Kushtet e rënda atmosferike, kurrizi I egër shkëmbor me një rënje nga ana e veriut deri në 400 metra dhe me një dukshmëri shumë të vogël nga mjegulla, nuk I pengoi rreth 90 alpinistë nga vendet e ish-Jugosllavisë, Evropës dhe Japonisë, që t'I ngjiten majës së Hajlës, për të nderuar alpinistin nga Novi Pazari, Safet Mavric, të njohur si Cako, në dhjetëvjetorin e përplasjes së tij.

"Pushtuam Majën e Hajlës që ta nderojmë me disa minuta alpinistin me përmasa botërore, I cili I pushtoi të gjitha majat botërore dhe përfundimisht vdes mu në Hajlë”-thotë alpinisti Fatos Lajci.

Por, përse alpinisti nga Novi Pazari zgjodhi pikërisht Bjeshken e Hajlën për trajnimet e tija sistematike?

Përgjigja është shumë e thjeshtë, thotë Fatosi, "sepse, Hajla është një territor shumë I vështirë, jashtëzakonisht I ftohtë gjatë sezonit të dimrit dhe është shumë e ngjashme gjatë janarit dhe shkurtit me bjeshkët e Siberise. Dhe realisht, në Novi Pazar nuk ka pas bjeshkë më të larta se sa Hajla”.

Malsorët rugovas kanë një lidhje të ngushtë me kujtimin e alipinistit, Safet Mavric, I cili pjesën dërmuese të jetës së tij e kaloi nëpër këto treva. Ata, dy tri herë ia shpëtuan edhe jetën, duke e gjetur nëpër bjeshkë gjysmë të ngrirë.

Sali Maloku, kryetar I shoqatës më të vjetër të bjeshkëtarëve në Kosovë, “Gjeravica”, dëshmon:

“Dy herë e kanë gjet rugovasit, e kanë mbështjell e çu në stane derisa është kthjell”.

 Mirëpo, pas shërimit të tij disaditor, Cako serish vazhdonte rrugëtimin në pushtim të majave. Synimi I fundit ishte pushtimi I majës 8850 metërshe, Mount Everest. Por, rruga e alpinistit të apasionuar u coptua në një greminë të bjeshkës së Hajles, ku që në moshë të re filloi maratonin e tij.

Rrefen Shefqet Bardhi, nga ekipi shpëtimtar i shoqates së bjeshkëtarëve, “Gjeravica”:

“Se, dëshira e tij e fundit ishte pushtimi I majës Mount Everest! Por, kur është ngjitur në majë të Hajlës aty ka qënë një strehë akulli. Teksa ësahtë përgatitur të kacafytet me borë, akulli e ka tradhtuar duke e lëshuar 300 metra në humnerë. Aty s’ka pas më shpëtim!”

Të 16 alpinistët nga Kosova, pjesëmarrës në marshin përkujtimor me 12,13 dhe 14 janar në Majë të Hajlës ishin nga shoqatat ambientaliste “Gjeravica”, “Mariashi” dhe “ERA”.

Sali Maloku, Kreytar I Shoqatës së Bjeshkëtarëve, “Gjeravica”:

“Morën pjesë 100 veta, 75 prej të cilëve pushtuan Majën e Hajlës, për hir të tij”.

Alpinisti Fatos Lajci, kryetar I shoqatës Ambientaliste, “ERA”:  

"E kemi njohur edhe përsonalisht. Për ne është një ndjenjë e shenjt".

Në bjeshkën e Hajlës, në përkujtim të alpinistit me përmasa botërore, Safet Mavric-çako, tashmë po ndërtohet një shtëpi për pasuesit e rrugës së tij.

Ajete Beqiraj,Dojce Vele