo me e pasur se në vitin që po lëmë pas?

„Unë kujtoj se do të jetë më e varfër, jo vetëm për mua por për shumë të tjerë. Sepse, për dalim nga vendet e tjera kur në prag të festave të mëdha zbresin çmimet, në Kosovë ndodh e kudnërta. Pra, ngriten çmimet sepse nuk ka ndonjë kotrollë! Dhe kjo e bën edhe shportën e ndërrimit të motmoteve më të lehtë–përgjigjet Agroni, 45 vjeç, I cili sapo ndaloi në parkingun e një supermarketi të kryeqytetit.

Agroni gjatë gjithë festës do të qëndrojë vetëm në familje.

“Natën e ndërrimit të motmoteve do ta pres në familje, se këhtu ëhtë traditë te ne. Por, kjo nuk do të thotë se natën e dytë apo të tetë do ta pres në ndonjë restoran, ku zakonisht takohen njerëzit e pasur.Sepse, intelektualet, për fatin e keq të tyre por edhe për fatin e keq të shoqërisë që nuk ëhtë përkujdesur për ta, sikurse do të detyrohen ta presin festën në shtëpi”.

Kosovaret, në sheshin e Prishtinës sonte do të shijojnë ndërrimin e motmoteve nën shkëlqimin e fishekzjarreve në mënyrë të organizuar. Ndërsa, që kjo natë festive të kaloj sa më qetë, do të përkujdeset Shërbimi Policor i Kosovës-thotë zëdhënësi, Veton Elshan, sipas të cilit, nëpër të gjtha qytetet e Kosovës do të ketë patrulla shtesë dhe pjesëtarët e ShPK-së gjatë gjithë festës do të jenë afër qytetarëve për t´iu ndihmuar në rast nevoje”.

Ndërkohë, nëpër stacionet e Prishtinës, grupe studentësh nga vise të ndryshme të Kosovës, po iu kthehen familjeve të tyre. Ndërsa, dëshirën më të madhe për Vitin e Ri 2008, na e përçon zëri I Shkëlqimit, 19 vjeçar, I cili po kthehet ta presd festën në familjen e tij, në Deçan.

“Paj, dëshira ime me madhe është si e të gjithë shqiptarëve: të na vie Pavarësia e Kosovës!

Dhe, dita ecën drejt fundit të një vitit të pritejve të mëdha e të zhgënjimeve, përderisa mëngjesi i ditës së re do të çel me një grumbull dëshirash. Atyre , të cilave ju prin ajo, më e madhja, erreazlimi I së cilës është nisur drejt popullit të Kosovës dhe pritet te vie në Vitin e Ri 2008.

„Hapy New Year…You and I…“

Ajete Beqiraj, Dojce Vele