Në prag të 28 nëntorit, Dites së Flamurit, në vitin 2005, nëpër sheshet e Prishtinës, për herë të parë u shpalos publikisht flamuri I propozuar nga presidenti, Ibrahim Rugova.

“Qeky flamur-tha, nuk osht veç për mua e për shqiptarët e Kosovës, por është për mbarë popullin shqiptar, kudo që janë. Ky flamur dardan, ka qenë para Skënderbeut!” -kujton deklaratwn e presidentit Rugova, plaku Sheqer Dobraj.

Prof. Shyqri Nimani, e ka parë këtë nga afër.

“Ka qënë një hap shumë I guximshëm dhe pozitiv, poashtu për arsye se Rugova ka qenë patriot, një njeri I cili është përkrahur masovikisht prej popullit të Kosovës, por me shfgaqjen atij flamuri u bë ishte një hendikep I madh, pasi që ai edhe u dogj ai flamur...”

Flamuri i Rugovës i njohur si Flamuri i Dardanisë, u quajt ‘i kontrabanduar’, ndërsa akti i djegjes së tij u krahasua me djegjet e flamurit serb, në vitin 1981, në sheshin e Prishtinës. Ai u dogj para ndërtesës së Kuvendit, me arsyetimin se për flamurin e ardhshëm të shtetit të Kosovës duhet të pyeten qytetarët e Kosovës dhe te vendos Parlamenti, por në asnjë mënyrë partitë politke e aq më pak, kryetari. Po sot, kush vendos për simbolet e shtetit të ardhshëm të Kosovës apo ç’kritere duhet plotësuar?

Në konkursin e hapur me 13 qershor nga Grupi Punues për Simbolet, kriteret për flamurin dhe stemën e Kosovës ishin që: dizajni dhe skema e ngjyrave të jenë të thjeshta, pa fjalë, slogane apo moto; të jenë unike, origjinale, të dallueshme dhe që pasqyrojnë aspiratat e popullit të Kosovës për integrimin në institucionet evroatlantike; që propozimet t’i përmbahen frymës dhe përmbajtjes së propozimit gjithëpërfshirës për zgjidhjen e statusit të Kosovës, në mënyrë që të mos paraqesin apo të ngjajnë me flamurin dhe stemën e cilitdo shtet, parti politike, lëvizje apo institucioni të Kosovës; që në flamur dhe stemë, të mos përdorej simbol shqiponje si dhe të përdorej vetëm skema e ngjyrave kuq e zi ose kuq, bardh e kaltër.

Kufizime të tilla ishin një sfidë e madhe për artistët, pjesëmarrës në konkurs, thotë Shyqri Nimani, dizajner dhe historian i artit, për të cilin mënyra e përzgjedhjes së simboleve të Kosoves është imponim, fund e krye.

“Nuk mbahet mend ndonjëherë që një piktori t’I thuhet se s’mund të prrdorësh këtë element,këtë ngjyrë apo tjetër. Kjo është e pamundur…Nuk ka ndodh në historinë e njerëzimit! Prandaj, unë këtë e krahasoj me Hudinin, të cilit ia lidhën duart, e futën në një arkë të mbyllën me zignjir dhe e lëshuan në oqean. Ndërsa ai ia doli të dalë nga arka. Prandaj, edhe dizajnerët kosovare e kanë shumë të vështirë që ta bëjnë një zgjidhje, e cila do të jetë e kënaqshme për popullin e Kosovës”.

Me 27 qershor, u mbyll konkursi 14 ditor për simbolet e Kosovës, flamurin dhe stemen. Hajredin Kuçi, kryetar I Grupit Punues garnton “një përzgjedhje të drejtë, e cila do t’I plotësoj kriteret, si në kuptimin akademik poashtu edhe në atë politik”.

Se si do të duket flamuri i Kosovës, hë për hë, nuk e di njeri. Por dihet se përkrah të drejtës për pjesëmarrje, familja e presidentit Rugova nuk mori pjesë në konkurs; një zhgënjim i madh ky, për adhuruesit e tij!

„Flamurin e Rugovës n’mujshim me e mbajtë, mirë. Mos u baftë le ta hajë dreqi krejt!“-thote Ramadan Ukaj, nga Lumbardhi.

„Vallahi, e du flamurin që na ka qit zotnia, burri i krejt shqiptarëve në dynja…Rugova!“-thotë Ali Kamaj, nga Strellci. Përderisa, Smajl Rrustemi, 79 vjeç nga Prilepi le zemrën të flasë:

„ Vallahi, unë po flas shka di! Vdiç Rugova-vdiç Kosova!”

Sidoqoftë, përkrah mundësisë së dështimit të procesit për  përcaktimin e simboleve nëse dështon miratimi I rezolutës për Kosovën në Këshillin e Sigurimit, prof.Shyqri Nimani është I bindur se Flamuri I Dardanisë, ka zënë vend në historinë e popullit shqiptar:

“Ai flamur ka hy në histori dhe do ta ketë vendin në histori“.

Ajete Beqiraj-i patransmetuar