Drejtori i ftoi pjesëmarrësit në kinemanë e qytetit, „në botën e vërtet të filmit“. Dhe, pikërisht në orën 20-të, në ekranin e kinemasë së Prizrenit figuron titulli “ËE ARE TOGETHER”, I regjisorit britanik, Pol Tejlor; një rrëfim filmik për një grup femijësh, te cilët derdhin brengën në kënge.

Ndër të 800 filma konkurues, juria profesionale tashmë ka përzgjedhur 104. Në Konkurrencën Ndërkombtare do të shfaqen  31 dokumentarë, 22 filma të metrazhit të shkurtër si dhe 13 filma të animuar. Në Konkurrencën Ballkanike do të shfaqen 12 dokumentarë, prodhime të Kroacisë, Serbisë, Bosnjë Hercegovinës dhe Maqedonisë. Në Konkurrencën Kombtare do të shfaqen 9 filma nga Kosova dhe Shqipëria, ndërsa në Konkurrencën për Fëmijë do të shfaqen 7 filma.

 Ndër të 12 filmat e Programeve Speciale të „Dokufestit“ do t2 shfaqet edhe filmi austriak „Eksperimenti në hartë“, i regjisores Barbara Keiser, i cili nga kritikët vlerësohet si „një përmmbledhje politike, një para-fazë simbolike e përçarjes së Jugosllavisë së vjetër, ku në një hartë të paemëruar dhe në vargun e shteteve të ish-Jugosllavisë, 13 vienez përpiqen të përcaktojnë konturat e sakta kombëtare“.

Në fund të festivalit “Docufest 2007”, juria profesionale do të bëj vlerësimin e filmave, me c´rast prodhimet më të mira do të shpërblehen.

Ajete Beqiraj,Dojce Vele