Meqënse Këshilli i Sigurimit nuk arriti që të tejkalojë kundërshtimin e Rusisë për një rezolutë të re për Kosovën,  institutcionet kosovare po përgatiten për alternativa të reja. Kështu të paktën lënë të kuptohet deklaratat e fundit, ndër të cilat edhe deklarata e sotme e kryemisntirit te Kosovës, Agim Qeku, I cili pas takimit me kryeadministriatorin e Kosovës Joachim Ryker, shpalli të dështuar zgjidhjen e qështjes së Kosovës përmes Këshillit të Sigurimit të OKB-së.

„Jemi dëshmitarë se procesi I definimit të statusit përmes Kombeve të Bashkuara ka dështuar, është bllokuar dhe të gjithë ne bashkërisht, duhet ta shpallim të përfunduar dhe të gjejmë rrugë të tjera. Dhe, në këtë kërkim të rrugëve të tjera ne të tregojmë gatishmëri të jemi partner me Shtetet e Bashkuara të Amerikës, me Bashkimin e Evropian. Të ofrojmë zgjidhje dhe të marrim pëgjegjësi”.

Kryeministri i Kosovës, Agim Çeku, u shpreh kundër hedhjes në votim të rezolutës për Kosovën në Këshillin e Sigurimit nëse dihet qartë se Rusia do ta përdorë veton. Pas takimit që zhvilloi me Kryeadministratorin Joakim Ryker, Çeku vlerësoi se vetoja e Rusisë mbi rezolutën do të ishte e dëmshme për Kosovën.

“Me mire eshte qe te mos shkoeht ne votim dhe te gjejme alternative tjera„-propozon Qeku, për të cilat alternativa ai thotë se do të bisedojne të hënën, me sekretaren amerikane të shtetit, Condolisa Reis. Mesazhi I grupit të Unitetit për Uashingtonin do të jetë se, Kosova beson në rolin udhëheqës të Shteteve të Bashkuara të Amerikës për përmbylljen e procesit të zgjidhjes së statusit.

Kryeministri Qeku përmendi 28 Nëntorin si datë kur Kosova duhet ta shpall pavarësinë. Ndërkohë që, kryeparlamentari Kolë Berisha tha se Kuvendi do të kryejë obligimet e veta në kohën e duhur duke theksuar edhe nevojën për përkrahje të Bashkësisë Ndërkombtare në aktin e shpalljes së pavarësisë.

„Ne jemi për hapin e shpalljes së pavaresisë, atëherë kur pas hapit te parë jemi të gatshëm ta bëjmë edhe hapin e dytë”-tha kryeparlamentari Berisha, duke shtuar se Kuvendi I Kosovës është i gatshëm edhe për miratimin e agjendës  legjislative që del del nga Pakoja e Ahtisarit, përderiia hartimi i Kushtetutës së Kosovës, si ligj themelor, është në fazën e tij përfundimtare.

Në takimin e kryeministrit me shefin e UNMIK-ut, Joachim Rüker, është biseduar edhe për mbajtjen e zgjedhjeve në vjeshtë. Ryker tha se vendimi për zgjedhjet do të merret në fund të këtij muaji dhe se procesi i zgjedhjeve nuk duhet ta dëmtojë procesin e zgjidhjes së statusit.

Ajete Beqiraj,Dojce Vele