„Gjysma e Kosovës është në Nju Jork, ndërsa gjysma tjetër është këtu në Prizren. Prandaj nuk  e di se kush ka mbetur në këtë mëngjes në Prishtinë?"-kështu filloi fjalën e tij, kryeadministratori i Kosovës, Joachim Ryker, kur nxënësit dhe profesorët e gjimnazit gjerman, „Loyola“, në Prizren, në mesin e qindra të pranishmëve po kremtonin dyvjetorin e themelimit të këtij institucioni.

 Përveç shefit të UNMIK-ut, Joachim Ryker, Kamandantit te KFOR-it Roland Kather, të zyrtarëve komunale dhe autoriteteve fetare të Kosovës dhe të shteteve të rajonit, në këtë kremtim mori pjesë edhe I dërguari I Papa Benediktit të XI-të, peshkopi Barbaro. Prandaj, shefi i UNMIK-ut, Joachim Ruker, Kosovën e cilësoi si shoqeri demokratike, multietnike dhe shumefetare.„ Sepse, përveç peshkopëve si dhe priftërinjve katolikë dhe protestantë, këtu është edhe myftiu I Prizrenit. Dhe, kjo është një shenjë se Kosova është në rrugë të mbarë"-tha shefi i UNMIK-ut, Joakim Ryker.

„Do të dëshiroja që gjimanzi „Loyola“, të jetë një sinjal se kultura dhe arsimi janë më kryesoret për një shoqëri. Dhe, ky sinjal të dëshiroja të japë të kuptojë se të gjithë njerëzit mund të jetojnë bashkë, pavarësisht besimit, kombësisë, ngjyrës, gjinisë apo moshës”-tha komandanti I forcës paqeruajtëse të Nato-s, në Kosovë, gjenerali gjerman, Roland Kater.

 Ky institucion arsimor, në Kosovë, po fiton poullaritet gjithnjë e më të madh për shkak të diplomave gjermane dhe mundesisë për studime në universitete të vendeve ku flitet gjermanishtja, por edhe në vende të tjera të botës. Ndër ata që i gëzohen këtij fakti është edhe Adrian Bytyci, nxënës I klasës së tetë.

"Këtu e kemi mundësinë që me diplomën gjermane të studiojmë në Gjermani, Austri, Zvicër ose në gjithë botën ku ne dëshirojmë të studiojmë. Kjo është çfarë më pëlqen më së shumti““.

32o nxënës nga e gjithë Kosova, por edhe nga Republika e Maqedonisë, i ndjekin mesimet në gjimnazin „Loyola". Në këtë gjimnaz klasik privat, të gjithë nxënësit arrisin nivelin e duhur në procesin arsimor. „Suksesi nuk është vetëm fryt i përkushtimit të nxënësve dhe i angazhimit maksimal të profesorëve, por është edhe rezultat i standardeve të larta të gjimnazit „Loyola“-thotë Fadil Bytyqi, gazetar shumëvjecar i BBC-së dhe tashmë, profesor i historisë dhe I gjuhës latine, në këtë gjimnaz.

„Në Evrope ecet vetëm përmes ngritjes dhe edukimit të gjeneratave të reja. Ndërsa kjo shkollë përmban në vete kriteret më të larta profesionale. Këtu, vërtet ka ardhë një copë e Evrope në mes të Kosovës“.

Gjimnazi gjerman,„Loyola“, i ndërtuar para dy vjetësh në dhjetë hektarët e ndarë nga vet komuna e Prizrenit, në opinion njihet si një gjimnaz katolik, në Kosovë-vend, ku shumica e popullatës i përket besimit musliman. Sipas drejtorit të shkollës Ëalter Hapel, gjimnazi është vetëm një institucion shkollor i të dyja gjinive dhe i të gjitha etnive.

"Nëse në shkollë janë shumica e nxënësve dhe profesorëve muslimanë dhe asnjë lëndë nuk ligjërohet nga fusha e religjionit, si mund të jetë kjo shkollë religjioze?“-pyetet drejtori Hapel.

Nxënësit e “Loyola’s“ sikur nuk duan t’ia dinë. Ata janë krenar për nxënjen e dies në këtë gjimnaz dhe i gëzohen Ditës së Shkollës!

„Jam krenare që jam e pranishme dhe njëkohësisht I falenderoj edhe prindërit e mi që ma kanë dhën këtë mundësi“-thotë Edona.Përderisa Bardhi thotë se i pëlqen shkolla, ngase është e bukur dhe e pastër“.

Komandanti I KFOrit-it, gjenerali Roland Kather, me këtë rast pohon se gjysmën e popullsisë kosovare e përbën rinia nën moshën 25 vjeçare. Kjo e bën Kosovën vendin me rininë më të madhe në Evropë; një vend me të ardhme!

„Ju jeni ardhmeria. Ju që qëndroni karshi meje, jeni e ardhmja e këtij vendi!“- ua përkujton gjenerali Kater të rinjve kosovarë.

 Ajete Beqiraj,Dojce Vele