“Shqipdon! Këtu ka ardhë e tërë shkolla të të thotë se: Gjishmonë do të mbetesh në mesin tonë...Gjithnjë buzëqeshjen tënde do ta kujtojmë...Kurrs nuk do ts t´harrojmë!”

Në mesin e familjes Haradinaj të rrethuar nga mijëra njerëz nga të gjitha trojet shqiptare, ishte edhe ish-kryeministri i Kosovës, Ramush Haradinaj, axha i Shqipdonit 11-të vjeçar. Atij, nga Trupi I Gjykues I Gjykatës Ndërkombtare të Hages iu pat lejuar pjesëmarrja në ceremoninë e varrimit dhe të ngushëllimeve për nipin e tij. Ai doli para masës me fjalë falenderimi dhe ngushëllimi:

“Ne emër të familjes ju falenderoj dhe të gjithë jvue ju shpreh ngushëllime, i bindur se fëmijët në Kosovë do të rriten si duhet dhe jeta në Kosovë do të rritet për të gjitha moshat!”

Shqipdon Haradinaj, i lindur në kohën kur I ati I tij- Shkelzeni, po luftonte për lirinë e Kosovës, ende pa e kapur mirë kuptimin e kësaj lirie, humbi jetën në një aksident komunikacioni në rrugën e lagjes së tij. Por, aty ku këputen jetët nuk ndërpritet tragjedia. Sepse, “numri aksidenteve rritet-përgjegjësia bie!”-thotë zëdhënësi i Komandës Rajonale të SHPK-së, në Pejë, toger Avni Xhevukaj:

“Gjithmonë, shakaktari kryesor i aksidenteve është faktori njeri. Mospërshtatja e shpejtësisë, kushteve të rrugës, kushteve klimatike, mospërmabajtja e kufizimeve të shpejtësisë në bazë të shenjave të komunikacionit, sidomos kemi ngasje pa patente shofer apo vozisin automjete pa qënë të kualifikuar për kategorinë përkatëse...”.

Kesaj kategorie i përkiste edhe shkaktari i aksidentit fatal, me ç´rast mbeti viktime 11 vjecari Haradinaj. Vozitesi 20 vjeçar i autobusit bashkë me të atin e tij, tashmë gjendet prapa grilave.

Prokurori i Qarkut, Agron Galani:

“Sipas Kodit penal të Kosovës,  Konform kapitullit 26 që ka të bëjë me veprat penale kundër Sigurise se Trafikut Publik, denimi i paraprë është 1 deri në 8 vjet“.

Sipas prokurorit Agron Galani, në Prokurorinë e Qarkut në Pejë janë paraqitur 15 raste, janë ngritur 9 aktakuza ndaj të pandehurve, ndërsa 6 lëndë janë nën hetime e sipër.

Porkurori, Agron Galani thotë se:

“Kemi pas edhe tetë aksidente me pasoja fatale, me ç´rast kanë humbur jetën edhe vet vozitësit. Prej rasteve të tilla kemi tetë viktima të moshës shumë të re”.

Që nga janari i vitit 2007, vetëm në Rajonin e Pejës janë regjistruar 2072 aksidente, 510 prej të cilave me lëndime të ndryshme, 1542 aksidente me dëme materjale, ku si pasojë kanë humbur jetën 24 persona, shumica prej të cilëve, fëmijë. Aksidenti më i fundit fatal ndodhi në fshatin Morinë të Gjakovës, ku serish viktimë ishtë një këmbësor-fëmijë.

Ajete Beqiraj,Dojce Vele