„Presidenti Rugova dekorohet për rolin e çmuar dhe kontributin e tij rreth njohjes se problemit të Kosovës, për urtësinë dhe rezistencen paqësore si dhe për punën udhëheqëse pas çlirimit të Kosovës, duke çuar vendin drejt zgjidhjes përfundimtare: Pavarësisë“.

Kështu thuhet ndër të tjera, në motivacionin e dekoratës së lartë të shtetit të Shqipërisë, e cila përmes dy këshilltarëve të presidentit të deritanshëm, Alfred Moisiut, iu dorëzua të shtunën familjes Rugova.

“Kjo dekorate I jepet figurës madhore të Kosovës, liderit historik të Kosovës dhe njërës nga figurat më të shquara të kombit shqiptar”-tha këshilltari Muhamet Kapllani, para dorëzimit të dekoratës më të lartë nga shteti shqiptar, familjes së presidentit të ndjerë, Ibrahim Rugova.

Dekorata, urdheri i Flamurit, është dekorata më e lartë e shtetit shqiptar. Kohë më parë, kjo dekoratë iu dha edhe presidentit Bush.

Ajete Beqiraj