Është mesnatë shtatori dhe nuk është ngrohtë. Por, për të zotin e shtëpisë matanë rrugës së pluhurt nuk përbën problem që ai të qëndrojë jashtë dhe me volumin e ngritur të radios, t'I bëj qejf vetes. Ulëritja e tij në çast të bën të të vie keq për ndonjë të metë të lindur. Por, ai nuk është i sëmurë mental. Ai është një ish narkoman, I cili përkrah mundimit t'i rikthehet jetës normale, dështon përherë. I pafuqishëm të përballet me fuqinë e ligë që e mbërthen kohë pas kohe, në mëngjes-kur jeta duket më e bukura apo në mbrëmje-kur I zhytur në të zezën e saj, humbet rrugën pa mundur të kuptoje se cilit lloj qënieje I përket vertet, ai kohë pas kohe përsërit veprime monstruoze. Në këtë mesnatë, ai ka ngujuar në makinë të ëmën plakë, përderisa si pëngje përreth tij mban bashkëshorten që ndrydh duart dhe të tre fëmijët e vegjël, që janë strukur si zogj drithërueshëm.

Është ky vetëm njëri prej 160 konsumuesve të drogës, të evidentuar në Rajonin e Pejës, prej të cilëve janë 13 femra dhe 151 meshkuj, mosha mesatare e të cilëve është 25.6 vjec. Sepse, droga në Kosovë nuk është më vetëm një lajm në gazetë apo një film në ekran, por është një problem real dhe pjesë përbërëse e shoqërisë kosovare.

Por, sipas Reshat Nurbojës-autor I dy librave përmbajtësor për dëmet që shkakton droga, narkomanët nuk njihen si përpara, kur ishin levizjet e hipikëve të cilin dalloheshin në bazë të flokëve. Sot narkomanët duken krejt normal dhe jo si në litarturën shkencore, ku thuhet se janë të papastër dhe të crregullt. nuk e mbajnë pastërtinë. Ata mund të njihen vetëm nga bebëzat e syve, nga fytyra e zbehur, dridhja e duarve, hundet,etj. Z. Nurboja rrëfen edhe për arsyet që I shtynë të rinjtë t'I futen kësaj eksperience të rrezikshme.

"Dikur ishte një teori, sipas së cilës nuk duhet t'I jepet  shumë hapësirë problemit të drogës pert shkak se kurreshtja eshte nder elementet kryesore qe nzit tinejgjerin ta provoje dhe se gjithe cfare shte e ndaluar, eshte me terheqese. Mirepo, kjo me kohe ka rene poshte, per arsye se pasojat e mosinformimit jane shuke me te medha. Ketu ka nje rol te madh familja. Sepse, femija pervec ushqimit dhe veshjes ka nevoje edhe per biseda. Prandaj, prinderit e kane obligim qe me femijet e tyre te flasin për cdo problem, sepse kur veprohet keshtu gjithnje gjendet menyra e tejkalimit, sepse marrin informatat adekuate per parandalim te ketij hapi."

Në Kosovë, sipas Reshat Nurbojes, ndihma profesionale kundër drogës është tejet e vogël. Fushatat, në të shumtën e rasteve janë të atypëratyshme dhe ato që shtrohen janë statistikat- jo problemi. Atje nuk ka një senatorium për shërimin e sëmundjeve të varshmërise, përvec disa shërbimeve të vogla në Prishtinë të cilat ndihmojnë në përballimin e krizave. Sipas statistikave të disa shoqatave që merren me problemin e drogës, në Kosove janë rreth 5000 deri 7000 narkomanë.

