Sekretari I përgjithshëm I Organizatës për Siguri dhe Bashkëpunim, në Kosove, Marc Perrin de Brichambaut, te martën, në Prishtinë premtoi mbështetje të mëtutjeshme të  vendeve anëtare të kësaj organizate.

“Përfaqësuesve të forcave politike, në Kosovë, pata rastin t’iu them se të 56 vendet anëtare të OSBE-se do të jenë të pranishme në Kosovë, për të ndihmuar funksionimin e institucioneve demokratike”.

Ndërkaq, zëvendëskryeministri, Lutfi Haziri, priti ministrin austriak për shkencë dhe kërkim, Johannes Hahn.

“Që nga viti 1999, ne kemi shpenzuar rreth 50 milionë euro në zhvillimin e edukimit në Kosovë dhe për momentin, buxheti aktual është rreth 4.5 milione euro”-tha ministri Hahn, duke shtuar se Austria është krenare që mbështet këtë pjesë të Evropës e cila presim të bëhet e tillë edhe zyrtarisht.

Austria ka dhënë shumë në ngritjen e kapaciteteve e sidomos në aftësimin profesional të kuadrove. Por, ministri federal për shkencë dhe kërkime i Austrisë, Johannes Hahn, pas takimit me zëvendëskryeministrin Lutfi Haziri, tha se pas zgjidhjes se statusit, Kosova duhet të zhvillojë edhe arsimin pasi që, siç u shpreh ai, një shteti të fortë i duhet edhe një shoqëri e arsimuar. Ndërsa: “Qeveria austriake ka ndarë 3 milionë euro për themelimin e Agjencisë së Akreditimit, e cila do të ndihmojë Universitetin e Prishtinës në garantimin e cilësisë së arsimit të lartë”-premoti ministri Hann.

Zëvendës kryeministri Lutfi Haziri, I shprehu mirënjohje qeverisë austriake për ndihmën e dhënë Kosovës në fushën e arsimit, në të cilën fushë Kosova edhe më tej ka nevojë për donacione të huaja.

Ajete Beqiraj,DW