"Natyra na thotë: Ji e mençur nëse deshiron. Por, të jesh e nderuar është thelbësore!"

Dhe ky nder, kësaj radhe iu takoi dy radiove publike shqiptare, Radio Tiranës dhe Radio Kosovës. 

Sepse misioni I gazetarit, fundja, është ky: që përmes zërit të përcjell ndjesi dhe emocion, e çka është më e rëndësishmja, vërtetësi. Gjithçka që prek realitetin!-thotë autorja Ermenita Njuma, drejtoreshë e programit të Radio Tiranës, e cila me Rrëfimin për të riatdhesuarit e Kosovës fitoi Cmimin Special të Radio Festivalit Rajonal Zëri si nxitje e kreativitetit-Neumi 2007, për të shtuar se:

Ky shpërblim vjen jo vetëm për elemëntet që bart reportazhi, por edhe për misionin që mori përsipër të përcillte, sepse ai mbyllet me një fjali shumë të madhe: Mirë se të gjejmë të lirë, Kosovë! Dhe kjo don të thotë shumë! Kjo emociononte jo vetëm para tetë vjetësh, por edhe në këtë prag kur ne presim statusin e Kosovës….

Mëngjesi dhe mbrëmja…Ikja dhe kthimi, jane ndalur në pritje të çastit fatlum! Koha rend për të nesërmen, dhe e ardhmja e dëshëruar formësohet në një ngrehinë ku të gjithë duan të mbërrinë, për të thënë: Mirë se të gjejmë të lirë, Kosovë!(Radio Tirana,reportazhi fitues).

Komisioni e vlerësoi si shembull se si punohet një radio reportazh-përsërit vlerësimin e jurisë, Dhurata Kaba, nga Radio Kosova. 

Drejtoresha e Radio Festivalit të Tretë Rajonal Zëri si nxitje e kreativitetit-Neumi 2007, z. Borka Rudic, sjell opinonin e saj:

"Jam shumë e kënaqur për faktin se, kësaj radhe kanë marrë pjesë rreth 40 radio lokale nga I gjithe rajoni, dy fakultete dhe 2 shkolla gazetarie, një Institut per Media dhe mbi 100 gazetarë, përfaqësues të radiostacioneve, ekspertë të medias si dhe të tjerë që janë të interesuar për radion, si medium. Por, jam e kënaqur poashtu edhe me kualitetin e produksionit të prezantuar në këtë festival, sidomos me punimet që kanë ardhë nga radiot shqiptare, të cilat me kualitetin e tyre janë futur në mesin e punimeve të shpërblyera nga juriaâ".

Suada Axhanel, organizatore e Shoqatës së Radiostacioneve Lokale të Evropës Juglindore, "Alter Media":

Radiostacionet nga Kosova dhe Shqiperia kanë lënë një përshtypje te juria, si radiostacione profesionale. Ato u prezantuan me materjale shumë të mira, të cilat në fund edhe u shpërblyen me çmime speziale. Dua të përmend storjen e Radio Kosovës, të autores A. B., të cilën juria e vlerësoi si shumë interesante. Këtu, autorja ka shfrytëzuar festën e 1 majit që ta trajtojë temën për turzimin, që ishte një e papritur! Pra, ajo, në kuadër të Ditës Ndërkombtare të Punës, i njofton qytetarët me të gjitha ato që ofron kjo pjesë e Deçanit.

Është 1 maji, Dita Ndërkombtare e Punës. Moti është i  vranët dhe në çdo çast pritet të bie shi. Por, kjo nuk i pengon vizitorët nga mbarë Kosova, që të drejtohen kah grykat magjepsëse të Dukagjinit….(rep.Radio Kosova).

Dhurata Kaba, kaloi jetën në gazetari, prandaj e njeh mirë ndjenjën gazetarit të shpërblyer:

Kënaqësia më e madhe për një gazetar është, kur bën diçka dhe të tjerët ta vlerësojnë mirë. Sepse, gazetaria është art, madje do të thosha, më e madhja e arteve!

"Dhe dita vazhdon me moton e njëjtë, qetë e heshtur, jashtë halleve të përditshmërisë, sikur të gjithë të donin të ndalonin kohën për një çast. Valët e vizitorëve përshkojne  gryken magjepsëse të Decanit, duke shijuar këtë çast gëzimi i cili ka filluar që në mëngjes dhe do të vazhdojë deri në orët e vona, sigurisht!..."(reportazhi, Radio Kosova).

Ajete Beqiraj, Dojce Vele