“Të gjithë vëmë dorën mbi gjedh,si pjesëmarrës në atë kurban-rrëfen Nysreti. Pas therrjes në qafë, në dy damarët kryesorë, derisa t’ I dalë shpirti dhe të pastrohet nga gjaku, ai që e therr I fal dy rekate namaz dhe lutje që ky kurban të pranohet nga Zoti. Pastaj ndahet në shtatë pjesë të barbarta, të cilat cdonjëri jemi të obliguar qe t’I ndajmë në tri pjesë: një pjesë për të afërmin, një pjesë për një të varfër dhe një pjesë e ndal për familjen”.

Përderisa anembanë Kosovës bëhen therrjet e kurbanëve në mënyrë individuale, në Prizren po bëhet therrja e kurbaneve në mënyrë kolektive. Sepse, tashmë është bërë traditë që Bashkësia Islame e Kosovës, përkatësisht Medreseja "Alaudin" të bëjë tubimin dhe therrjen e kurbanëve që vinë nga besimtarët, nga Kosova e diaspora.

Kryeimami I Bashkësisë Islame të Kosovës, Sabri Bajgora:

"Natyrisht, Bashkësia Islame e Kosovës, këta mish e shpërndan në të gjitha institucionet ku ka nevojë, nëpër spitale, nëpër qerdhe fëmijësh, në jetimore…Sepse, këta kurbanë janë nga populli-për popullin dhe mishi I tyre do të arrijë aty ku është nevoja më e madhe, aty ku është shpërblimi më I madh I Allahut. Mirëpo ,duhet të këemi shumë kujdes, sepse Kurbani pranohet si kurban legjitim, vetëm nëse prehet pas faljes së namazit të Bajramit, qoftë për të gjallët qoftë për të vdekurit! "

 Ndër keta skamnore të cilët do të përfitojnë nga mishi I kurbanit është edhe Zyhra Beqiri, të cilën e gjejmë në kasollen e varfër, të strukur nën jorgan.

“Po narth boll,vallahi...Boll!”

"A pret dikë për Bajram?”

“Jo! Kurrkush nuk vjen te une! Veç, n'mujsha me dalë vet e mos me e thy komen a dorën, dal. S'mujta, rri qetu ner jorgan, për gjynah!"-thotë Zyhra Beqiri, të cilën e gjejmë dhe e lëmë në kasollen e ftohtë e të varfër, të mbytur ngamale leckash te hedhura e enësh të palara.

Festa e Kurban Bajramit është njëra prej të dy festave madhore të islamit, pas asaj të Fiter Bajrami.

"Poashtu, edhe Kurban Bajrami, vie si shpërblim nga ana e Zotit xh.h., pas kryerjes së obligimit të pestë të islamit-Haxhi. Në Kurban Bajram ndërlidhet fuqishëm segmenti tjetër social: prerja e kurbanit, me anë të të cilit ne përkujtojmë sakrificën sublime të Ibrahimit a.s., i cili ishte I gatshëm që për hir të Allahut xh.h. ta sakrifikonte edhe të birin e tij. Qëllimi I tërë kesaj është, afrimi me Zotin tonë, me adhurimin dhe devotshmërinë tonë. Fundja, dihet se as mishi e as gjaku I kurbanit nuk arrinë te Allahu xh.h., por arrin përkushtimi dhe devtoshmëria që kemi në zemrat tona".

Therrja kolektive e rreth 5.000 kurbanëve të dhuruar nga besimtarë nga Kosova dhe diaspora, mund të vazhdojë deri në ditën e tretë të Kurban Bajramit. Ndërkohë, 591 haxhinj të nisur nga Bashkësia islame e Kosovës, gjenden në Qabe të Mekës. Ata janë nisur me 5 dhjetor dhe deri me 31 dhjetor pritet të kthehen në Kosovë.

 Ajete Beqiraj, Radio Kosova