Këto janë fjalët e humanistes shqiptare, Nëna Terezë, me rastin e marrjes së çmimit Nobel për Paqe. Ish presidenti I Shteteve të Bashkuara të Amerikës, Ronald Regan, me 1975 personalisht e dekoroi me Medaljen e Lirisë. Përderisa, pasnjë vargmirënjohejeve që ju jepetn figurave të shquara të njerëzimit, në vitin 2003, Nëna Terezë, u lumturua nga Papa Gjon Pali i Dytë.

 “Të gjitha këto vlerësime të larta, kishin për bazë sakrificën e pashembullt për të mirën e përgjithshme të njerëzimit për paqe, dashuri dhe harmoni në botë“-thotë presidenti i Kosovës Fatmir Sejdiu për të shtuar se,“Vepra dhe filozofia e saj ishin simbol I bashkimit, I tolerancës dhe I mirëkuptimit. Këto vlera sublime kanë qënë përherë udhërrëfyes të kombit shqiptar, I cili duke mbajtur dhe kultivuar besime të ndryshme në të njëjtin truall, u bë shembulli  më I mirë I bashkëjetesës dhe harmonisë mes njerëzve, pa dallim”.

Ipeshkvi I Ipeshkvisë së Kosovës, don Dodë Gjergji thotë se Nëna Terezë ishte dhe mbeti përfaqësuesja më e denjë e shqiptarëve në mbarë botën. Prandaj,„S´ka detyrë më të madhe dhe më të shenjt se sa të kujtojmë Nënën Terezë; nënën tonë, e cila ishte dhe mbetet përfaqësuesja me e denjë, më e lartë dhe më e shkëlqyer e popullit tonë në mbarë botën!“

„Simboli i kombit modern shqiptar dhe njëra ndër simbolet e mbarë njerëzimit"(pres. Ibrahim Rugova), ruhet edhe në zemrën e popullit, nga gjiri i të cilit sjellim disa mendime:

„Ajo për mua është nënë e ndershme e gjithë kombit shqiptar,e cila ka sakrifiku jetën e vet për popullin shqiptar dhe për botën mbarë!“

“Nga që Nëna Terezë i përket popullit shqiptar unë jam krenar pse jam shqiptar“

“Për kush e di çka asht kjo dynja, duhet me qënë krenar gjithë shqitparia që e ka atë nënë”.

Me 5 shtator, në qendër të Prishtinës do të fillojnë punimet për ndërtimin e katedrales rimokatolike, kushtuar humanistes shqiptare Gonxhe Bojagjiut të njohur në mbarë botën si „Nëna Terezë“. Gurin themeltar të kësaj katedraleje e pat vënë presidenti I ndjerë, Ibrahim Rugova, me 28 korrik të vitit 2005. Numri I katolikëve, në Kosovë, i cili arrin në 65.000 me 40.000 të tjerë në diasporë, ishte një fakt tjetër për polemika, duke pasur parasysh se 97 për qind të popullatës së përgjithshme në Kosovë i përkasin besimit musliman.

Zef Kacoli, 83 vjeçar, është katolik nga Llozhani i Pejës:

“Nuk e kan pas mirë. Tek e fundit, Vaso pashe Shkodrani ka thanë::”Coniu shqiptar prej gjumi çonju; në një besë të gjithë shtrëngonju; mos shikoni kisha e gjamia, se feja e shqiptarit asht shqitparia!“

Zymer Lajçi, 66 vjeç, musliman nga Shtupeqi i Rugovës:

“Katedralja në Prishtinë do të jetë katedrale e vëllezërve tanë katolikë, në të cilët i kemi rrënjët edhe ne. Te na nuk ka çu peshë kush çfarë fejë asht; ortodoks, katolik a musliman. Veç kombi ka pas rëndësi. Na t’ gjithë jemi shqiptar!”

Manifestimi, „Ditët përkujtimore të Nënës Terezë“, do të zgjasë deri me 7 shtator. Punimet në katedrale do të fillojnë me 5 shtator. Ndërsa, selia e Ipeshkvisë së Kosovës e cila ndërkohë është në Prizren, pas ndërtimit të katedrales, pirtet të bartet në Prishtinë.

Ajete Beqiraj,Dojce Vele