" Nëse vazhdojmë me një trend të tillë, së shpejti ky problem do të jetë alarmant dhe sigurisht nuk do të mund ta kthejmë nën kontroll, sikur që s'ka mujtë asnjë shtet tjetër. Per me teper, qasja e shoqerise ndaj kësaj problematike është joadekuate dhe nuk lejon hapësirë të mjaftueshme, që vërtet në mënyrë të gjithanshme të analizohet, shtjellohet dhe të tjekalohet problemi I drogës në Kosovë? Është koha e fundit që të fillojë evidentimi në mënyrë profesionale, të ekzistojne kartotekat e cdo narkomani në Kosovë, sepse narkomani e ka shumë të vështirë ta tejkalojë këtë krizë vetëm".

Dikur ekzistonte bindja se ka probleme më prioritare sesa droga dhe devijimet tjera shoqërore. Mendim naiv dhe joprofesional-mendon Reshat Nurboja.

"Edhe pas luftës ka vazhduar kjo bindje, që është mendim naiv dhe joprofesional, sepse tani kemi nje problem kyc që është problemi I Pavarësisë së Kosovës. Ndërsa nesër do të vazhdojë me hyrjen e Kosovës në Evrope, e kështu me radhë. Qasja joprofesionale e problemit të drogës, në Kosovë, krijon hapësirë shumë të përshtatshme për zhvillim duke hapur një treg të ri për bimet narkotike"-thotë Reshat Nurboja.

Fakti se në fushat e Kosovës kanë filluar të kultivohen bimët narkotike, mbase është një dëshmi më shumë se është koha përfundimtare për mobilizim të institucineve për tejkalimin e këtij problemi.

"Për këtë arsye, 'Bosët' e mëdhenj ndërkombtar kanë vlerësuar se në Kosovë, në kushtet e tanishme me pengesa krejt të vogla, mund të zhvillohet ky biznes. Prandaj edhe jemi dëshmitar të dukurive të tilla që në tokat tona shoqërore të mbillen bimë të këtilla, sepse leverdia është shumë e madhe. Përvec kësaj, vlerësohet se kualiteti I kësaj droge në territoret shqiptare është e kualitetit shumë të lartë"-thotë Reshat Nurboja.

Kjo është një dukuri e re në Kosovë. Megjithatë, jo rrallherë zbulohen bimë narkotike të mbjellura në pronat shoqërore apo të askujt-një praktike e kultivuesve të kësaj bime. Është fjala për Cannabis Sattiva e njohur si Litari Indian, prej se ciles perfitohen drogat Marihuana dhe Hashishi. Zbulimi I 506 bimëve narkotike në fshatin Leshan dhe poashtu te 1180 bimëve të tjera, eshte aksioni më I fundit që ka marrë Skuadra për Hetimin e Narkotikeve pranë Njësitit Rajonal të SHPK-së, në Pejë. Por, jo I vetmi, kur kemi parasysh kur bima e ashtuquajtur Cannabis Sattiva në sasi më të vogla u zbulua edhe në lagjen Dardania 2 ne Peje, fshatin Prilep të komunës së Decanit si dhe në fshatin Raushiq të komunës së Pejës.

"Bimet në fjalë I shkulim me rrënjë nga ngastrat ku janë kulivuar dhe të njëjtat I marrim për dëshmi fizike dhe pastaj, me urdhër të prokurorit, asgjësohen nëpër furrat e parapara"-njofton zëdhënësi I Njesitit Rajonal te SHPK-se ne Peje, toger Avni Xhevukaj. Perderisa Reshat Nurboja mendon se: 

"Pikërisht për këtë arsye, 'Bosët' e mëdhenj ndërkombtar kanë vlerësuar se në Kosovë, në kushtet e tanishme me pengesa krejt të vogla, mund të zhvillohet ky biznes. Prandaj edhe jemi dëshmitar të dukurive të tilla që në tokat tona shoqërore të mbillen bimë të këtilla, sepse leverdia është shumë e madhe. Përvec kësaj, vlerësohet se kualiteti I kësaj droge në territoret shqiptare është e kualitetit shumë të lartë".

Ajete Beqiraj,Dojce Vele