Qeveria e Holandës mundësoi ndërtimin e 29 shtëpive në rajonin e Pejës. Ndërsa, realizmin e këtij projekti prej të cilit përfituan 24 familje të komunitetit rom dhe egjiptas, si dhe katër familje shqiptare e mundësoi Keshilli Danez per Refugjatë(DRC). Sipas Gani Toskës, Zyrtar për Marrëdhënie Ndërnacionale, në Kuvendin Komunal të Pejës, njëra ndër arsyet kryesore që ndikoi në moskthimin e romve dhe egjiptasve në Kosovë nuk është vetëm shhkatërrimi I vendbanimeve dhe infrastruktura, por "janw "deklaratet e gabuara të popullit, që sipas tyre romët dhe egjiptasit kanë bashkëpunuar me serbët".

Këto familje për shtatë vjet qëndruan larg trojeve të tyre dhe farefisit. Qeveria e Malit të Zi iu ofroi strehim, ushqim, ndihmë shëndetsore dhe ligjore. Por, egjiptasi Shkëlzen Rama, 48 vjecar, është I bindur se egjiptasit dhe romët e ikur, kanë pasur edhe arsye të bëjnë një gjë të tillë. Ai habitet se si mund të anashkalohet vetëm për faktin se nuk ka braktisur Kosovën?

"Pse dikujt për shembull ia marojnë shpinë kur ai ka vjedh e ka ba tana të zezat? Atij ia marojnë shpiat, ia binë kauqat, ia binë tana sendet e neve si kemi mbet këtu, neve hiq kurrkushi s'na  kqyr me sy?"-habitet Shkëlzen Rama,"Dmth. Vec pse po kthehen prej Malit te Zi e prej Serbisë, përnjëherë kanë ma shumë përparësi se sa na qi kemi mbet në Kosovë?"

Valdet Palaci, 22 vjec, ka ikur në Nikshiq para tetë vjetësh. Ndërsa, para tre muajsh është rikthyer në Kosovë, në pritje të përfundimit të shtëpisë. Ai brënda kësaj kohe, me familjen e tij pesë anëtarëshe dhe me babanë invalid, ka jetuar tek axha I tij, vet I 13-ti anëtarë, ku me punën që bënte ka mundur të sigurojë vec kafshatën e gojës.

"Dilshim kapak punojshim me do hekra e qeso senesh. Për me hangër kena pasë"-thotë Valdeti, I cili e ka fjalën për hekurishtat e shtëpive të djegura, burim ky ndër më të shpeshtët I këtyre komuniteteve, të cilat përditë mund të vërehen nëpër rrugët e rajonit me qerre kuajsh.

Nepe Regjepi është një e ve 51 vjecare,  nënë e tre femijëve, e cila pas rrënimit të shtëpisë gjatë luftës, jeton në një shtëpi të huaj:

"Edhe unë nuk kam shpi, edhe unë rri në shpia të huaja. Unë jam muzikante, defatore".

Të qenit 'tupanxhi' e 'defatore' është një burim tjetër jetese për romët dhe egjiptasit. Por, se Nepa nuk është e vetmja muzikante në këtë lagje e cila mban familjen, sic thote ajo, "me rreth të defit", na bind zëri I një ashkalie tjetër në shtëpinë matanë, I cili me gjithë zemër këndon një këngë burimore shqipe I përcjellur nga rënie tepsie dhe zëra të hareshëm fëmijësh.

Gjallëria e tipike e lagjeve egjiptase ndjehet në cdo kënd. Por,  kënga nuk mbyt gjithnjë hallet e jetës. Gjyle Dautaj, 45 vjecare dhe nënë e shtatë fëmijë, sikur kërkon shpëtim duke na u rrëfyer:

"Burri s'më punon kurrkund. Djalin e kam invalid. Ndihmë sociale nuk kam. Me dy dhoma jam tuj jetu, me 13 anëtarë, me dy dhoma jam". 

Kjo grua e re është e mllefosur në institucionet tona, të cilat nuk I marrin parasysh, me arsyetimin se nuk kanë qënë të ikur nga lufta:

"Jam drejtu gjithkah, jo nuk je kanë e ikën gjatë luftës. E nëse këta gjatë luftës janë kanë të ikun, këtyne tonve ju kanë marue na cka jena konë këtu, q'I s'kena lujte hic, neve krejtve na kanë lanë në kasolle!"

Gani Toska, I cili është edhe Kryetar I Iniciatives së Romëve të Kosovës mendon se nuk ka barazpeshe në mes të komuniteteve pakicë, duke përmendur ndërtimin e 50-60 shtëpive për komunitetin serb në komunën e Pejës, gjysma prej të cilave edhe më tej janë të zbrazta. Përderisa Shkëlzen Rama është I bindur se ka dallim tejet të madh:

"Numër një, kanë përparesi serbët. Ata s'janë shumicë. Shumicë jemi na! Një familje jona është 15 anëtarëshe kurse ata janë katër e pesë, por kanë vleftë më të madhe, sepse jane serb! E neve: Hajt more ti magjup. Ti s'ki asnjë të drejtë!" Si shiptari si shkau e thotë këtë. "Ti je magjup. Hajt shko n'shpi!" Ai serbi thote: "Hajt cigane, idi kuci. Nema za tebe nishta!" E na atëherë, ku me mbet na?"

Përgjigjen ia jep zëri I egjiptasit, I cili I këndon kohës që po ikën, pa dashur të pyes se, nw  i mbetet prej jetës vec këngës nën kulmin e kasolles së tij të vjetër?

"O I lumi unë   që I bana tridhjetë vjet-eeee..."

Ajete Beqiraj,Dojce Vele